قصيده ما نسينه

[كاظم الوحيد]

ما نسينه
ـــــــــــــــــــــــ
أنته لو تدري بمكانك
ما تفكر تجرح
وتقسي علينه ,,,
وانته لو تعرف غلاتك
وروحي هاي الهاويه
بعشكَك رهينه ,,,
جان ما كَتلي بوكاحه
راح وكتك غير
معشركم لكَينه ,,,
شنهي كَلي الغيرك
وانته زين تدري
غير حبك ما هوينه ,,,
شنهي كَلي البدلك
وانته ليليه جنت
تغفه على أدينه ,,,
يامه شلتك على اجتافي
من شفت جدمك
تعب لمن مشينه ,,,
وين حلفك ,,وين عهدك
يامه سولفنه شكثر
يا مه حجينه ,,,
أسأل كَليبي شكثر
ينشد عليك
وانته بأذنك تسمع بدكَاته
وتحس بونينه ,,,
دموعي رخصن لأجل حبك
وكَبل لا دمعك نزل
احنه بجينه ,,,
لا مكاتيب وصوري ذكرنك
ولا مشاويري النست
ساعة فرح تبجي حزينه ,,,
وانته كومه أسرار
مودعه بصندوكَ
روحي عله العهد
ظلت أمينه ,,,
حتى شرياني جرحته
وأختلط دمك بدمي
وعله المحبه تعاهدينه ,,,
هواي محطات الوكَف
بيهن قطاري
وكَلبي عندك يصرخ
بكل عالي صوته ما نسينه !!
وأنه أجيتك رغم سهمك
المارد جبدتي
أطيني كَلبي ,,,كَلبي وينه
أطيني كَلبي ,,, كَلبي وينه
الشاعر كاظم الوحيــ 2012 ــد

[شاكر السلمان]

مصافحة اولى مع جميل البوح

وصباحك ورد

نتمنى لك طيب الإقامة بيننا

تقديري

[هيام صبحي نجار]

أهلا بك أخي كاظم على ضفاف النبع
قرأتها .. كنت أتمنى أن أعرف هذه اللهجة
لاستوعبها أكثر
تحيتي

هيام

[عواطف عبداللطيف]

گلبي طول الليل ما بطل ونينة
وظل يحاجيك ويكلك
منهو كال تبدلت
وتغيرت
أنت عندي الدنيا كلها
أنت عيني
أنت روحي
ومن أنام
أبقى أتذكر حجينة
أشلون أنسى
طول عمري ما أخون
أبقى أمينة



المعذرة لخربشاتي

تحياتي وتقديري




منهو كال احنة نسينة

[كاظم الوحيد]

الست هيام اسعدني مرورك العطر ,,هذه اللهجه بالكلام الشعبي العراقي ..مع خالص مودتي لك

[كاظم الوحيد]

الاستاذ الفاضل شاكر سلمان ,,محبتي لك ممتن لمرورك اخي الفاضل

[كاظم الوحيد]

الست الفاضله عواطف ,,انتِ شاعره مع سبق الاصرار ,,شكري وامتناني لك

[الدكتور اسعد النجار]

شلون بينه

كل حبايبنة وكرايبنة

تره كلبوا علينه

آنه ادري الزمن خاين

واليامن بيه مثل راكب سفينه

مع التحية