من ديوان العزف على وتر مكطوع ــــــــــــاخاف عليك ــــــــ حسين الهلا لي

[حسين الهلالي]

من د يوان العزف على وتر مكطوع
ــــــــــــــــــــــــــــــــــــــــــــــــــ ـــــ حسين الهلالي
اخاف عليك
ــــــــــــــــــــــ
اخاف عليك من روحي
جيف انت بوسط روحي
اخاف اتشط ابجلماتك
وخاف اتهيج اجروحي
وتحس الناس من تزفر
زفير الساكن ابجوفك
واخاف مثل خوفك
لجن تطرحلي اجفوفك
ويهدأ روعي اوروعك
واظل حالم
مدام انت تظل سالم
× × × × ×
علينا الشمس من تشرك
نلم خيوطها اونشبك
ونظل انغني وندور
ويشع علينا النور
ونردد ذيج اغانينا
(طلعت الشمسه
على وجه عيشه
عيشه بنت الباشا
تلعب بالخرخاشه)
ويظل الوكت يتغير
وشمسنه ابثوبه الاحمر
تغيب امودعه البر
ويغيب اوياها كل شر
اوتظل روحي مع روحك
وسط جسمي
اويصير اسمك مع اسمي
ونظل اشراك
انا وياك
ولاتنساني ونساك
و لامل انه ملكاك
اشكثرياخلي اهواك

[أمل الحداد]

الله الله أستاذي
أعدتني إلى أيام الطفولة الجميلة
وذلك النقاء بين الأرواح
بوركت أستاذي