الأبوذية

[ابراهيم الغراوي]

تهت بالشط وتـاه وياي بلمـاي
أدك واشهك واظل مختنك بالماي
اجو من دوروني ضعت بالموي
لمن مجذاف خلي يمر عليه

[الدكتور اسعد النجار]

الدار الولف جينه احنه وردنه

وجبنه اويانه زهرتنه وردنه

اتمنينه الوصل احنه وردنه

ونعيش بهنه كلنا سويه

[محمد الفهد]

لا تثبت على رأيك ولا صار
وردنه الوصل بس منك ولا صار
وحك عينك بعد حبك ولا صار
مو غيرك اصراري وخنت بيه

[الدكتور اسعد النجار]

حبنه ياترف شوطاح ونهار

اسكيته ابماي من بحور ونهار

جنه جان النه ليل ونهار

شوكت ترجع ليالينه الزهيه

[علي عبدالحسن]

هديت الروح الك والضيم هدني
وغدر شخصك وسم محجاك هدني
بعد روح الجذب ما ريده هدني
بعد ما ريدك ولاتمرعليه

[الدكتور اسعد النجار]

هجرك ياحلو اضلوعي لواها

وتسأل دوم منهو اللي لواها

انته اللي جنت رافع لواها

تالي شمتت العذال بيه

[ابراهيم الغراوي]

هـذا العلـى جتفـك ظفـر .......... يا لـف
الك ملـگـه شحلاته وطبع .......... يالـف
غمـچن جي رخصتن حيـل ......... يا لاف
ملايين المهر طلبوا عليّة

[الدكتور اسعد النجار]

للباري كعدنه احنه وسبحنه

وبجودنه تنعمنه وسبحنه

خرزنه راحت وتاهت سبحنه

البيت الله نروح احنه سويه

[عواطف عبداللطيف]

بعدت هواي عنك لما شِلنه
حتى من الفرح كلنة وشلنه
مرَّضنا البعد عنك و شَلنه
والملگة صعب صارت عليه

[الدكتور اسعد النجار]

هجرك الولف اذانه ومردنه

كلنه مرجعه النه ومردنه

كلشي منه مطلبنه ومردنه

غير الوصل والكعده سويه

[علي عبدالحسن]

تنورك بوَسط الكلب شجره
تساند عاذلي وعداي شجره
اظل واكف ابد ماطيح شجره
ما تحطبني فوسك تدري بيه

[محمد الفهد]

ولك بالجذب مــــــــر عليه سلم
وانه لصرتلك مـن صعديت سلم
ارضى بكلشي بس يا ربي سلم
سالم هو وخل ضيمه عليه

[علي عبدالحسن]

سره ضعن النوده وداعتْ الله
وانه تمنيت تبكه وداعِت الله (دعيت)
ما حبيت غيره وداعت الله
لون سنين بعده تمر عليه

[الدكتور اسعد النجار]

يربي الولفي حفظه وسلمنه

ولو كلبي يغاتي سلمنه

رساله هاك خذها وسلمنه

بيها اخبار كلشي الجره عليه

[علي عبدالحسن]

لاتزعل على الما عده خبره
ولا غالي الرصيد تريد خبره
يلمرسال اله عليك خبره
مريض ومنكسر اتنه المنيه

[الدكتور اسعد النجار]

جوز من الهوى خيره وشره

فضح سرنه على الوادم وشره

لابيعه تتم عدنه وشره

بمان انعيش ردنه بلا اذيه

[ابراهيم الغراوي]

أجلبنك يليـل اثنعـش ..... يلبـه
أحسّب بالتطلبه كلـف ..... يلبـه
وأنت تريده حال الحال ..... يلبـه
مجال اطني الم هدم العلّيـه

[علي عبدالحسن]

اجلبــــــــــنك يليل بكون ما كون
واضحك ما اشوف عداي ماكون
ضاجت خرم ابره عليه ماكون
من يوم لغبت انته عليه

[الدكتور اسعد النجار]

الدار الولف رحنه احنه وسرنه

عن قصته تسولفنه وسرنه

فرحنه بحاته والله وسرنه

رب خلي ايامه هنيه

[علي عبدالحسن]

يسر بس كلبي الك للغير ما سار
وظل واكف ضعنه هناك ما سار
كضينه العمر ضيم وياك ما سار
ولا يوم السرور يمرعليه

[الدكتور اسعد النجار]

شوكك ياحلة لمه وجمعه

الدهر بيده تره يضربك وجمعه

حميس واربعا يمك وجمعه

انعيش ابهنا واحلام الهنيه

[محمد الفهد]

فرحــــنه اليوم طيفك مرعلينه
ونسينه اللحضه بعدك مرعلينه
كبله هــــــواي عابر مر علينه
مثل بعدك ابد ما مــــر عليه

[علي عبدالحسن]

احس ريجي بوداعك صار حنظل
ولا فاد التوســـــــــــل بيك حِنظِل
هم شايف بكـــــــــــل دنياك حنَظل
وانه المحني الظهر والظل اليه

[الدكتور اسعد النجار]

هله بالنبع اخوة وانتمنه

اله انحب التطور وانتمنه

شعري قطعة منك وانتمنه

ربي يلبسك حله بهيه

[ابراهيم الغراوي]

أنت طين دهـــله وسهـل مكراك
وأخاف أوصلك وأنت صعب مكراك
شمـالك صرت للغــربان مكرك
وانأ الغرّيـد ما تنشد عليّـه



( الدهله: طين الغريـَن )

[علي عبدالحسن]

هله بالنبع بيت وبيه عشنا
نحن مثل الطيور نحبه عشنا
نضحي وما يهمنه الوكت عشنه(عشانه)
لجل نبنيه بيدينه سويه

[علي عبدالحسن]

ريل الراح حمــــــــل واخذ راحاي
وجنت راضي ولو ما شفت راحاي
بس ادور ما تنســــــــــــمع راحاي
غديت اطحين بس النفس بيه

[الدكتور اسعد النجار]

حبيبي آنه اودنه ودله

الدرب الزين ارشدنه ودله

وياه اكعد وفنجانه ودله

والله للصبح كعده هنيه

[ابراهيم الغراوي]

ريل الراح حمــــــــل واخذ راحاي
وجنت راضي ولو ما شفت راحاي
بس ادور ما تنســــــــــــمع راحاي
غديت اطحين بس النفس بيه


أشله بيش حتى يطيب .... يرحــاي
الميت عده غيرة وكـام ....ير حـاي
آنه طحين شتطحنين......يرحاي
أذا تردين نعمي الخشن بيّـه

[علي عبدالحسن]

أشله بيش حتى يطيب .... يرحــاي
الميت عده غيرة وكـام ....ير حـاي
آنه طحين شتطحنين......يرحاي
أذا تردين نعمي الخشن بيّـه



علج سويت كلبي ولجـــــــته برحاك
وانه الما همني راحي ودخت برحاك
حشف راويتني وضمــــــيت برحاك
رضيت انه الحشف ما يرضه بيه

[ابراهيم الغراوي]

أنت علــج مرمر صعــب لوجــاك
الوج ومضن لوجي يصل لوجـــك
علمي بيوم يا بو حسين لو جاك
ما اريدن تشك زيجك عليه

[علي عبدالحسن]

أنت علــج مرمر صعــب لوجــاك
الوج ومضن لوجي يصل لوجـــك
علمي بيوم يا بو حسين لو جاك
ما اريدن تشك زيجك عليه

يبراهيم خـــــــــــــــــويه بعيد يومك
وعمه كل شر يشـــــوفك حتى يومِك
الف رحمه اعلى ابوك ورحمه يومك
يدوم النبع خوتنه سويه

[الدكتور اسعد النجار]

اريد انصح انه وليفي وعدله

وللواشي اشتمنه وعدله

ويعرف ظلمه من حجيه وعدله

وكله لاتظل اتلوم بيه

[حسن العلي]

سکاره إحنه بهواکم ماصحينه
مطرنه أُدموع إلکم ماصحينه
شکثر يوجع جرحکم ماصحينه
نحبکم واليحب يحمل أذيه

[ابراهيم الغراوي]

يبراهيم خـــــــــــــــــويه بعيد يومك
وعمه كل شر يشـــــوفك حتى يومِك
الف رحمه اعلى ابوك ورحمه يومك
يدوم النبع خوتنه سويه


المنية كون تاخذ زوج ..... مو تك
أنه وولفي عسانه كبل ....... موتـك
بالف رحمـة يتغمـد كون ....... موتاك
وأهل النبع وياهم سويـة

[الدكتور اسعد النجار]

رحت يم الولف احد وربعه

شحلاة الكعدة يم ربعي وربعه

لانص العشك شفته وربعه

اراويك العشك كله ابمسيه

[حسن العلي]

يضل گلبي عليكم دوم ينشد
الك بحله القوافي الشعر ينشد
يضل حبل الموده او ياك ينشد
حتي بعيد لا تبعد عليه

[علي عبدالحسن]

غير الهضم كلبي وياك ما لم
وصفه بعد الفعلته وياه ما لُم
بعد خلصت عشرتي وياك ما لم
تجيني وتعتذر وتبوس اديه

[علي عبدالحسن]

المنية كون تاخذ زوج ..... مو تك
أنه وولفي عسانه كبل ....... موتـك
بالف رحمـة يتغمـد كون ....... موتاك
وأهل النبع وياهم سويـة



شكرا خويه يبراهيم شكران
وصحبتك هايه يرادلهه شكران
حجاياتك نبل اخلاق شكران
من روحي الالم والهم سويه

[الدكتور اسعد النجار]

صدودك فززه الكلبي وعاني

من هجرك انه اشكي وعاني

كاصد للولف هسه وعاني

اشوفك موش عن قصد وقضيه

[ابراهيم الغراوي]

غير الهضم كلبي وياك ما لم
وصفه بعد الفعلته وياه ما لُم
بعد خلصت عشرتي وياك ما لم
تجيني وتعتذر وتبوس اديه


كلامك صابني بريتي وعلني
حجيته اگـبال شمّاتي وعلني
أخوي وگـلت أوديله وأعني
شمدريني أخوي يعيل بيـه

[علي عبدالحسن]

اخوي شما يعيل وياي ارضه
اسوي الكلب وين ايريد ارضه
تراه الزعل للــــخوان ارضه
يغلبونه بكلب واحد سويه

[الدكتور اسعد النجار]

وديان اعبرت وجبال ونهار

على اجدامي مشيت ابليل ونهار

كلشي اللي بنيته وكع ونهار

وكل الخلك تتفرج عليه

[علي عبدالحسن]

طحت اكبال عينك ما تعني
عنيت لغيري تركض ما تعني
الجذب والخون والغش ما تعني
عنت بس بيك ماصخ ملح اديه

[الدكتور اسعد النجار]

زها هلالك عليه اليوم منهل

وبحر وصلك اجاني عذب منهل

افوجن بيه واغرف منه منهل

واعيشن ياحلو ابوسط ميه

[علي عبدالحسن]

يخويه الدهر بيه حيل شد راك

تكلي الحك لكل فاتوك شدراك

ينايم بلـــي عد النجم شدراك

نامت ما درت عيناك بيه

[الدكتور اسعد النجار]

خزني زاد وهمومي ولاماي

على اللي جره من عدهم ولاماي

لاهو دم دمع عيني ولاماي

روحي اللي تصب الدمع هيه

[الدكتور اسعد النجار]

حلو والله بوجود اهلي نبعنه

كل الطيب ينبع من نبعنه

كلنا منه ياصحبي نبعنه

نتمنه اله عيشه هنيه

[علي عبدالحسن]

ما بسك زعــــــــل ورضاك ما حان
لون تسعين عمري وضهري ما حان
احن عليك بـــــــــــس عليك ما حان
ابد غيرك اظل يحرم عليه

[الدكتور اسعد النجار]

النبع بيه فرحتي وشدوي وسمعنه

بصرنه بيه يرتاح وسمعنه

وغيره ابد مقرينه وسمعنه

بنبعنا الهنا يلتنشد عليه

[علي عبدالحسن]

نيرانك بوسط احشاي لوضن
وصدك حجيك عليه اتكول لوضن
ما همه البعوض الليث لو ضن
ابيض ثوبي تدري الناس بيه

[الدكتور اسعد النجار]

انت اللي طعن روحي وسمها

بالذل والله هجرانك وسمها

بالحب يلهج كليبي وسمها

كافي هجر يمته تمر عليه

[ابراهيم الغراوي]

بمناسبة استشهاد امام المسلمين ( محمد الجواد ) عليه السلام أقول


مـن محمـد تعـلم خلـق ونهل
الجواد نكت له دمع العين ونهل
بموته انهد عرش( معتصم ) ونهال
وبقى محمد علم فوك الوطية

[الدكتور اسعد النجار]

بحيكم مر تره كلبي وحيهه

عليهه سلم بضحكة وحيهه

لولا المستحه منها وحيهه

جا ركصت يخي للصبخ هيه

[علي عبدالحسن]

بمناسبة استشهاد امام المسلمين ( محمد الجواد ) عليه السلام أقول


مـن محمـد تعـلم خلـق ونهل
الجواد نكت له دمع العين ونهل
بموته انهد عرش( معتصم ) ونهال
وبقى محمد علم فوك الوطية

عجيبه الوكت كل مكتوب داره
يحط فحمه ويشيل الوكت داره
راح المعتصم جا وين داره
ذهب دار الجواد بكاظميه عظم الله اجوركم باستشهاد الامام الجواد(ع)

[الدكتور اسعد النجار]

اعتنيتك كلني شوك ولهفه ولهام


طعم حبك اكلته بشغف ولهام


ما ادري الحزن يقتلني ولهام

يراويني زماني كل اذيه

[علي عبدالحسن]

وياك تعودت عل قهر عل هام
ومنك صار تاج الشيب عل هام
عليل وراح اموتن انه عل هام
يريد يروح جا شي ظل اليه

[الدكتور اسعد النجار]

لعد درب الهوه تمشي وخلهه

كلت ياكلب اتركهه وخلهه

عدوه الك اخسبهه وخلهه

بنار الحقد خل تحترك هيه

[ابراهيم الغراوي]

لبـوي انولــــد بس آنـه ولمه
وحضّـرلي الدهر ضيمه والمه
تمنيت الفــرح يلتــــم والمه
لجنه ماي طش شيلمه اليه

[الدكتور اسعد النجار]

لوتلي اضلوعي هلسمره وحنت

بدموعي خضبت ايدي وحنت

علي تبجي بقهر أنت وحنت

اكلها لعد ليش كطعت بيه

[علي الربيعاوي]

ويبني
جناس يدور الشاعر *&* ويبني
وانه النسوان وزني *&* ويبني
شاط اللبن من غيضي *&* ويبني
تكطع مثل ماكطعيت بيه ..
----------------------
مع تحيات ابو عمار الربيعي

[الدكتور اسعد النجار]

بعدك مابكت بالروح همه

بعالي السمة هليزداد همه

ردت منهم وصل ماوفوا همه

خلوني بحزن واحمل أذيه

[ابراهيم الغراوي]

ويبني
جناس يدور الشاعر *&* ويبني
وانه النسوان وزني *&* ويبني
شاط اللبن من غيضي *&* ويبني
تكطع مثل ماكطعيت بيه ..
----------------------
مع تحيات ابو عمار الربيعي

صح لسانك يا أبن المجر
أبن السلام يكول

جناسي تهدم بفـد يوم *** وبنـاي
بيوم اخـوي وز ابنـاه *** وابنـاي
وشفت سن الشماته بطبل *** وبنـأي
فرحوا من طعن واحــد بخيـه

[علي الربيعاوي]

ولطرش
بعد مامر منازلكم *&* ولطرش
ولااعصر عنب سلتك *&* ولطرش
وحك جدي بدر حمره *&* ولطرش
اشوربيك من تضحك عليه ...
---------------------
مع تحيات ابو عمار الربيعي

[ابراهيم الغراوي]

ما احتاج عصر أيـدك ** وطرشاك
وارجعلك مكاتيبك ** وطرشاك
أضن بدر الحمر غرك ** وطرشاك
أشور بيك من تزعل عليه


مع تحيات أبو سجاد الغــراوي

[الدكتور اسعد النجار]

اليحبني واحد وشماتي مايه

وعندي ناظر يهل دمع مايه

انتظرت الولف طول الليل مايه

صبرت هواي بلكي يمر عليه

[الدكتور اسعد النجار]

حظنه هذا من الله وعدنه *** دهر عاكسنه ويخالف وعدنه

مو انته الكلت انتو وعدنه *** تالي شمتت حسادي بيه

[حسن العلي]

الكَلب مات وضميرك مات همين
أهمن بيك وانته ماتهمين
تره الراقب الوادم مات هما
وشريف اللي ستر حاجة أخيه

[حسن العلي]

يهل مبعد بضعنك ونه ونه
وتره إغناي ابغيابك ونه ونه
التمر للغير تالي والنوه النه
وآنة عثوكَك أمر بيهن بديه

[حسن العلي]

دمعتي تروح روحي من أهلهه
وانه العيني لدمعهه من أهلهه
سعيت أطلب الحاجة من أهله
الحاجة وي أهلهه إكطعوا بيه

[حسن العلي]

وحكَ البيت واليمة والعظام
أحبك وبكثر حزني ولع ضام
يفز جلدي من أشوفك والعظام
ترجف بس تحط ايدك عليه

[الدكتور اسعد النجار]

اذا ماتدري هاي الخلك سلها

بعدك والصدود الروحي سلها

مثل السهم سأله شلون سلها

وخلاني أخاف من الأذيه

[حسن العلي]

يهل رايح لهلنَه سلم ألنَه
الليالي بيد غربَه سلمنَه
عنبنَه وما حوينَه سلَه منَه
خسرنَه العنب والسلة سوية

[حسن العلي]

شحلاتَه الشعر لمن طلع من فاك
ويضل بابك لعد الخير منفك
أذا أنت ببلاد الغير منفاك
الوطن صار بغيابك منفَى ليَه

[حسن العلي]

الشوك وياك صدفة قابلاني
شيجي منك عليَه قابل آني
تقشمرني بضحكتك قابل آني
غشيم وتعبر الضحكة عليَ

[الدكتور اسعد النجار]

ميفيد الحجي علمضه والراح

وحتى لو صفكت الراح والراح

من شفتك عرفت الفرح والراح

كلي اشغيرك ولفي عليه

[علي الربيعاوي]

مالمتني

****

عجزمن شيل هدمي *&* مالمتني

وعلي ضاكت الوسعة *&* مالمتني

لون تدري الوادم *&* مالمتني

لها الظاهر وانه النيران بيه

حالي
****
انه ارداي الونين اشكثر *&* حالي
عييت وهل شبت من دون *&* حالي
يعمي اشلونه حالج مثل *&* حالي
طايح والنوايب ترس بيه

-------------------------------

[الدكتور اسعد النجار]

ابكلبي مابكت يهواي همه

فوك الكمر والله ازداد همه

انصبت للروح آنه بيوت همه

حتى ماتظل تعتب عليه

[جودت الانصاري]

انه الكضيت عمري بلاله ,,, لاله
وابد ما يوم كتلك ,, لاله ,,,, لاله
لان وجهك شمس والوجنه , لاله
من تجفي الوكت يظلم عليه

[عطاء محمد]

يمر طيفك ورد وامطار وانهار
وببعدك حبيبي روحي تنهار
أرد باسمك يغالي ليل ونهار
لوعني الحنين شلون بيَّـه

[الدكتور اسعد النجار]

حبيبي من تعوف الكلب لاوين

على فراش المرض انتظر لاوين

ضلوعي اتكسرت وذبلت لاوين

تحملت بصدودك كل أذيه

[قصي المحمود]

تره شفتي بغيابك دوم...تنشاد
وعليك اعضاي كلهه ابنوح..تنشاد
متى روحك ويروحك حيل..تنشاد
واصيرن بيك وانته اتصير بيه
الشاعر كريم..منقول

[هديل الدليمي]

يالبـــجفاك ضاع العـــمر وســـفة
تعـــذرني لون ما جيت واســـفة
وحك حسين والكرار وسيفة
أجيك زحوف عالركبه واديّه

[الدكتور اسعد النجار]

ديار الولف جنها حنه بيها

ضلوعي من جفاكم حنه بيها

وهاي جفوفي ماظن حنه بيها

هذا الصبغ دم فركاك اليه

[قصي المحمود]

اسمع اتمنه صرت هلوله
ألنه الحزن دوم صار سوله
دنيا هام هي هيه ..معقوله
جف بجف اضرب بيديه

[الدكتور اسعد النجار]

أنه بحبك يحلو الطول فالح

حظي صفر بس وياك فالح

بيك ابقه بهنه وافراح فالح

بس لاتفرح الشمات بيه

[هديل الدليمي]

غريبة وأحن لديارك واراضيك
وصعب زعلك عليه شلون اراضيك
جافاني النفس حيل وأرى ضيك
يخنك عبرتي ويرجع عليه

[الدكتور اسعد النجار]

من هجرانه هاي ضلوعي حنت

ودمعي هاي ايديه بيه حنت

روحي تحسرت والله وحنت

يمته تجي ياولفي اليه

[هديل الدليمي]

غركَت بدمع عيني من تجارة
حبك مو شرايه ومو تجارة
تعالي اشكيج همّي منتي جارة؟
واسولفلج على الي صار بيه

[الدكتور اسعد النجار]

عبرت آنه الك وديان ونهار

انوح الليل صبح وفجر ونهار

بدر حبنه ذبل اوغاب ونهار

كافي عاد شوكت اتحن عليه

[هديل الدليمي]

يبعثرني الهوه بفكَدك وافر بيه
وجمّدني ثلج وصلك وفر بيه
هم ينساك كَلبي وين افر بيه
يمته الوكت يجمعنا سوية

[الدكتور اسعد النجار]

شفه المعلول من علته وانا داي

عذبته بكثر نوحي وانا داي

بدربه لنتظر جيته وانا داي

دخيلك ياحلو اشفق عليه

[علي الربيعاوي]

من تكلبه
گلبی بلا گلب بعدك *&* منتگلبه
تگلبه وماتجد غيرك *&* من تگلبه
نشاز يصير ثوبک *&* من تگلبه
ونشاز يصير كل غيرك عليه ....
ابو حمزة الخفاجي
****
من تكلبه
كلب الردي اسود *&* منتكلبه
مثل حية ومعفية *&* من تكلبه
كل ثوب يتغير *&* من تكلبه
بس ثوب الحيايا يزيد ضيه .....
ابو عمار الربيعي في 31/ 12 / 2013
------------------------

[الدكتور اسعد النجار]

كلمني الحلو ابجيته وسرني

فرحتي برجوعه اهنا وسرني

سر عدهم بكه بسرهم وسرني

كافي أحزان خلنفرح سويه

[علي الربيعاوي]

شاطراني
انه بسف القوافي *&* شاطراني ( الماهر في صنعته )
وانه بس نهر دجلة*&* شاطراني ( قاسمه على نصفه )
مثل صوفي العقيدة *&* شاطراني ( المسرع الى ألله )
مو منبت خباثه وفاجريه .....
---------------------
مع تحيات ابو عمار الربيعي في 7 /1 / 2014 م

[الدكتور اسعد النجار]

حزني عليك باقي ليل ونهار

شطوط عبرت الك ياترف ونهار

حبنه اللي بنيته وكع ونهار

والشمات فرحوا والله بيه

[علي عبدالحسن]

اضنك ما شفت بجفاك لوجاي
شربته وما يغصص ماي لو جاي
يخايب جا نسيته حفاك لو جاي
ما ضنك بعد تلحك عليه

[علي الربيعاوي]

ابو ذيات قلعاوية و مجراوية
------------------
وانحال
وهن عظمي وتردى الجسم *&* وانحال
لآن حبل الموادد يبس *&* وانحال
انت بحال اخس كل حال *&* وانحال
مثل حال الموسد للمنية
****
وندماي
الحبيب الجان الى سلوة *&* وند ماي
راح وحسرتي بصدري *&* وندماي
اصحابي اتخضب بحنة *&* وندماي
خضابي الصار من جفني لديه
وهدناي
****
مسني الضر وهد حيلي *&* وهدناي
كتله اشتمر عن ابعد *&* وهدناي
ربي لاتكلني لحد *&* وهدناي
روحي التحتضر علتي الخفية
****
وجن
يهيلة اعضاي من الشوك *&* وجن
حسافة سنيني كلها المضت *&* وجن
ضاعن بين دس الانس *&* وجن
صرت سكران كل صبح ومسية
****
وشال
عليكم حتى دمع العين *&* وشال
ويوم الطحت انه الحمل *&* وشال
انت الضعن واسرى بحال *&* وشال
بهدوة ليل ماودع خويه
****
ونامن
اريد اتوسد ذراعك *&* ونامن
وروحي من القهر تبرد *&* ونامن
من هجرك نسيتي اسمي *&* ونامن
من رحمة على ابيك ردني ليه
_______________
مع تحيات ابو عمار الربيعي في 17 / 2 / 2014م

[الدكتور اسعد النجار]

الدهر خاين وهاي احشاي فرها

ابنار البعد والهجران فرها

والباكي الخلك دنياه فرها

وظلت مظلمه الدنيا عليه

[هديل الدليمي]

شكثر حبيت مثلك ما شفت حب
وانا العـــطشان وانت المـــاي بـــالحب
لا فـســــتق بــــعد ينـــــفع ولا حــب
والحســــــرات شبـــــعت شبـــــع بيه

[حسن العلي]

https://fbcdn-sphotos-g-a.akamaihd.net/hphotos-ak-ash3/t1/1912118_290258774461756_707122893_n.jpg

محبتي هههههههههه

[الدكتور اسعد النجار]

ظل حاير ابين اصعود ونزول

كاعد بالطرف لاملك ونزول

عساه ابمرض مابي شفه ونزول

ادعي عليه كل صبح ومسيه

[علي عبدالحسن]

بعد حملي على الجتفين ........مو مال

ولو تطلب فديتك روح..........مو مال

صدك زم كلبي آنه عليك........مو مال

ما املن ابد والبيه بيه

[الدكتور اسعد النجار]

الدارك يابعد روحي رشدنه

حلو الطول تيهنه رشدنه

أسألك منهو بالدنيه رشدنه

تركني وأبد ماجاوب عليه

[الدكتور اسعد النجار]

أطش روحي بوسط دربك ولمها

بعينك شوف يحبيب ولمها

ماخليت لاعارف ولمها

بلكي تحن ولو نظره عليه

[هديل الدليمي]

عزف همسك يطشّرني والمني
يالحبّك سره بكَلبي وألمني
ناديتك حلم يا كل الأماني
زكاتك لا تزيد الوجع بيه

[الدكتور اسعد النجار]

مساء النور كتله وكلي ومساك

وبالوجنه أشم عطور ومساك

اذا جاني اعوف الأكل ومساك

وافطر من يهب عطره عليه

[هديل الدليمي]

حبك سبحة بايديه وافر بيه
وكَلبي نار وكلَبك جن وفر بيه
أريد اشرد أنا وكَلبي وافر بيه
واعوفك يالغدرت وخنت بيه

[الدكتور اسعد النجار]

حبك بالكلب مزروع شجره

عليش تكول شنهو الصار شجره

متدري من العيون اليوم شجره

دم وي الدمع يجرن سويه

[الدكتور اسعد النجار]

ربك ناظر وسامع بداهه

الفضل للي عمل طيبه بداهه

مثل الكصت احشاهه بداهه

صرت مالوم من غصبن عليه

[الدكتور اسعد النجار]

المنافق لاتتركه ودوم حجمه

ودمك لو فسد ياترف حجمه

يظل الماعرف قدره وحجمه

يكول بكل وكت انه شبديه

[الدكتور اسعد النجار]

انتظرتك ياحلو وفرحت بهلاك

وكل شامت اريده بضيم بهلاك

أحب رسمك وأرحب دوم بهلاك

ومن تبعد تظل ظلمه عليه

[الدكتور اسعد النجار]

فاركني وهمت ليلاي بيداي

وكلبي هليون ياصاح بيداي

اريد احفر كبر ياروح بيداي

واطمج كبل ميشمتون بيه

[الدكتور اسعد النجار]

كضيت العمر كله بسمني

ولامره الليالي بسمني

شعلامه انتقم دهري بسمني

أخذ كل اليريده اشظل اليه

[الدكتور اسعد النجار]

زماني حد علي سيفه وسله

كلبي صابه بسهامه وسله

قدم بيه لعب طوبه وسله

حسافه اللي حدث والصار بيه

[الدكتور اسعد النجار]

شاب الراس ماعندي ولاسن

زماني وياه اتكاوه ولا سن

طلبت منه يسن سيفه ولاسن

كصد موتي بعذاب يصير اليه

[الدكتور اسعد النجار]

من الزمن رحت انحرت بيده

لتطخ راس لولاواك بيده

صير ويه الأخو وللعدو بيده

تره الفزعه يصاحب بالحميه

[الدكتور اسعد النجار]

كضيت العمر عنه بعيد هايم

وبقيت انطر منيتي تجي هايم

مثل مفطوم صاح وصرخ هايم

ارحمني يولفي ومر عليه

[الدكتور اسعد النجار]

شعرج آنه أقراه ونتي كلبي

سره عند اليفهمه ونتي كلبي

اكتبي ولاتبطلي ونتي كلبي

وراح ابعث الج احله هديه

[عواطف عبداللطيف]

تغيب الروح بغيابك وأ ردها
ترة بلياك تنطر من يـ ردها
يبس كل الزرع حتى وردها
شمس انت وتنور الدرب ليه

[الدكتور اسعد النجار]

زماني لاتظل واكف ولك دور

الغيرك اكتب الفضة ولك دور

دارا بنيت للوادم ولك دور

منتظريك يلجيتك هديه

[قصي المحمود]

هاك كلبي بيدك حيل طحنه
امس فوك النجم واليوم طحنه
شبينه يا ناس بالهوى طحنه
رديه كلوبنه تحب الاذيه
(منقول)

[الدكتور اسعد النجار]

بربي آمنت تقوى وبداهه

طريق الخير انته اللي بداهه

وللشر انته كصيته بداهه

وتالي حسدتك هاي البريه

[الدكتور اسعد النجار]

زماني بقوه يسحبني وجربه

صديقك عامله وشوفه وجربه

صحيحه ابعدها عن مره وجربه

لأن تنعدي وتتأذى خطيه

[الدكتور اسعد النجار]

الخلك للشامت اتشوفه كضبه

بس بالشين افعاله كضبه

العدس للي ميدري يشوفه كضبه

ويكول الوكت هم خان بيه

[الدكتور اسعد النجار]

بحجي العذال مهتم من يردني

بمضايف ماشفت أحد يردني

اكولن والحجي شاهد يردني

بين الربع صار الفصل اليه

[الدكتور اسعد النجار]

وطنه هذا أصيل أجداد وعراك

مينه كالعطر من يكع وعراك

قسمت بالحمزه والعباس وعراك

لراوي العده اسباب المنيه

[الدكتور اسعد النجار]

الزمن وزع عليه الألم بسهام

وحصتي صفت بين الناس بسهام

كلبي صوبه ياصاح بسهام

خلاني عليل وفتك بيه

[الدكتور اسعد النجار]

بلادي بيها عذبة اجبال وانهار

بيها اتغزل آنه بليل وانهار

كل اللي بنيته انهدم وانهار

والشامت أشوفه فرح بيه

[قصي المحمود]

بالكلب لهواي مو بالعين شفته
ومثل قرص الشمس بهداي شفته
حجت عينه وكبل ما تحجي شفته
مرد كلبي من اكبل عليَّ

[الدكتور اسعد النجار]

كافي عتب كافي لوم بسعاد

خالي نعيش باقي العمر بسعاد

أمل عمري جياتي هي بسعاد

ليالي العمر وياهه هتيه

[رسول الفرطوسي]

تظل روحي عليلة اعليك هدها
ضيم الي لفاني ويــــاك هدها
دهديها واكلــــــك كوم هدها
تعثرت بحماد وحيل بيه


رسول

[رسول الفرطوسي]

على البصرة اذب روحي وانامن
اشوف البصرة واسالها انا من؟
تكول انته الوطن مني وانا من
وطن واحد نعيش احنه سوية


رسول

[رسول الفرطوسي]

يبسمة روح الك بالروح داري
احطك بالضلع لو ضاك داري
تظل تنكر ونه ادري بيك داري
وتغض بناظرك و تمر عليه


رسول

[الدكتور اسعد النجار]

السور بطوالها أحلفلك ولكصار

كلبي مسجل باسمك ولك صار

مريت بحزن انته ولك صار

انه وكتي يتآمر عليه

[رسول الفرطوسي]

نشف قلبك علي شبيه ما شف
مرض بالروح ابد فد يوم ما شاف
عمت عيني وبعد وياك ما اشوف
ولا رايد حبيب يمر عليه


رسول

[رسول الفرطوسي]

كبر فلبي بغرامك ليش بعداك
قريب الروح صاير وانت بعدـاك
تتآلف على الاخوان بعــــداك
تبيع وتشتري بالرخص بيه

رسول

[رسول الفرطوسي]

انه فوق العلل شايل عللهم
احباب تعودت بيهم على الهم
يمزنة مطر لو تنزل على الهام
احس برد الوكت كله بأديه


رسول

[رسول الفرطوسي]

شربت الحنظل وشربو عسلهم
كل خير اليمر بيه عسى الهم
هلي شما صار امنيتي عسى الهم
يروح وتخلص ايام الاذية


رسول

[علي عبدالحسن]

بعد حملي على الجتفين....مومال
ولو تطلب فديتك روح ....مو مال
صدك زم كلبي آنه عليك..مو مال

ما ملّن ابد والبيه بيه

[الدكتور اسعد النجار]

رفيجك لو وكع ابضيج شلها

الناس بكل وكت لتكول شلها

خيط اجروحهم وجروحي شلها

بعد ماكو صبر واحمل أذيه

[جاسم الباشق]

دواك الصبر بالك لا تهملهْ
وبين اعداك دمعك لا تهمله
وجامل حال وقتك لا تهمله
ولا الشامت يكلك يا خطيه

[الدكتور اسعد النجار]

العذول بكل وكت يهواي حجمه

ودمك من تشوط اعليه حجمه

حاقد ماعرف قدرته وحجمه

عايش بالنميمه وهاي هيه

[قصي المحمود]

ضاع الصدك والجذب يوم الأكلنه اللحمة
شي تكول حلال وشي علينه تحرمه
عساكم بالهجر والفنا كلمن فرق اللحمة

[الدكتور اسعد النجار]

لومك مااجاني بغير لوله

عمرك ماأريدن بيه لوله

والعاشك ينام بغير لوله

لان كلبه يلولي بكل مسيه

[رسول الفرطوسي]

اضعون البيهم المحبوب شالن
اجفوف الما تودع الراح شلــن
تركت اجروح ما فد يوم شلـــن
يضل جرحك رفيجي للمنيــــه


رسول

[رسول الفرطوسي]

قسه هذا التراب سباع ما هـــاب
كطع حتى النسيم اعليه ما هب
تضمــــــه الكاع والصنديد ما هب
لأن أمر الاله حط بالقضيــــــة

[رسول الفرطوسي]

يفارس مو وكت نومة ولك كوم
الك اهل الحزن ناحت ولك قوم
ولك يوجر حطب كلبي ولك كوم
حطب يسري بهشيم النار بيه

[حميدة العسكري]

صح لساك شاعرنا

[قصي المحمود]

الذيب انكطعت اليسرة ويمناه ..
تمشي الواوية جدامه ويمناه
..خوفك من الجريب وايدك اليمناه..
تراها صارت بهل الزمن فرهود ويا هو اليَّ

[الدكتور اسعد النجار]

العاذل لاتتركه دوم حجمه

وجسمك لو نحل ياصاح حجمه

البشر بس بالعقل ينقاس حجمه

ومايقبل ابد ابكل أذيه

[علي عبدالحسن]

يعمري الراح كله مانح الهَ
وهسه الشيب بيه ماني حلهَ
تره عكده لعكدنه ما نحلهَ
اذا كلهن الك شيظل اليه

[علي عبدالحسن]

ما ينكطع لا والله وِده
وجرحك مايطيب حسين ودَه
شفت راسك يخويه بطشت وده(وداه)
يزيد وحضنته وماتت رقيه

عظم الله لكم الاجر باستشهاد طفلة الحسين (رقيه) عليهما السلام

[الدكتور اسعد النجار]

حبيبي شاطر يتابع علامه

يملك من حسن يوسف علامه

هم تسأل يصاح شبي علامه

جنه كمر من يجبل عليه

[علي عبدالحسن]

شجاك اويَ الوكت صاحبت جاره(جوره)
ولو رايح لكلبي سوي جاره
ابد ما سوه مثلك ويَ جاره
بسابع جار وصى الله ونبيه

[ابراهيم الغراوي]

مــا دام العمــر يمشي****** وجاري
كلت ميخالف اسكتلك ****** وجـاري
هم أخـوي وابن أمــي ***** * وجــاري
شمدريني الطمـع وزك عليه

[علي عبدالحسن]

تنورك بوسط حشاي شجره
تساند عاذلي وعداي شجره
اظل واكف ابد ماطيح شجره
وما تحطبني فوسك تدري بيه

[علي إدريس الغانمي]

وغلاتك يا عزيز الگلب والروح
مهو انته البدر في الجية والروح
عسى شانك يعتلي يا طيب الروح
في الدنيا بعز وفي الجنة سوية

[عامر الحسيني]

لدي سؤال ...
هل يجوز ان اغير وزن الابوذيه
مفاعيلن مفاعيلن /فعولن او مفاعيل
الى غيرها من تفعيلات ....؟


ابد مانام كَلبي صاح يا صاح
توالي الليل بسمك صاح ياصاح
ابد لتكَول هجرك صح ياصح
لأن جسمي ذبل والنار بيه

****

http://up.graaam.com/img/22b6bf99a6fd17fc58878c178a4488a2.gif

[عامر الحسيني]

أون بالليل يمدلل وانالك
وأظل ناطر تجي يمي ونالك
قدر مكتوب لي انته وانالك
مثل ماي وجرف صفن سويه

http://up.graaam.com/img/22b6bf99a6fd17fc58878c178a4488a2.gif

[عامر الحسيني]

قلب ما راد حب غيرك ولك راد
عليل وصاح بغيابك ولك رد /ولك راد
نشدت العجم عنك والاكراد
يكَولون العرب بيهم حميه

http://up.graaam.com/img/22b6bf99a6fd17fc58878c178a4488a2.gif

[عامر الحسيني]

يطيبه أشلون بجروحي يطيبه
جرح يفتح جرح منهو يطيبه
يفوح بطيب دلالي يطيبه
كتب حبج على رغم الأذيه

http://up.graaam.com/img/22b6bf99a6fd17fc58878c178a4488a2.gif

[ابراهيم الغراوي]

العارف ردته يوصف ...... ما صفالي
وكتي ليش محـــرب....... ما صفالي
اذا ولفـــك صفــالك ...... مـا صفا لي
صفا لغيري وانه حضي الاذية

[ابراهيم الغراوي]

العارف ردته يوصف ...... ما صفالي
وكتي ليش محـــرب....... ما صفالي
اذا ولفـــك صفــالك ...... مـا صفا لي
صفا لغيري وانه حضي الاذية

[الدكتور اسعد النجار]

عقلي عليك يامحبوب جنباي

بدلالي اسهامك دوم جنباي

يزيد الشوك الك ولو كنت جنباي

احبك من تدلل بين ايديه

[علي إدريس الغانمي]

غرايب بالبلد والله غرايب

يعيش ابها سعيد ابن الغرايب

وفيها ابن البلد يلقى الغرايب

ينادي يا خلق والله بليّة

الغانمي

[عامر الحسيني]

http://www.nabee-awatf.com/vb/attachment.php?attachmentid=579&stc=1&d=1423024248

[الدكتور اسعد النجار]

دنك راسك الربك ونخ له

رفيجك خله بالمنخل ونخله

زيتونه زرعت آنه ونخله

بيهن حصلت الرحمه اليه

[الدكتور اسعد النجار]

ضلوعي بهلمسيه شو لوني ××× محد ونته تشبه لوني

ردت الموت انه بعده لوني ××× ولا شوف الولف يزعل عليه

[عامر الحسيني]

وحكَـ تكريت والموصل وعانه
على حب الوطن ربنا وعانه
نحرر كل شبر منك وعانه
ولا داعش يظل بارض الوطيه
شعر عامر الحسيني
http://up.graaam.com/img/22b6bf99a6fd17fc58878c178a4488a2.gif

[ابراهيم الغراوي]

وينه السكن ارض العوجه........ والدور
ولــم كنـوز من الــــذهب ........ والــدر
مــو كلنا الوكت ناعــور ........ ويـدور
بعت بــوخات يبن العفلقية

[عامر الحسيني]

وشعرك..
http://www.nabee-awatf.com/vb/attachment.php?attachmentid=654&stc=1&d=1426066611
http://up.graaam.com/img/22b6bf99a6fd17fc58878c178a4488a2.gif

[الدكتور اسعد النجار]

انت ساكن الصحره ونائي

مليت ايدك ذهب فضه ونائي

وذهبك للعدو صاير ونائي

وهذا الحكم من رب البريه

[الدكتور اسعد النجار]

بكلبي مابكت ياصاح همه .... بفراكه علي زاد همه

شفتهم بفرح وبضحك همه ... ربي خلي احبابي اليه

[الدكتور اسعد النجار]

أسأل ع الولف شولسه مايه .... ريكه عسل بويه وعذب مايه

شماتكلون مابدله بمايه ....أحسن بالفرح لو مر عليه

[ابراهيم الغراوي]

عــذولك لا تظـل يمـه ...... ول عنه
اشتمه وسبّه وغمــه ...... والعنه
احنه من الزغــر بالحـب ....... ولعنه
العاذل مـا أريــده يمـر عليّـه

[هديل الدليمي]

عــذولك لا تظـل يمـه ...... ول عنه
اشتمه وسبّه وغمــه ...... والعنه
احنه من الزغــر بالحـب ....... ولعنه
العاذل مـا أريــده يمـر عليّـه
الله الله
لمعانيك جمال يسحر القلوب
رائع كما دائما

[الدكتور اسعد النجار]

بوصفك ياحلو لكتب دواوين

وصيرن عاشك بكعدة دواوين

انت الدوه ولاتسأل دواوين

من فركاك صرت انه برديه

[هديل الدليمي]

تريّث يا هوى، المحبوب ما رَد
أثاري الهجر مثل الموت مارِد
غير الكَبر بعد الراح ماريد
بعد ما تسكت الونات بيّه

[الدكتور اسعد النجار]

ردك ماوردني بغير لوله

انه اعرفك صديج بغير لوله

العاشك ماينام بغير لوله

لوليله الصبح وبكل مسيه

[هديل الدليمي]

حسافه نحبهم وعنهم بعدنه
دمعهم نهره ظل يجري بعدنه
يحنون ونحنّلهم بعدنه
ونذرت الروح لو مرّو عليّه

[الدكتور اسعد النجار]

أطش روحي بدرب ولفي ولمها

بلكي تباوع الحالي ولمها

لابيها يعرف قصتي ولمها

زماني بلكن يردها اليه

[هديل الدليمي]

يغايب حن على احبابك ومرهم
رجعتك للجرح بلسم ومرهم
نصيحه اتطيع رغبتهم وامرهم
وتغسل بالوصل همّ العليّه

[الدكتور اسعد النجار]

على الوجنات دوم تسيل عبره

ويومك من يمر تركه وعبره

مواعظ منه استلهم وعبره

الكل الخلك انطيها هديه

[هديل الدليمي]

يجرحي ابيش اخيطنّك واعافيك
واشد حيل الحزن مرّه واعوفك
والبّس ذلّتك عزه وأعفّك
واكسر بالصبر راس المنيّه

[الدكتور اسعد النجار]

يدولاب الزمن بيه ولك دور

للغير نظمت مدحي ولك دور

نجاين كلها ممليه ولك دور

واريدن ياترف تشفق عليه

[الدكتور اسعد النجار]

صلاة الليل أأ ديها وجمعه

وانشر عطر لوليفي وجمعه

كل الخير جابلنه وجمعه

أحمد ربي كل صبح ومسيه

[الدكتور اسعد النجار]

ربي الهاي دنياتك قسمها

وانت حصتي ربي هلقسمها

جمال وحسن وبرتني قسمها

شحلاتك ونت تكعد بين ايديه

[الدكتور اسعد النجار]

الواشي لا تتركه ودوم حجمه

عقلنه بعلم مو بالكبر حجمه

والدم لو فسد يفلان حجمه

وخلي دنيتك حلوه وزهيه

[الدكتور اسعد النجار]

يكلي شبيك كتله الوكت وك فات

تجري بالعكس أيامي وكفت

بحياتي ما شفت لليوم وكفت

ماكو فد وفه ولا كو حميه

[علي التميمي]

صرت لكليبي انفاسه ومية
رجيتك تمشي وي كيفه ومية
الف مرة انجتل لاجلك ومية
رصاص الشوك يبن ادم علية ..
الف مرة انجتل لاجلك واناشد
حبل وصلك تشد لاجلي وانا اشد
مواويل الحزن اطرب واناشد
تطرب روحي بملكاك إلية ..
بمواويل الحزن سارح وشارد
حرت شاكتبلك بهجرك وشارد
ومن بعدك صرت تايه وشارد
من هجرك تشب النار بيه ..
شمس تحرك كفة كليبي واناظل
لحد الموت انا اسعيلك واناضل
اذا تفاركني يا ولفي انا اضل
اوافي وياك لحد يوم المنية
.
.
.
التميمي

[ابراهيم الغراوي]

ﭽـثيرات العليك ذنـوب ******* شنعـد
بيا منهن أسولف بعــد ******** شنعيد
أبشرنك لبست السود ******** شنعيد
شلي بالعيد يالمبعد عليه

[ناظم الصرخي]

عليْ مهما يبيــع النـــذل أنـْفــهْ
عزيز أكضي الحياة ابرغم أنفهْ
الكبر للي يمــوت ابعِـــزْ أُنّفَـــهْ
وأرّفهْ من بيـــوت أهـل الدنيّـه

[الدكتور اسعد النجار]

احني راسك الربك ونخ له

وحط صاحبك بمنخل ونخله

انه اللي زرعت شجره ونخله

بلكي اليجي يترحم عليه

[الدكتور اسعد النجار]

شفتها بالدرب تصرخ ييابه = كلت هذا الحلو منين الله يابه

كلبي للحقد يرفض ويابه = طول العمر عايش بالرديه

[الدكتور اسعد النجار]

خده شكد حلو يزهي وخاله

سبه أهله وابن عمه وخاله

يتبختر بخطواته وخاله

وكل اللي يشوفه يظل بأذيه

[الدكتور اسعد النجار]

بوجنته حمره تسبينه وخاله = سبه عمه وابن عمته وخاله

يتمايل بخطواته وخاله= وبهجره شفت كل الأذيه

[عواطف عبداللطيف]

كافي بعد انتظر لو بس تُمُرمر (تأتي)
الگلب لمن غبت عانى وتُمَرمر ( تعذب)
حتى الأكل والشرب بالحلگ مَرمر (مذاقه)
بالغربة كلشي حلو ضاع من ايديه

عواطف عبداللطيف

[الدكتور اسعد النجار]

شمحله علزند والله وشمها

مثل الورده اصل ليها وشمها

الواشي صدك سواها وشمها

حرمني من الحلو راح من اديه

[الدكتور اسعد النجار]

ابكلبي ما بقت ياصاح همه

وعلى ابعد نجم يزداد همه

بيوت الهم لعد دلالي همه

وبيها يسكن الغالي عليه

[علي إدريس الغانمي]

عزيزي ليش ما تركب الجاري
وتسحب خويه حسابك الجاري
قبل ما ينوخذ كالما الجاري
من اللي تشتكي منه الأذية

[علي التميمي]

رائع .. احسنت

[عواطف عبداللطيف]

شفت هواي بس گلبي يبيها
لأن كل الحسن معجون بيها
حرت الكه درب امها و بيها
هلي والناس هم خافوا عليه

[الدكتور اسعد النجار]

عنده خدود ورديه وشفه

ريك العسا من ثغره وشفه

لون يقبل يظل يمي وشفه

تروح اهموم هلجانت عليه

[د. ريمه الخاني]

تكتب والقلم باريه...
والدعا للرب باريه..
لاتجازف بالليالي..
ترى الحلم تاليه
ياكل الوقت والمخبى
فكر بنفسك تعليه

[الدكتور اسعد النجار]

بحبك هلكلب ذايب ولعبه

لا يشماغ يستعمل ولعبه

أشوف الفار يتلهه ولعبه

الهر لو غاب يتسودن عليه

[الدكتور اسعد النجار]

هجركم شل يميني وبعد يسراي

بكيت انه أسير وضرني يسراي

خبرهم من يجيبه الي يسراي

ويخلي دنيتي ضويه عليه

[الدكتور اسعد النجار]

عندك بالكلب لوعات يجلن

حروفك ياحلو مايوم يجلن

تدري شنهو للأحزان يجلن

وصال وضحك من تجبل عليه

[الدكتور اسعد النجار]

جاك المرض بس توني علمته

وآنه اللي على الخوه علمته

جنت هايم وما أدري علمته

أبقه انشد عليه صبح ومسيه

[الدكتور اسعد النجار]

بوجه الشامت اتعبس وصحبه

لا تهتم اذا عافك وصحبه

رافج بس وفي صادك وصحبه

تعيش بكل هنه وبلا أذيه

[الدكتور اسعد النجار]

جروحي ياخلك ماكو طبله

محد نشد عليها وطبله

روحي بفرح من تسمع طبلها

تركص من أشوفك مو بديه

[الدكتور اسعد النجار]

الخلك سمعيني واعتقدي ولج فان

كافي هجر مو راحل ولج فان

هدومي احتركن وكلبي ولجفان

ضاكن بالقبر والله عليه

[الدكتور اسعد النجار]

الهجرك كمت بس أحسب واعده

ماعندي غلط صاير واعده

من جذبك لبست الذل واعده

من عرفت انت تخون بيه

[الدكتور اسعد النجار]

رسمك علكيته بحبل وسلاك

وهذا العمل ماسويته بسلاك

سليت وكلبي مايرضيه بسلاك

وخليت الحلك تضحك عليه

[الدكتور اسعد النجار]

اسامح من يأذيني وراعي

واحفظ كل محب صادق وراعي

صديق الحق اله حرمه وراعي

بس ماحب انه اليجذب عليه

[الدكتور اسعد النجار]

كل جروحي هل نشفن وطابت

بشوفك نومتي عذبه وطابت

روحي عندك تغني وطابت

ومن تهجر تهيم الدنيه بيه

[الدكتور اسعد النجار]

شو مر السبت سرعه وجمعه

مامروا علي طلعت وجمعه

بس أحمد رفع ايده وجمعه

يضربني يريد شلون بيه

[الدكتور اسعد النجار]

هجرني الولف لسه الي مارد

هواه الكلب غيره ابد مارد

جن الله خلقه من جن ومارد

سود عبشتي كلها عليه

[الدكتور اسعد النجار]

دموعي هواي ثوبي شكه من البل

كلي شلون اعوفنك من البل

الوصفها ماغلط اقرب من البل

سمره وعلى الناقه جت اليه

[الدكتور اسعد النجار]

انت اللي طعن روحي وسمها

بالذل والله هجرانك وسمها

بالحب يلهج كليبي وسمها

كافي هجر يمته تحن عليه

[عواطف عبداللطيف]

حضن بغداد گلب امي ووريده
كلما اكبر ادور عليه واريده
وگلبي من البعد صاير مريده
راح بعيد وظلَّمت عليه

[الدكتور اسعد النجار]

حبيبي عد خواله أمس ما بات


محلق عد عمامه لعب وبات

وبحبه الي دوخني مابات

دمعي من صدوده يهل عليه

[الدكتور اسعد النجار]

حبيبي من هجرني لسه مايه

ليالي الهجر وصلن لعد مايه

دمعي هلتشوفه نشف مايه

وتدري بيه ما أحمل خطيه

[الدكتور اسعد النجار]

كلبي للشماته دوم يابه

يصيح بصوت عالي ولك يابه

منهو اللي علي الولف يابه

بعذب بالكلب صبح ومسيه

[الدكتور اسعد النجار]

زرعت روض الكلب أزهار وأوراد

أقدمها الحبيبي شطلب أو راد

بالليل اقره بس ادعيه وأوراد

بلكي الحلو يوم يحن عليه

[الدكتور اسعد النجار]

يرتاح الدلالك كلبي والعين

دمعي مثل ماي البحر والعين

شكد خلوا علي جاسوس والعين

مايردون نمشي احنه سويه

[الدكتور اسعد النجار]

عسى أيام الهجر راحت ولا جت

روحي عله الولف ونت ولاجت

جف دار المحب لامي ولاجت

وحدي بكيت بس اصفك بديه

[الدكتور اسعد النجار]

اون عليك طول الليل بيداي


سكيتك مي ورد ياحلو بيداي

لجل شوفك كطعت انهار بيداي


تالي تروح متسلم عليه

[الدكتور اسعد النجار]

تعال اسكن وسط كلبي هوا لك

عمره ما هوه غيرك هوالك

نعمه من الزمن انه هوا لك

نعيش بفرح منشوف الأذيه

[الدكتور اسعد النجار]

كليبي جاب لي ولفي وجمعه


لنثر ورد بدروبه وجمعه

غاب السبت والأحد وجمعه

ومن يرجع لطشله واهليه

[الدكتور اسعد النجار]

أحباب الكلب من راحوا ولاجوا

عليهم ناحوا الوادم ولاجوا

شكثر بفركاهم لحوا ولاجوا

يهل الدمع كل صبح ومسيه

[الدكتور اسعد النجار]

بكيت أجمع رسايلها وعدها

جاذب دوم يطلعلي وعدها

اعتبرت أيامي سوده وعدها

صعبه وما تحن أبدا عليه

[الدكتور اسعد النجار]

طول الليل كلبي زاد ونه

بسمك ينتخي ويسألني ونه

سمعته وصحت يامهيوب ونه

ابجي ودنيتي اظلمت عليه

[الدكتور اسعد النجار]

يظل كلبي اك للدوم وياك *** يفرح بالبعد مادام وياك

واحذر من حجي العذال وياك *** مايردونه ابد نمشي سويه

[عواطف عبداللطيف]

نشدت الناس گالولي ترة شال (رحل)
گلبي من القهر كومة وجع شال (حمل)
ايدك بالبرد جانت مثل شال (شال )
تدفيني وترد الروح ليه

[عواطف عبداللطيف]

من نكعد سوية ابد من جوع
وكلبي لو تركته يون مو جوع
ابقى انطرواريدك ترجع ر جوع
واشوفك كل وكت مكبل علية

[ناظم الصرخي]

أسلّم بس على الغاليـن الأحباب
على اللي أَوْجروا گلبي بالغياب
كفـاكم،عيـني تلفت والچبـد ذاب
تظل آثاركــــم حلــوه وزهيـــــه

[الدكتور اسعد النجار]

بيدينه يخي نكتب وعدنه

شما نبعد اله رجعنه وعدنه

كلنه اليوم ما يصدك وعدنه

يراوينه الدهر سخط وأذيه

[الدكتور اسعد النجار]

جسمي من الهجر راكد وناحل

خيوط الحب يخلبصهه وناحل

مسائل راح يلقيها وناحل

ودمعي هل جره فوك الوطيه

[الدكتور اسعد النجار]

يحل خيوط صحبتنه ونا شد

ليل نهار انصحنه ونا شد

شكد غنيت لكليبه ونا شد

منه ما شفت بس الاذيه

[الدكتور اسعد النجار]

كتله هواي لا تحجي وراهم

اشوف الخلك مخبوصه وراهم

كل واحد بهلدنيه وراهم

تراويهم الآهات وأذيه

[الدكتور اسعد النجار]

أحبك من قبل جدك وجدي

صحيح انه انكت بس وجدي

يم دارك اظل اسأل وجدي

بلكي ياحلو تعطف عليه

[الدكتور اسعد النجار]

من كلبي انه ابعثلك سلامات

اتمنه بهنه تعيش وسلامات

بعلته اللي يكرهنك سلامات

فرحت بالخبر من وافه اليه

[الدكتور اسعد النجار]

بليله مقمره والولف يماي

كعدنه والورد يزهي يماي

صحت بصوت عابي وين يماي

تنطي وليدهه احله هديه

[الدكتور اسعد النجار]

صفيت وحيد والشمات مايه

وعيوني تهل الدمع مايه

حبيبي من مشه للآن مابه

ولا دزلي خبر يسال عليه

[الدكتور اسعد النجار]

كلبي يا ترف لتظن مسالاك

وهجرك خربط علي مسالاك

بخير وهنخ اتمنه مسالاك

وكتها بلكي تتحنن عليه

[الدكتور اسعد النجار]

مكتوبك يغالي مالوانه

شعجب عاذلي يسخر مالوانه

الشقي شحده يصلني مالوانه

واذا يوصل اشوفنه المنيه

[الدكتور اسعد النجار]

سبحنه ابحر حبك منكبينه

لأن انت حبيبي منكبينه

الهجر أتعب يغالي منكبينه

وصفينه بالعذاب احنه سويه

[الدكتور اسعد النجار]

هجرك زيّده الهمي وشجاني

تعذبني وتأذيني شجاني

شنو اللي شفت منك شجاني

ليل نهار بس تضحك عليه

[الدكتور اسعد النجار]

أصيجن من يجن ليلاي مرّه *** دنياي بغيابج غدت مرّه

تعاليلي ولو بالطيف مرّه *** نحجي بالجره عليج وعليه