ألأبوذيات الدافئة

[علي الربيعاوي]

الابوذيات الدافئة
----------------------
عجب مكتوب منك ** مايلينه
وفحم حداد كَلبك ** مايلينه
بعدنه بدار اهلنه ** مايلينه
جريب انه ويشح وصلك عليه
---------------
حبك سره بكل عضاي ** دوره
عزيز والك بالشريان** دوره
اذا ما تثق هاك الكَلب** دوره
واذا غيرك لكَيت اعتب عليه
------------------
عليك الروح هامت من ** محلهه
وبعد مندل الشده من ** محلهه
الهزله الي لفتكم من ** محلهه
تربع لو ترد منكم جفيه
______________

يالتارك بروحي ناي ** ووتار
كلبي كون اشده بحبل ** ووتار
قسيت وياي مثل بلاك ** ووتر
ومثلهم بالنسور اجرمت بيه
----------------------
افكر بيك يحبيب ** ولا نام
ولا غمض جفن عيني ** ولا نام
احب بس اكَعد كَبالك** ولا نام
عزيز وشوفتك حسره عليه
----------------------

[كوكب البدري]

فعلا ابوذيات دافئة شاعرنا استاذ علي

لكن فقط لم افهم الأخيرة :


افكر بيك يحبيب ** ولا نام
ولا غمض جفن عيني ** ولا نام
احب بس اكَعد كَبالك** ولا نام

وألف شكرا لك

[عواطف عبداللطيف]

جميلة قريبة على النفس
أسعد الله روحك


دمت بخير
تحياتي

[الدكتور اسعد النجار]

ابوذيات رائعة ومعبرة

سلم يراعك

[ابراهيم الغراوي]

ممتعة ابيات الأبو ذية يا علي
دمت سالما

تحيات
ابراهيم الغراوي