صارحني ..

[مهدي معلة]

صارحني بغرامك خل تذوب الروح

يا نبض الكًلب يا نظر هاي العين

يا اجمل عشكً شافتك هاي الروح

يالماخذ خيالي الك صار سنين

لو ينسة الكًلب والرمش وية العين

ما ينسة العقل صدكًني كلماتك

ولا ينسة ابد شمة عطور الياس

من جانت تفوح ابين وجناتك

من جانت عيونك تذبح الدلال

وتسحرني جنت بهاي نظراتك

وانتة بالكًلب وبالروح وية العين

ومو كًلبي الينبض هاي نبضاتك

والله جذبت لو كًلت ما مشتاكً

ولك والله وعلي عشكًت همساتك

حتى لو صدكً نفترق انة وياك

اضل طول العمر صدكً فلا ناسيك

وبعيد انتة علي من هاي العيون

ومرات اشتبه وعيون اسميك

وكالولي دمع تحركً بالعيون

ولو اخسر دموعي مكًدر ابجيك

وكالوا اليحبك والله مجنون

انة كًبل ما احبك اتخبلت بيك

وقريب انتة علي من هاي العيون

ومرات اشتبه ........................ اسميك




تحيتي ومودتي تسبق سلامي

الى كل اخوتي واخواتي

واساتذتي

في المنتدى

[شاكر السلمان]

بوركت

شكرا لجمال الحرف

[عواطف عبداللطيف]

والله جذبت لو كًلت ما مشتاكً
مو هاي الترن بيذاني چلماتك
بفراگك جرعت الويل والحسرات
نمت بالليل يم حجرات عِتباتك
اسائل عنك الأحباب والخلان
بلكن من أمُرْ ينطوني هدماتك
أسمك بالگلب بالروح بين العين
ومن أمشي دليلي صفن نبضاتك


المعذرة مهدي لحروفي
كتبتها كما جاءت
دمت بخير
تحياتي

[أمل الحداد]

وربي حلوة ...
عاش قلبك وحرفك
تحياتي الطيّبة

[الدكتور اسعد النجار]

قصيدة جميلة بأفكارها ومعانيها

ود واعتزاز