ياهوى ألجلعه أمن أشمك / للشاعر علي كاظم درجال الربيعي

[علي الربيعاوي]

ياهوى ألجلعه أمن أشمك / للشاعر علي كاظم درجال الربيعي

------------------------------------
ياهوى الجلعه أمن شمك ** وانه عابر عالجسر
أنسه كل هم العليه ** وأسكر بليه خمر
ــــــــــــــــ
تمشي روحي اويالجرف
نغم صفصاف بلطف
الماي بزلوفك يحف
يالجمالك كله سر
*****
ياهوى الجلعه اشحلاتك ** وانت طيب ادري بيك
تملي رياتي محبه ** وانت بايع وأشتريك
ــــــــــــــ
أه ياريحة أهلنا
ياحزنا ويافرحنا
والمنازل غدت جنه
ياوطن كلك سحر
*****
ياهوى الجلعه سلاما ** عالوجوه الباسمات
ياتمر خستاوي طيب ** من نخيل ألبهضات
ـــــــــــــــــــ
يامنادي بظل جرفنا
ياشعر مصبوغ حنا
ياكحل بعيون أهلنا
انت بعيوني قمر
*****
أنت بعيوني محنه ** وطلتك طيب أو وفا
انت جنه بعيني واكبر ** انت موقد ماطفه
ـــــــــــــــ
انت سالوفه قديمه
معضد بمعصم حليمه
صرتي بعيوني يتيمه
من نويتي أعلى السفر
*****
ياهوى الجلعه عذابي ** وحيرتي بديار غربه
ياحسافه العمر غرب ** وأنقفل درب ألمحبه
ــــــــــــــــــــــــ
ضعنا تيهنا دربنا
ولاأكلنا ولاشربنا
وصار للشامت زرعنا
وضاع ياوسفه الثمر
*****
ياهوى الجلعه سلاما ** من تروح ومن تجي
مثل روجات ألمشرح ** من تميل أو تنتجي
___________
روجه مليانه محنه
وروجه معجونه ابدمعنه
صرتي نار بوسط جنه
ياحياتي امن الكدر

---------------------------

[عواطف عبداللطيف]

ضعنه ضيعنا الزمان
لا مراسي ولا مكان
ما بقى بس الحنان
ينبض بسرعه بكثر

المعذرة حروفي
تحياتي وتقديري

[الدكتور اسعد النجار]

حرف رائع ولفظ عذب

آه ياريحة أهلنه

بيكم الكينه المحنه

شكد شمخ بيكم زمنه

آه يامحله العمر

ود واعتزاز

[الدكتور اسعد النجار]

حرف رائع ولفظ عذب

آه ياريحة أهلنه

بيكم الكينه المحنه

شكد شمخ بيكم زمنه

آه يامحله العمر

ود واعتزاز