نزار النوري
05-02-2012, 07:41 PM
يالؤلؤة عمري بشحة المحار ياحورية بحور الدواوين
ياكلب الذهب كلما تلوحه النار ضل بيها الجمال يزيد قاطين
ياكنز الكنوز وسر الأسرار يامصباح سحري بجف علاء الدين
يابساط الريح واحلام الخيال ياطاقية تخفي وماتلوحج عين
خليني الج خاتم سليمان بس فريني اجيب اشما تريدين
لجل عينج اصارع ديناصورات ولو ردتي اركبج فوك تنين
وافرش عالكمر ريش النعامات وعلى خدود الكمر وحدج تنامين
واجيبن سندريلا اتفصل احلام واحققهن الج كد ماتحبين
ومفتاح النجوم بيدج انطيه وبكيفج تطفين وتشعلين
واسويلج مضله من السحابات عليج من الشمس خايف تموعين
لبن عصفور اجيب من الخرافات واسويها حقيقه وبي تشربين
ارجع بالزمن وبسرعة الضوء واجيب من العصور الماظيه اثنين
اجيبن عصى موسى ومال قارون ويصير الحكم بيدج تحكمين
واجيبن وجه يوسف من اجي وياي خاطر ماعلى غيري تصدين
نزار النوري
ياكلب الذهب كلما تلوحه النار ضل بيها الجمال يزيد قاطين
ياكنز الكنوز وسر الأسرار يامصباح سحري بجف علاء الدين
يابساط الريح واحلام الخيال ياطاقية تخفي وماتلوحج عين
خليني الج خاتم سليمان بس فريني اجيب اشما تريدين
لجل عينج اصارع ديناصورات ولو ردتي اركبج فوك تنين
وافرش عالكمر ريش النعامات وعلى خدود الكمر وحدج تنامين
واجيبن سندريلا اتفصل احلام واحققهن الج كد ماتحبين
ومفتاح النجوم بيدج انطيه وبكيفج تطفين وتشعلين
واسويلج مضله من السحابات عليج من الشمس خايف تموعين
لبن عصفور اجيب من الخرافات واسويها حقيقه وبي تشربين
ارجع بالزمن وبسرعة الضوء واجيب من العصور الماظيه اثنين
اجيبن عصى موسى ومال قارون ويصير الحكم بيدج تحكمين
واجيبن وجه يوسف من اجي وياي خاطر ماعلى غيري تصدين
نزار النوري