الأبوذية

[عواطف عبداللطيف]

شكثر گلبي عليكم يحباب ينشد
مثل بلبل غريب بقفص ينشد
گلبي من يجيه الليل ينشد
و بعد ماظن يحباب احد ينشد عليه

[عواطف عبداللطيف]

أحبابي شلون حالتكم بعدنه؟=بعد رحيلنا

شبدينة والوكت عنكم بعدنه؟=فرقنا

إذا انتو نسيتوا،إحنة بعدنه=لازلنا

بذكركم كل صباح وكل مسيه

[عبد الرسول معله]

احبابي شلون حالتكم بعدنه؟=بعد رحيلنا

شبدينة والوكت عنكم بعدنه؟=فرقنا

اذا انتو نسيتوا،احنة بعدنه=لازلنا

بذكركم كل صباح وكل مسيه


الأديبة الكبيرة عواطف عبد اللطيف

هذا النبع هو للموال فلماذا لا تفتحين نبعا آخر لإدراج الأبوذية

تحياتي ومودتي

[اكرم عبد السميع]

الاخت القديره
عواطف
كلمات رقيقه ورائعه
تحياتى
اكرم

[حسن المهندس]

قضية إسمك على إسمك ماشخطنة

إزدحام إحنة على دربك وماشي خطنة

شتظن من كد حلاتك ماشخطنة

إليشوفك ينشخط مية بالمية

[حسن المهندس]

العقل بأمر الصديق إرجوك حَكمه
وبدال النكتة خلي إيكون حِكمة
اليغدر صاحبة مو مهم حُكمة
المهم شلون نتلافة القضية

[حسن المهندس]

أزعل يا وطن وارجع اراضيك

وحن بغربتي لناسك واراضيك

بغير الفرح صدك ما ارى ضيك

واذا ًَمََرك حزن احسه بيه

[حسن المهندس]

حلو إسمك وأبوك شلون سماك
حبيبيك لو زعل وياك سماك
صرت سمچه وانت الصرت سماك
لو طحت بحنانك إعطف عليه

[حسن المهندس]

نسيت وتيهت روحي وهم بيك

وحسافه العمر خلصته وهم بيك

خويت وضيعت ناسي وهم بيك

اطلعت جذاب وهم تضحك عليه

[حسن المهندس]

أدك باب اليضربك وأشتمنه

وأشيل تراب جدمك وأشتم منه

كول أمرني حبي وأشمنه

حاضر لو ردت روحي هديه

************

[حسن المهندس]

نفضت الثوب لا بين ولا ثار
ولا طلاب اجة اليطلب ولاثار
كَلكَامش نهوا قصتة والاثار
صفت باللوفر أباريس هية

[حسن المهندس]

كافي من الهجر بطل ولك عود
الك نغمه بوتر كلبي والك عود
تعال وشوف
هاي سيوف
تبقى جروح
ابد متروح
وكلب ثاني الك يحسب والك عد
واحبك لو تصب تيزاب بيه

[حسن المهندس]

حبيبي ارجوك تسمعني بهاداي
تراها الروح معلوله بهاداي
الك هالعين ارسلها بهاداي
بس ارجوك كلبي تعوفه اليه

[حسن المهندس]

بهيمه ياظعن شوكي وناخوك
ونادوك اعلى كل محنه وناخوك
عضيدك آنه بالشده وناخوك
واصير احزام ظهرك للمنية

[حسن المهندس]

شكيت وكوه جبت الراس (عراس)
وبدي تاج الوفه لبسته (عراس)
عفته اليوم ثالث يوم(عرس)
وخبر عرسه الشماته انطوه اليه

[حسن المهندس]

شهد شمام شربت شكر شفتك
شهد شلزم شعوفن شكض شفتك
شهد شاهد شهدلي بيوم شفتك
سلب روحي وتركني للأذيه

[حسن المهندس]

يروحي إنتي حياتي وإنتي عُمري


وإذا خرب زماني أنتي..عَمري


تشع صيتي وكَعت وضاعـ أمري


وروحي اليوم وصلت للمنيه

[عواطف عبداللطيف]

شكثر گلبي عليكم يحباب ينشد
مثل بلبل غريب بقفص ينشد
گلبي من يجيه الليل ينشد
و بعد ماظن يحباب احد ينشد عليه

[الهام فارس]

ظل غامض سؤالي وياك منحل
وجسمي من السهر بجفاك منحل
وحياتك صرت للناس منحل
العسل حصتك واني اللسعات بيه

[عواطف عبداللطيف]

رسم بية الزمان شلون خطة
بقلم من الضيم كلبي الوان خطة
أدك على الفرح مشغول خطة
يجاوبني الحزن ورد علية

[عواطف عبداللطيف]

حطني حزام بلشدة ظهر لك
اكلبة الليل لو غثك ظهر لك
اكص لساني لو شينة ظهر لك
اظل اخرس ولا اخون لخوية

[ابراهيم الغراوي]

هـذا العلـى جتفـك ظفـر .......... يا لـف
الك ملـﮔـه شحلاته وطبع .......... يالـف
غمـﭽن جي رخصتن حيـل ......... يا لاف
ملايين المهر طلبوا عليّة

[عواطف عبداللطيف]

حرام انجان يهنه العيد ويطيب

ولاجرح البعد يلتام ويطيب

الي بركان حدر الضلع ويطيب

يطك من تمر ذكراهم عليه

[عواطف عبداللطيف]

زمان الجان يزهي كبل مادام

وبجيت عله الخدود الروح مادام

عكبهم كلت اسم الروح مادام

مشوا عني بعد جا شلي بيه؟

[ابراهيم الغراوي]

أجلبنك يليـل اثنعـش ..... يلبـه
أحسّب بالتطلبه كلـف ..... يلبـه
وأنت تريده حال الحال ..... يلبـه
مجال اطني الم هدم العلّيـه

[عواطف عبداللطيف]

اسف بغداد من عالي هويتي
حره شلون للغاصب هويتي
على اسوارج غرب شگو هويتي
شلت طينچ صفه بجيبي هويه

الشاعر رعد الفياض
***

[عواطف عبداللطيف]

مصايب غربتي ببعدك لوني"
أفرح وأنسعد وأرجع لوني"
أمنيتي من العمر يمك لو أني"
تواسيني وتضمد جروحي إلية

[عطرالورد نزار]

غيابك خلخل عظامي وهدهن
واجر حسرات ببعادك وهدهن
بيه دموع لو ابجي واهدهن
تفيض اليابسة ونغرك سوية

[عطرالورد نزار]

دخنت من التتن دنهل وسومر
وقلبي من هواكم زنجر وسومر
احبكم من عهد بابل وسومر
ولك حتى حمورابي انكسر قلبة علية

[عطرالورد نزار]

صفت روحي بعد عيونك بس عود
وذاب القلب من فركاك بس عود
شوكت يرجع زمان الراح ويعود
واشوفك كل صبح ومسية

[عطرالورد نزار]

صديقي ماأبدله بذهب لومال
واصير سند للحمل لو مال
خاف تكول تعب مني لومل
اظل وياك لاخر نفس بية

[عطرالورد نزار]

زمان الصعب ماغير طبع بيك
تظل تنشد على احبابك طبع بيك
الكرم والجود والغيرة طبع بيك
واريد الله يحفظك بس اليه

[عطرالورد نزار]

حزن دنياي تمطر ماصِحتلي
وردت فرصة اشوفك ماصَحتلي
صرت اكبال عينك ماصحتلي
صحتك مادرت وجهك علية

[عواطف عبداللطيف]

زماني جرد اســيوفه وسنهه
عليه اوحرمــت عيني وسنهه
وحق اللي فرض خمسه وسنهه
بعد هيهات عيـش ايصير اليه

[وطن النمراوي]

أوِن بالليل من حِمّه و صخونه
إذا برمضان جافانا أخونه
و لا تصدِّك أنا بيومٍ أخونه
عزيز و بالكًلُب، غالي عليَّ

أمي الغالية و عمنا الريس، مرحبا
مضبوطة لو بيها كسر؟

[وطن النمراوي]

جنت ويّاك فوكًـ النجم بسعود
صفت ديرتي للغربه بس عود
ما أريدن شي يا خويه بس عود
عزيز انتَ شلون نْطيت بيَّ

[هناء سعيد]

الاستاذ الرقيقة / عواطف

مشاعر رقيقة طيبة

دمت ودامت مشاعرك الرائعة الوفية

[عواطف عبداللطيف]

الاستاذ الرقيقة / عواطف

مشاعر رقيقة طيبة

دمت ودامت مشاعرك الرائعة الوفية

الشاعرة هناء سعيد
شكراً لعبير مرورك
كل عام وانتِ بخير
محبتي

[علي الربيعاوي]

الواشي أيلومني بحبكم ** يهيله
وأنا جفني الدمع مزنه ** يهيله
لون كل ألخلك لامت ** يهيله
يحن كلبي ويزيد ألشوك بيه

[محمد الفهد]

يخويه الدهر بيه حيل شدراك


تكلي الحك الكل فاتوك شدراك


ينايم بليعد النجم شدراك


يعد نجم الظهر ويه المسيه

[أحمد الدراجي]

يل بروحي شدير الوجه شكفاي

ولو جرح البعد يا صاح شكفاي

أشاكف بالسيوف وألك شكفاي

واكول جفوفي طاحن ذني أديه

من كلماتي

[علي الربيعاوي]

ماجراني
انه الجريت حبلك ** ماجراني
وانه من ضيم دهري ** ماجراني
سألني ألاصل كتله ** ماجراني
عرف مجراوي انه وخان بيه

[أرقم أحمد الكاظم .]

أشماله الدهر ياخلي ولاني
أصبحت لا مشوي بناره ولاني
بعيد ولا تجي يمي ولاني
أجي يمك تطفي النار بيه

****************
كَلبي ما تعب منهم ولا مل
وأبد للغير ما يهوى ولا مل
هلي ما سألوا أعليه ولامل
البعد موت كَلبها أشلون بيه

[أرقم أحمد الكاظم .]

روحي تريد منك بس تمرنا
خدم ونطيع أمرك بس تمرنا
أشحلاته التمر عدك بس تمرنا
تضوكَه تكَول مر أشلون بيه

[أرقم أحمد الكاظم .]

لساني أشبيه بس يلهج بسمها
يا حيه وموتت روحـــي بسمها
بفرح خالاتها تهلهل بس أمهــــا
تكَضي الليل بس تبجي عليه

[أرقم أحمد الكاظم .]

عسل جنت انا أضوكَن من أبوسه فوكَ شفته
وكَلبي أنمرد يوم اليمشي وي الغير شفته
أريد أسأل يا مجروحين قاضي العشكَ شفته
عليه لمن هجرني وخان بيه

[أرقم أحمد الكاظم .]

بحزن لبجي دموع العين عالراح
وأدكَ والطم واطكَ الراح عالراح
وأظل أطحن هموم الروح عالراح
لحد ما أموت لو يرجع اليه

[عبد الرسول معله]

الك حن الكلب يسمر والك مـــال

وذاب الكلب من هجرك والك مال

ولاني ناجح بحبك ولا اكــمــــال

طلعت راسب واكولن حيـــل بيّه







منقول

[أرقم أحمد الكاظم .]

هويته وجنت أظننه هواهنا
وهوا المر بيك يا مدلل هوانا
نسيته المن زغر حبك هو انا
أكبرت يسمر أشبيك وخنت بيه

[عبد الرسول معله]

احبابي شلون حالتكم بعدنه؟
شبدينه والوكت عنكم بعدنه؟
اذا انـتو نسيتوا،احنه بعـدنه
بذكركم كل صباح وكل مسيه

[عبد الرسول معله]

هـاك الكـلب بيـدك حـيل طـِحْنه
أمس فوك النجوم الـيوم طحنه
شبدينه وبالعـشك ياناس طحنه
غِــشمـه كْــلوبنا تــحـب الأذيه

[عبد الرسول معله]

غاب الكمر من شافك ولا هل
لـْغيرك ما نزل دمعي ولا هل
مالي دار من بـعــدك ولا هـل
عزيز ويصعب فراكـك عليه

[أرقم أحمد الكاظم .]

ترف يمشي بدلال تكَول بطه
بسهم لحظه دليلي بغدر بطه
من أسرع اله ممشاه بطــــه
أذا أوصل سرع وأبعد عليه

[أرقم أحمد الكاظم .]

ترف يزهي حباره بوسط بطين
وسهم لحظه يبطلي الكَلب بطين
لدكَ وألطم وأطين الراس بطين
أذا طار وبعد ما رد عليـــــــــه

[عبد الرسول معله]

شِـدَهْني الوكتْ يا مدْلولْ شـَدْهين

حِرتْ مَدْري شـَجَبّرْ شـشِد شدْهَن

جـثـيـرات وعليّ صَـعُبْ شـَدهِـن

أدَبّـــرْ هايْ ذيــجْ تـْـهيـجْ بــيّـه

[مهدي معلة]

وزن حبك جبل حمرين واكبر

اضل اصرخ واصيح الله واكبر

لو اكبر بعد عشرين واكبر

يضل حبك رمز مكتوب ألية

[مهدي معلة]

حبك ألة بكل عضاي دورة

اشتبه من كًالك للغير دورة

اذا شكيت هاك الكًلب دورة

اذا بيه غير حبك لوم بية

[مهدي معلة]

طوالع من شبابي عليك يفلان

من اذكرنك جميع عضاي يفلان

خفت ماصيح باسمك صحت يفلان

خفيت اسمك على اليشوون بية

[مهدي معلة]

عيني منظر الساحر يذبها

والحب شحمة كًليبي يذبها

واحد كًام عالثاني يذبها

عيني وكًلبي تتامر علية

[محمد الفهد]

عجب عطشان نهرك ما جرالي


بسابع وصـــه ربك ما جـــــرالي


مو مـــــن غير هجرك ما جرالي

جيرانك وهيج أسوي بيه

[الدكتور اسعد النجار]

احبك من كنت جاهل ونحباي
عليك ولابطل وني ونحباي
افرض ينقطع نحبك ونحباي
نواصل حبنا تحت الوطية

[كاظم الوحيد]

يطارشنه الوطنـــــه ,,, سلمنه
وأكل من طيب عنبه ,,, سلمنه
أخبره الكَلب بعده ,,, سال منه
دم وجروحه يدن بس أذيــــــه

الشاعر كاظم الوحيــــــد
من ديواني (ابوذيات من الغربة )

[ابراهيم الغراوي]

الوفه خصلة انتسب لينا وفينا
واذا هجـرونا خلّتنـا وفينا
بشمسنا انجـود للطيّب وفينا
ونهدي أعمارنا للبيه حميّـة
:1 (45):

[الدكتور اسعد النجار]

الدهر قسم علينة المحن بسهام

ونصيبي صار دون البشر بسهام

رماني بالكبد ياخلك بسهام

نسيت اسمي وجميع الحن علية

[الدكتور اسعد النجار]

غافي بنومتي اوحبك وعاني

وقاسي هموم من شوكك وعاني


على رؤياك انة كاصد وعاني

يصاحب موش عن غاية وقضية

[عواطف عبداللطيف]

كلام الناس عذبني وأذاني
عمت العيون وأنسدت أذاني
فديتك يابعد عمري أذا آني
بعد لتگول عني مو وفية

[الدكتور اسعد النجار]

بقيت اقرة الوفة ابخطك وشمبيه

مثل بدر اليهل يلمع وشمبيه

نعيمة ماشفت عندك وشمبيه

اشم عنبر يعط مابين ايدية

[جودت الانصاري]

هلَ ومية هلّ وميت ,,,, هلاوين
وطبع ما نسأل الخاطر ,,, هل ّوين
نحب الجاي ونكله ,,,,,، هلاوين
بوسط العين نبنيله اطناب

قديم

[الدكتور اسعد النجار]

لعد كاس الصبر لجله وردنه

وعلينة حكم اسهامه وردنه

المحب من الله دعينه وردنه

الوصل هذا قريب وهاي هيه

[جودت الانصاري]

ادور عليك وانشد وين ,,, ما وين
وبزازين الصبر بجفاك ,,, ماون
حلفت مهما تزيد الالم ,,,, ما ون
ولا خلي الشماته تمر عليه


محدثكم

[الدكتور اسعد النجار]

حبيبي الواشي هو اللي بعدنه

على حبك نود شخصك بعدنه

منهو الك يحبيب بعدنه

هاي الدنيا بس بيها الأذيه

[علي الربيعاوي]

احبابي شلون عيشتكم ؛؛؛ بعدنا
اشبدينا والدهرعنـــكم ؛؛؛ بعدنا
إذا انتم نسيتونا هجرتونا ؛؛؛ بعدنا
أبذكركم كل صباح وكل مسيه
---------------------------

[الدكتور اسعد النجار]

بالاسمر يصاح اشكد علينه

نمشي بزود ماتاهت علينه

والشمات خل تحجي علينه

بوصلك ياحلو الدنيا زهيه

[علي الربيعاوي]

حرت بسرارهم كلهم *** ومرهم
جم مره تبت منهم *** ومرهم
عذاب الي يجي منهم *** ومرهم
احله من العسل طعمه اليه
---------------------------------

[الدكتور اسعد النجار]

تركني وخله كلبي عليه يلام

شبه ماي اليطيح شلون يلام

بهواك من العداله هاي يلام

اليحب مثلك يلومونه البرية

[علي الربيعاوي]

ذلولي جزع من السير *** وابراك
يكلبي الهم دعاك نحيل *** وابراك
ياهو الحاكمك ياترف *** وابراك
وهذني شهود الك جرحين بيه
-------------------------

[الدكتور اسعد النجار]

بكلبي هالبنت نابت نبلها

وسيعة عين حز نحري نبلها

شكرة وحلوة عيسى نبلها

ميهمني انا بيا دين هيه

[علي الربيعاوي]

سليل أ هل أ لمجارم لبس **بته ( نوع من القماش )
وبسده طويل أ لليل **بته ( من المبيت )
لبن كلبي ردت يا ناس **بته ( ابنته )
شريفه أومن شريف أو ِشرف ليه
--------------------------

من اوبرت ( هيلة وحمد ) اعداد علي الربيعي

[الدكتور اسعد النجار]

يكفي هجر يامحبوب بسعاد

خليني اعيش بهنه وبسعاد

ايمك ياحلو من السعد بسعاد

بسعاده ارد اعيش آنه هنيه

[علي الربيعاوي]

سليل أ هل أ لمجارم لبس **بته ( نوع من القماش )
وبسده طويل أ لليل **بته ( من المبيت )
لبن كلبي ردت يا ناس **بته ( ابنته )
شريفه أومن شريف أو ِشرف ليه
-------------------------
سليل أهل ألمكارم ** من عباها
تبشر لون خا يف ** من عباها
تعال أ لنا وخذها ** من عباها
لون ترضه كلب ولسان هيه
---------------------------
من اوبريت ( هيلة وحمد ) اعداد علي الربيعاوي عام 1973م

[الدكتور اسعد النجار]

هجرك ياحلو والله لواني

غير سحنتي وشكلي ولواني

تدري لو كنت يمك لواني

نغني ونرقص ونفرح سويه

[علي الربيعاوي]

علي حتى الهوى رده ** وساده
وانه الصايرله حتى اغطه ** وساده
اذا انت النبت طيب ** وساده
انه الداخل ثنيتك حن عليه
-----------------------
مع تحيات ابو عمار الربيعي

[الدكتور اسعد النجار]

علينه الزمن شن حربه وفتنه

المصايب آلمن جبدي وفتنه

بمستشفى الدهر نايم فتنه

يعاني من الالم صبح ومسيه

[علي الربيعاوي]

لاحن
ملوم الكلب عالطيبين ** لاحن
غنج ومهندج ومهيوب ** لاحن
بصدر المجر والنخلات ** لاحن
تذكرت الجره والصار بيه

----------------------
مع تحيات ابو عمار الربيعي

[الدكتور اسعد النجار]

تلكاني الدهر مغضب لمايه

رماني ويبس يحبابي لمايه

يشكي الكوز من ناره لمايه

ياصاح من أوش نقصان بيه

[عواطف عبداللطيف]

همه من الوجع هدولي راسي
ضيعوا بالبحر كل المـ راسي
مراكبهم هوت مركبنه راسي
صفت بس أنت من ينشد عليه

[الدكتور اسعد النجار]

آنة من قريت البيت حنيت

القوافي والمعاني البيها حنيت

يولفي ابجيتك للايد حنيت

ابفرح وبأنس عيشتنه هنية

[الدكتور اسعد النجار]

محنتي اشلون أدبرها وحلها

غريج وصعد للمنحر وحلها

ابجاهك يا الاهي ارسل وحلها

أخافن تشمت العذال بيه

[علي الربيعاوي]

حبيبي مطرز بشامات **** بسمار

اومن هجره لذيذ الزاد **** بسمار

انه المطكوك باليافوخ **** بسمار

صرت مجنون ليلى العامرية

----------------------------

مع تحيات ابو عمار الربيعي

[الدكتور اسعد النجار]

حبيبي للعشك انطة وصل بيه

شوكت آنه أصل داره وصل بيه

يهجرني ويعاندني وصل بيه

بس هو تره غالي عليه

[علي الربيعاوي]

جلد لاچن لفاني اليوم **** جلداي
وحل اليوم بين الخلگ **** جلداي
أغني لو يوذر الشيخ **** جلداي
ومن بعدي تظل داري خليه
-----------------------------

للشاعر المطرب رومي شعلان المندائي

[الدكتور اسعد النجار]

أهني الولف بيامه وعيده

وكله رجع الماضي وعيده

تره العاذل نذل حاسر وعيده

خلي أيامنه حلوة وهنيه

[ازدهار السلمان]

تعال إكرب يا بعد الروح وانشد

كصايد ما حواها الوكت ننشد

حبل المودة كلما انكطع إنشد

يا ولفي بس تعال الليلة عيديه

[الدكتور اسعد النجار]

حبيبي طحت بودادك شجاني

الخنسه خذت من وني شجاني

عليه ليش ماترحم شجاني

الذنب شنهو وتخون العهد بيه

[محمد الفهد]

انا ليوميه اشوفك ما شفتني


وبيه المرض منك ما شفتني


من تاكل كليبي ما شفت ني

حرام الغيبه وانته تلوج بيه

[الدكتور اسعد النجار]

وصل بيتك قريته وزاد سراي


نظم شعرك بهذا البحر سراي

المعاني من تجف وياك سراي

خبير وبيه تصل فوك الثريه

[محمد الفهد]

بحر لو ردت اخوضن بيك شكراك


ومديحك عجز عنه النضم شكراك


صدك حلو الشكر بس انته شكراك


مثل شخصك حلاتك بالبوذيه

[الدكتور اسعد النجار]

امحمد دوم لهل الشعر منشد

ونظم شعرك لعند الناس منشد

غيرك للجرح ياشهم منشد

جريح الشوك الك يبدي الشجيه

[محمد الفهد]

أعد الهم علي كالولي إس عد


وردت يوم الاشوفك ارد أسعد


تدري الي جرى يا خوي اسعد


زاد الضيم من شفته بمنيه

[الدكتور اسعد النجار]

أمير الشعر لمحبتك وحالي

النظم لايك لعد شخصك وحالي

امحمد انظر الجسمي وحالي

أطفي وتلتهب نيران بيه

[محمد الفهد]

لو عديت زينك تاه عدي
واعدك احسن الصحبان عدي
كلامك بالكلب لضن اعدي
اتأذه علحالك كل أذيه

[الدكتور اسعد النجار]

ايد بايد رحنه احنه وسرنه

وكتمنه عالخلك حبنه وسرنه

بجيتك ياحلو افرحنه وسرنه

بلكي انعيد ايام الزهيه

[محمد الفهد]

احنه محبتك جالعمر عدنه


بعدنه عليك بس اليوم عدنه


جينا انعاهدك بس انته عدنه

تضل اعله العهد حتى المنيه

[الدكتور اسعد النجار]

يصاحب رد لعد اهواي ودي

سلامي ومن جميع اعضاي ودي

الف وسفة تكول اصواب ودي

لجل كلمة أبد مابيها أذيه

[محمد الفهد]

خمس تيام طيفك علي ما فات
وتكول صواب سهمك كلبي ما فات
يا شيخ البكربك على ما فات
اريد الله اليصيبه بهل البليه

[الدكتور اسعد النجار]

تدرون الهوى ياناس جبار

كسر ضلعي واريدن ضمد جبار

يمزيونه اعتني بهواج جبار

يحبج يعتنيج ابكل مسيه

[محمد الفهد]

جيتك اركض انه عليك ما جار
تجور عليه وانه عليك ما جار
شما يجري عليه وبعده ما جار
منك ما تخاف الله بيه

[الدكتور اسعد النجار]

بحر حبكم يهل ودي جفنه

بعدكم ماغمض ساعه جفنه

الفكدكم سود أيامي جفنه

الليالي بيكم اللي تشع هيه

[سولاف هلال]

تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه

[الدكتور اسعد النجار]

اشما تزعل وترضه هي دنيه

حبين آنه حلوة اسمها دنيه

نزلتني مراتب صدك دنيه

شكو عاذل بكة يضحك عليه

[سولاف هلال]

زماني بفركتك حزين .. حزنه
وعلى كل الحزن والنوح .. حزنه
تعال على الدليل وشوف ..حزنه
مغيم ما صفة ومخبوط ميّه

[الدكتور اسعد النجار]

وصل مكتوب ولفي ورجيته

على حالي عذولي ورجيته

هذا الامليته والرجيته

طحت آنه يولفي بهلهبيه

[جودت الانصاري]

تعيّرني بحنو الظهر ,,, ,,,,,,والشيب
بسني لطحن الفولاذ,, ,,,,,,,وا شب
مثل شبة ابو سرحان ,, ,,,,,لو شب
ولا تعبت جدامو من السرى

قديم

[وقار الناصر]

هله بالشاد وبريه == علفراك
لاهيمن واكطع البيده == علفراك
وعسنه الأسس الفركه == علف رك
ببحر غميج ما ينجاس ميه

هذه سمعتها في سامراء

[جودت الانصاري]

هله ومية هله ومية ,,,,, ,,,,,,هلاوين
وطبع ما نسأل الخاطر ,,, ,, هله وين
نحب الجاي ونكله ,,,,,,,,,,,, هلاوين
بوسط العين نبنيلو ه اطناب

قديم

[الدكتور اسعد النجار]

كل الخلك بيه اشكثر لاميت

مريض وانتظر ملكاك لاميت

لاحي أنه بحبك طحت لاميت

متكلي هواك اشعمل بيه

[جودت الانصاري]

الكلب من كثر هجرانك ,,,,, ولم بيه
اطشّر هم ال بصدري ,,,,,, ولم بيه
اذا كلبك كلب حيه ,,,,,,,,,, ولا بيه
مروّه احسنلك اتدفنه بهبيه

[سولاف هلال]

احبابنه شلون حالتكم..بَعدنه
شبيدينه و الدهر عنكم..بعدنه
اذا انتو نسيتونه..بعدنه
بذكركم كل صباح و كل مسية

[سولاف هلال]

الف وسفة الوكت عنك .. بعدني
اموت وارتجي وصلك .. بعدني
تراني على العهد باقي .. بعدني
ويضل هذا العهد للموت بيه

[الدكتور اسعد النجار]

ليل نهار كلبي يون بعداك

مرمرني الهجر ياحلو وبعداك

عسى كون المرض لابيك بعداك

وتظل سالم ونتهنه سويه

[سولاف هلال]

يعطر الورد والعنبر .. وطيبه
بضوه اعيونك اشد جرحي .. واطيبه
عندي الكون ما يسوه .. وطيبة
تسوه الكون والدنية سويه

[سولاف هلال]

تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه

[الدكتور اسعد النجار]

عبرت اشطوط لجلك آنه ونهار

وني ابكل وقت ابليل ونهار

كا اللي بنيته انهدم ونهار

وانت السبب يلي خنت بيه

[حسن الشيخ ناصر]

الك حاجب شوصفنه ولك عين
ولك بسهام ترميني ولك عين
ولك هوّد ولك بطّل ولك عين
ولك مو دوم تتمرجح عليه

[الدكتور اسعد النجار]

منهو اللي علي دلك وحالك

ومنهو الوهدنك بالحب وحالك

انظر ياترف حالي وحالك

احنه بلألم كنه سويه

[سولاف هلال]

تلوج الروح يا أحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه

[الدكتور اسعد النجار]

الك حب بدليل احشاي ماضي

يمن ميدان الك بالشعر ماضي

وكل شعرك يضاهي شعر ماضي

أحبك يلي تملك شاعريه

[محمد الفهد]

گبلگم ما أكو وماكو بعدكم
ما كلنه أحنه لعريضي بَعدكم
السهر والشوگـ ولزايد بعُدكم
ياهو لينحمل كلهن أذيه

[الدكتور اسعد النجار]

حبيبي سيف لحظه علي سله

أخذ روحي ولعند الكلب سله

كل درب المشيته بيه سله

وهاي الناس بس اتلوم بيه

[سولاف هلال]

وحگ اعيونك ورسمك وداعك
وحگ جلماتك الحلوه وداعك
يصاحب فرهَد ابروحي وداعك
انتلف ثلثين والباقي باذيه

[علي الربيعاوي]

ابو ذيات ابو عمار الربيعي
----------------------------
سل سلسل سليل النسب *&* عناي
وسل سر الصبا وسيكاه *&* عناي
سريت السلسبيل الماي *&* عناي
لان سر الشفا المسلول ميه
****
زماني زم شفاها يا *&* زمني
وزاد بزفر زاده غم *&* زمني
ازر زرار صدرك زر *&* زمني
يطك ازرارك ابزرات اديه
****
طيبه طيور لطلاطه *&* ولط ماي
الطم حتى طرف العين *&* لط ماي
حواطه اتريد وسط طرور *&* لط ماي
وانه المطموم دنيا واخريه
-------------------------------
المجر الكبير في 5/2/2013 ميلادي

[حسن الشيخ ناصر]

وإخوانٍ اتخذتهمُ دروعاً
فكانوها ولكنْ للأعادي

فكانوها ولكن في فؤادي
وخِلتهم سهاماً صائبات

وقالوا قد صفت منّا قلوبٌ
لقد صَدَقوا ولكن من ودادي

العواذل فرهدوا عگلي ونخواي
و بيهم مانفع صوتي ونخواي
الناس ابذره من اخوتها ونخواي
اعملوا ماعملت العدوان بيه

الملا سلمان الشكرجي

[الدكتور اسعد النجار]

ترف تدري بصدودك راح أمنه

وكطعت الياس منك راح أمنه

لون أرشف بثغرك راح أمنه

جان اشفيت ماظل مرض بيه

[جودت الانصاري]

اصل الشفايف عسل ,,, والعسل اصله ,, تمر
حتى بعذابك حلو ,,, كلك حلو ,,,,,,,,,من تمر
كون اوصل الركبتك ,,,, واترك عليهه , وشم
وبخدك اكضي عمر ,,,, بين الروايح ,,,, وشم
بس نعتب عليك ,,,,,,,, متدك بابنه من ,, تمر
قديم

[سولاف هلال]

خذت دلالي مني وأنته شلتـــــــــــــه
وثبت حبك بـﮕـلبي وأنته شلتـــــــــه
عفت كل وضعي بيدك وأنته شلتــــه
شلل نصفي بغرامك صار بيــــــــــه

[حسن الشيخ ناصر]

شحلات الترف من يامر وينها
وحسنه خبل الوادم وينها
يناظر لو تره مثلي وينها
وعلي چان انكسر گلبك عليه

[حسن الشيخ ناصر]

چثير اللهم على گلبي تراكم
وگصيتوا وياي يحبابي تراكم
تود العين كل لحظة تراكم
ولو بالطيف مرتكم عليه

[حسن الشيخ ناصر]

احبابي واعز من صحتي..صحتهم
جـــــفوني ولا ضمايرهم..صحتهم
بـــــــديه اعمت وبلساني..صحتهم
اِسمَعَوْا شافَْوْْا ولا فزعوا عليه

ينسب لـ عريان السيد خلف

[حسن الشيخ ناصر]

أذوبن لو عيونك علي تنصــاد
شماتوصل لحينا صدود تنصاد
إذا انت التعرف الناس تنصــاد
إذن آنه الغشيم شلون بيه


ينسب لـ عريان السيد خلف

[حسن الشيخ ناصر]

أعـلـل بـالـوصــل روحـــي عـــلـنــي
وســــوالــفــكــم بـــدلالـــي عــلــنـي
لــيـالـي الچـنـت صاجـرهن عــلــنــي
وغـدت عـچـله مـخـالـبـهـن عـلـيـه

عريان السيد خلف

[حسن الشيخ ناصر]

لأن طگات شماتي بهاماي
وشل لاتظن عيني بهاماي
إذا عالذل رضه يبصم بهاماي
أگطعه انچان يرضالي برديه

[الدكتور اسعد النجار]

محنتي اشلون أخلصها وحلها

غريج وصعد للمنحر وحلها

الهي بجاه طه ارسل وحلها

قبل ماتشمت العذال بيه

[سولاف هلال]

تـﮕـول ارشادي ما فادك ونص حي
وطرفكم دره بقصــــــتي ونص حي
نصي صبــــــــــــح ميت ونص حي
أخذ نصي السليم وخان بيــــــــــــــه

[سولاف هلال]

حياتي احزان خلصت وانته بيهـــــه
وانته الصرت امهه وانته بيهـــــــــه
شكثر نفخر بذكرك وانته بيهـــــــــه
حزينه وماتت بعله خفيــــــــــــــــــه

[جودت الانصاري]

لحباب كلبي رجعت ,,,, من ما رهم ,مرهم
مليت كل الحلو,,,,,,,,,مشتاك انه ,لمرهم
مكدرت انسه وحك,,,, ذاك الصميده ,علي
ما وجديت الدرب,,,,, من كثر ضيم, العلي
دا شوف ضيم الوكت ,,,,هم مثلي ,مرمرهم

[حسن الشيخ ناصر]

وحگ الألف واللامين والها
روحي بهوى ساهي العين ولها
لها ثغر وجبين وعين والها
خد شبه البدر لو سطع ضيه

[سولاف هلال]

لـغـزحـبـك بگـلـبـي مـا تـحـلـه
مــن بـعـدك ريـجـي حـنـظـل مـاتـحـلـه.
أنـعـكـد گلـبـي وي گـلبـك مـا تـحـلـه.
يـظـل مـعـگود لاخـــر نـفـس بـيـه

[سولاف هلال]

وحك الله ونبي الرحمه وعلينه
بحبك للسمه اوصلنه وعلينه
يديمك ياعراق النه وعلينه
تضل خيمه بحق حامي الحميه

[جودت الانصاري]

صعدنه فوك عالي تل ,,,,, مراجيب
وبعيني بيتوا ملح ,,,,,,,,,,, المراجيب
اريد من الله محبوبي الي ,, يجيب
وعيش وياه ريه تحضن ريه

[عبدالناصرطاووس]

يمه الوقت ضـاق بيَّ وغـدا مُرْ
شـسـولفلـج والعـمـر بيَّ مَرْ
الوطن لو سارت ركابه مهو مُرْ
على القلب طيب وبترابه الحمية

[سولاف هلال]

يهل مبعد بضعنك ونة ونة
وترة غناي بغيابك ون أونة
التمر للغير تالي والنوة النة
وانا عثوكك مربيهن بأدية

[سولاف هلال]

دمعتي تروح وروحي من اهلهة
ونا لعيني دمعهة منهة الهة
سعيت اطلب الحاجة من اهلهة
الحاجة وية اهلهة اكطعوا بية

[الدكتور اسعد النجار]

الدهر من دار عزتنه حولنه

البجي والنوح بس النه حولنه

لاتزرع ورد جوري حولنه

ضعوني والخيم يسرن سويه

[أميرة الشمري]

عليك اسأل هبوب الريح لوهب
وعليك الكلب كالمجنون لوهب
جمر فركاك وسط الروح لاهب
ويطفه بكلمه من تسأل عليه

[أميرة الشمري]

عذول من البواجي جار مني

وعليك الدمع صد وجار مني

اريدك كون تصبح جار مني

وآظل مكابلك صبح ومسيه

[أميرة الشمري]

هله بطاري الاحبه اليوم من طر
عزيز انت وعليك الگلب منطر
وحگ عينك عليه المسچ من طر
كلامك والنفس صارن سويه

[الدكتور اسعد النجار]

ابوسط كلبي يولفي انته حليت

ابشعرك كل مرارة انته حليت

جم مشكله ابمشكل انته حليت

النبل عندك طبع انته وسجيه

[جودت الانصاري]

يهل ماخذ كليبي ,,, ,هله هله
كبل متطيح اصرخ ,,, هله هله
دم دمع الجفن بجفاك ,, هله
وانه الهليت بلكه تهل عليه

[سولاف هلال]

حلونا لازم تضوكه ومرنا
والنا تطيع يمدلل وامرنا
تعال واعتني لينا ومرنا
احس جن البيت جاي يطير بيه

[سولاف هلال]

وحــــق التين والزيتون والياس
وحق سن العقل والطيش والياس
إذا مـــريّت اطش جكليت والياس
اشتلة بالدرب يــاخذ تـــحية

[جودت الانصاري]

مساؤنا شعر

جنت ليل اليمرني ,,, قبل انامه
ومن شفتك جعلتك ,, قبله نامه
مثل حلمان يطفر من ,,, منامه
صرت اليوم من تمر عليه

[أميرة الشمري]

نسيت وتيهت روحي وهم بيك ..
وحسافه ألعمر خلصته وهم بيك ..
خويت وضيعت ناسي وهم بيك ..
طلعت جذاب وهم تضحك عليه !.

[الدكتور اسعد النجار]

ابوسط كلبي يحلو الطول حليت

شكو مر بحلاتك انته حليت

جم طلابه يامحبوب حليت

انته الكمر هل اعله الوطيه

[جودت الانصاري]

مركم بس ضكيته ,, ومرمراني
يحبيب دمرني ,,,,,, وآمراني
اذا زحمه مرورك ,,,, أمر اني
عله راسي اجيلك لو اديه

[سولاف هلال]

الك ياما دليلي ارتجل ونشد
وحبلي وياك حيل انعكد ونشد
اهيم ابذكر طرواك ونشد
واحس اعضاي كلهن مو اليه.

[سولاف هلال]

انا الما اكرر بحجيي ولا عيد
ولا احسب بزلاتك ولا عد
شمالك ما تمر بية ولا عيد
الخلل مدري بجنابك مدري بيه

[جودت الانصاري]

وحك اللّون خدودك ,,,,, وعيناك
السبب لا بيك لا بيه ,,,,,وعيناك
انه ابنفسي اتّعنالك ,,,,,,وعينك
وشوفك ليش ما تتصل بيه

[أميرة الشمري]

شمالي وياك متعذب هو اني
هويتك يا حلو وكلبك هواني
ترى اكثر واحد يحبك هو اني
واذا غيري لكيت اعتب عليا

[أميرة الشمري]

احبك من زمن جدك وجدي
ويظل حبي الك ثابت وجدي
اريد اوكف بابك وجدي
بلكت ينكسر كلبك عليه

[جودت الانصاري]

اريد اوكف عله بابك وجدي
ههههههه عذرا سيدتي نسيت تفعيله

ترف: فانوس وجهك وله ,,,,,,,, لاله؟
ولون الورد خدك منه ,,,,,,,,,,,, لاله
شمعنه الناس كله واني,,,,,,,,لاله؟
تحبك والظلم واكع عليه

[الدكتور اسعد النجار]

غدير امحبتي الكم جفنه

والله ماغمض ساعة جفنه

بعدكم صفت أحلامي جفنه

حلوة أيامكم جانت ضويه

[أميرة الشمري]

علية حجار هذا الحلو شمر
ابو شعر على المتنين شمر
سألت على العشيره وكال شمر
عمامي وعزت الدنيا علية

[جودت الانصاري]

والنعم سيده اميره

وحك اللي بسط كاعه ,,,,,, ومده
اريد مواصل العشره ,,,,,,,,, ومده
اذا غيري رفع ايده ,,,,,,,,,,,, ومده
الك كل الجنون تصير بيه

[الدكتور اسعد النجار]

روحي تحترك شمعة لجلكم

وحتى لو يمنعوني لحلكم

لو انتم مزرتوني لجلكم

واظل الهج بسمكم للمنيه

[عبدالناصرطاووس]

وحق الخلق بالعين دمعة

لجـل حبكـم أهــل دمعــة

ولومنع الدهرلهفتي بجمعة

تروح روحي بس لاتكطعون بيه

[أميرة الشمري]

اسمك فوكَـ فص العين .. دكَيت
حرز يل ما خطيئة وياي .. دكَيت
ابكثر شوكَي عليك ابحلم .. دكَيت
وتشهد ذبذبت روحي عليه

[أميرة الشمري]

ردت مره اعله كيفي منك ابسل
وتالي اطلعت يسمر منك ابسل
تدري شراح اسوي من اكبسل
اطك روحي وكولن عال بيه

[أميرة الشمري]

ولتني جفوف هجرك زنكه زنكه
وحياتي اصبحت بالهم زنكه زنكه
مثل قذافي اصيحن زنكه زنكه
واشن حروب من تبعد عليه ..

[أميرة الشمري]

محبتكم علينا هاي نعمة...
وبعدكم مانشوف الزاد نعمة...
أكو أغنيه بشريط حسين نعمة....
كافي من البعد حنو عليه....

[جودت الانصاري]

يهل امرك وامرنه ,,,, مو بدينه
نهايتنه كتبنه ,,,,,,,,,, ما بدينه
بعرف الظلم شرّع ,,, مو بدينه
قاضينه وغدرنه بلا خطيه

[أميرة الشمري]

هاك الكلب بيدك حيل طحنه
امس فوك النجوم واليوم طحنه
شبدينه وبالعشك ياناس طحنه
غشمه وكلوبنه تحب الاذيه

[أميرة الشمري]

سهرت الليل انه اعليك منطر
وعيوني ع الدرب ياهالناس تنطر
شفت وجهك عبالي الفجر منطر
كمت صليت من غصبن عليه

[عواطف عبداللطيف]

عتاب الناس عذبني وأذاني
عمه عيني وطرشلي آذاني
فديتك يابعد عمري أذا آني
بعد لتگول عني مو وفية

[جودت الانصاري]

احبك من جنت تلعب ,,,, ,,,,,ملاعيب
العشره لا هي محرمه ,,,,,,ولاعيب
اصيرن لجلك امدرب ,,,,,,,,,,,,ولاعب
وطلّع كول بس تصد عليه

[الدكتور اسعد النجار]

بعدك بالجسم أثر وناراك

جروحك بالكلب تلسع وناراك

يولفي شكد بعد جسمك وناراك

يمته اتعود ونعيشن سويه

[سولاف هلال]

غاب الكمر من شافك ولاهل
ولغيرك مانزل دمعي ولاهل
مالي دار بالدنيا ولااهل
عزيز ويصعب فراكك عليه

[جودت الانصاري]

حبيبي الدهر كسّرنه ,,,,, وهدنه
وابد ما يرتضي مصالح,,,,, وهدنه
نتف ريشات طايرنه ,,,,,,,, وهدنه
نطير ونكع كل مره بهبيه

[جودت الانصاري]

اجه اليم باب صفحتنه ,,,,, ولا مر
ولا ضكت الحلو بهجره ,,,,,, ولا مر
تدري الاصعب بجيته ,,,,,,,,, والامر
مر بغير ميسلم عليه

[الدكتور اسعد النجار]

روحي تحترك شمعة لجلكم

لون عنكم يمنعوني لجلكم

وصلكم لو يشح والله لجلكم

وظل الهج بسمكم للمنيه

[علي الربيعاوي]

لفاني مطرز بشامات **موزر
خمل وزرار فوك ألصدر ** موزر
كلبي من خزرته يثور **موزر
نهوده والتفك طكن بيه
-----------------

[عبدالناصرطاووس]

راح القلب ويَّا الروح روحه
وفوك النجم علا بصروحة
شبدينه ياناس وبالعشك نوحه
حزين وبدينه تضيك الاذيه

[سولاف هلال]

تعال إومن عليه منه منه
ترى بيتي مَيظيع منا مناه
يناس القهر كله منه منه
صاحبته وشفت كل الأذيه

[جودت الانصاري]

انت الدولبت حالي ولا جيت
وروحي تلهج بذكرك ولاجت
شجم مثلك تلكّاها ولا جت
بس انت المراويني المنيه

[أميرة الشمري]

هله ياسلوة كليبي ولهوه
يمن غيرك فلا خاوي ولهوه
انت الماي والماكل ولهوه
لوصديت كلي شيظل ليه؟....

[جودت الانصاري]

يهل امرك وامرنه ,,,, مو بدينه
نهايتنه كتبنه ,,,,,,,,,, ما بدينه
بعرف الظلم شرّع ,,, مو بدينه
قاضينه وبعدنه بلا خطيه

[الدكتور اسعد النجار]

من ابعدت دمعي نزل منسل

شنهو اليضر شخصك منسل

عدوانك تراهم شكو منسل

ارحمني يحبي وعود اليه

[سولاف هلال]

كلبي من الجروح صار بيه ونه
وليشوف حالي ينقهر ويكتم الونه
طبيبي مالكه علاج بس شخص الونه
ونة كليبي تبجي الكافر عليه

[جودت الانصاري]

حبيبي من تشد راسك ,,,, ,,,سلامات
عدوك عسى بعون الله ,,,,, سل ومات
اظل ابعث لعد خدك ,,,,,,,,,,, سلامات
لان خدك قدر نازل عليه

[الدكتور اسعد النجار]

حدا حادي الظعن والحلو مابان

وسري انكتم للعذال مابان

حسبته بالكلب تاليهه مابان

بكه طول العمر ضايع عليه

[زكي دميرجي]

حبــيـبـي دمعــة بعيــــــوني وأنشفــــــه
ضلـــــــــوع توسد بصدري وأنا شفـــاه
فـــرشت المـــوت بس يسأل أنا أشفـــى
وأداوي الناس لو يمسك إيديه

[عواطف عبداللطيف]

ليالي البعد من لوعتي ماجن
عقلي تاه مني خوفي ماجن
حبايبنا أمس راحن وماجن
شيكضي للعمر حتى المنية

[وقار الناصر]

عزيز انت يغالي الروح عدنه
واحلفك من تعد الأحباب عدنه
وعدناك ويظل واجب وعدنه
نحبكم لو تجي منكم أذيه

[جودت الانصاري]

احب الخيل لو كدّن ,,,,,,,,,,,,,, وغارن
وعيوني من الهوى انسملن,,,,, وغارن
اموتن من تحب غيري ,,,,,,,,,,, وغارن
وغار من الهوى لو مر عليه
مساؤكم شعر

قديم

[سولاف هلال]

البشر معدن تعرفه بيوم ينحاك
ويوم التوكع ومكسور ينحاك
علي خيط المصايب دوم ينحاك
واليكتلك اخوي الحاك اليه

[سولاف هلال]

اريد أخبط مزيـــــــج الرمل و الحر
و أدور على الصديق الوفي و الحر
نخيت الله و ابــــو الحسنين و الحر
يحفظ كـــــــــــــل آخو يذكر آخيه

[جودت الانصاري]

اريد اخبط طواري المسك ,,,, والطيب
ودكاتك يمر الوكت ,,,,,,,,,,,, واتطيب
يلذكر ك ذكر للسحر ,,,,,,,,,,,,والطيب
ابد لتغيب يمدلل عليه

[الدكتور اسعد النجار]

ورثنه العشك عن جدنه وبينه

يذوب الجبد من صده وبينه

سعى الواشي تره بيني وبينه

وخله الولف يتسودن عليه

[محمد الفهد]

حبيبك لو يحبك صدك جا ياك
وبعد لو ردت صحبة ناس جاياك ... جيك
ملح بيه تحط ما بيه شكر جاياك
مالح عين انته الخنت بيه

[الدكتور اسعد النجار]

دوخني البنات ونوحني

رمني سهام ذني نوحني

بيدي بفيض دمعي نوحني

كافي هجر ولفي عود اليه

[محمد الفهد]

ميت انه تدري عليك نو حاي
وابد ما بطل انه عليك نوحاي
شما اكرب عليك تكول نوحاي
روح هناك لا تكرب عليه

[الدكتور اسعد النجار]

اهواي اليكرهوني وعني تنهاك

روحي اتنهدت لجلك وتنهاك

يولفي ابعقل ويهونك وتنهاك

وهاي رويحتي بهجرك سبيه

[محمد الفهد]

لوميت اجيك اركاض بسوَد
وما وديت انه بدنياي بسو ِد
جليله لو صبغت الوجه بسود
موش هدوم بس اسود عليه

[الدكتور اسعد النجار]

جت الحلوة مثل الكمر بهداي

حجلها من ذهب تسمعله بهداي

اخاف عليج امشي اشوية بهداي

اريدج سالمه اتمرين بيه

[زكي دميرجي]

يمن طيفك شبگني ليل و نهار
بحر ويلات صوب ضلوعي وأنهار
أصيدك حلم تالي الشوگ وأنهار
مثل كوسج وألف الشبجة بيه

[محمد الفهد]

غيرك ابـــد بالدلال مــاريد
ولو حبك صفى بركان ماريد
غزال وصار بس وياي ماريد
مردني وابد ما جن يدري بيه

[حسن الشيخ ناصر]

بشماته صد الي الحادي وهو ماش
وسمسم گلت للينشد وهو ماش
اركض وانهطر واصرخ وهومـــــــش

وره ضعونك ولا لك غرض بيـــــــــه

[الدكتور اسعد النجار]

حبيبي سوة كلشي بيه ماراد

تلف روحي وجبدتي وكلبي ماراد

تالي كلب عني ولسه ماراد

وبكت روحي تون صبخ ومسيه

[الدكتور اسعد النجار]

الله بعث هادينا وأسره

كل عائلة بيه فرحت وأسره

كل سيء وجب قتله وأسره

بمعث طه فرحت هلبريه

[علي الربيعاوي]

ولم داري
انا الناثر بذركم *&* ولم داري
ولم جوهر كلامك *&* ولم داري
انا الشايل محبتك *&* ولم داري
لأن انت الوحيد الباقي ليه
----------------------------
ابو عمار الربيعي

[الدكتور اسعد النجار]

اون عليك آنه ابليل ونهار

جسمي هلركد من ونه ونهار

وعلي الواشي صيح تره ونهار

مابطل بجي صبح ومسيه

[علي الربيعاوي]

حسافة نموت بالذلة 000 وغربة
ملكنا مشرق العالم 000 وغربة
الكلب لامظهر ولامال 000غربة
احن واستاق لهلي بكل مسية
000000000000000000
حميد وينك يمه

[محمد الفهد]

حسافه نموت محد يبجي يمنه


لوانه الوكت ايسر واحنه يمنه


لو تدرين بينه شلون يمنه


جا شكيتي ثوبج كل مسيه

[الدكتور اسعد النجار]

منو مثلي ابهجركم صار بيداي

اهيم وبيتي صار ابوسط بيداي

يبعد اجلاي ماتخذني بيداي

وتوخر الهموم اللي عليه

[عطاء محمد]

أريد اكتب قصيدة اشرح ودادي
يمن دون البشر حبك مرادي
بجفاك اتشمتت بيه الأعادي
اون بسكوت والعله خفيه

[الدكتور اسعد النجار]

من شفتك انه لجفوفي حنيت

وهاي ضلوعي حنية هجر حنيت

مثل ام الفصيل عليك حنيت

شوكت كلبك يحن تالي عليه

[قصي المحمود]

مضه الطيب من ايامك..وشل الحل
تعب وهموم ومعاتب..وشل الحل
جاي اليوم تسألني..وشو الحل
ذره من العقل ما بقت بيه
منقول

[قصي المحمود]

أصد وأزعل وأدير العين..طبعاً
لان لجمات الك بالكلب..طبعاً
حلو وتنحب ولكن بيك..طبعاً
تشك وتغار من روحك عليه
منقول

[محمد الفهد]

أذا أزعل ودير عيوني ..يعمن
على الظل بيه من فركاك يعمن
ولا ازعل عليك بيوم ... يعمن
احبك اكثر من الروح اليه

[الدكتور اسعد النجار]

ماخاب ابحياته ابد من شار

على حبال الهوى قصتنه منشار

الشامت وجهه ماينحمل منشار

يكطع كل وصل بين البريه

[وقار الناصر]

ابد ما بية لولة بس لوني

هلي واحباب كلبي بس سلوني
ومثل عود المخيس بس لونه

خذوا كشرة وكالو ما منه نفع


سمعتها من جدتي كانت تقول الأبوذية ولا ادري أهي لها أم لغيرها من اهل سامراء

مو تضحكون عليه هههههههه

[حسن العلي]

وحگ من ذا الذي أسرى ولعراج
على الشينات ماردن ولا اعراج
العتب مو على الما يمشي والعراج
العتب على الصاحي ميسويله جيه

[ناظم الصرخي]

عديت وعطلن اجدامي من اعداي
سقيـم ولا دوه شافـي منــع داي
الف عين اكرمت لجلك من اعداي
وتباريهم وهم عدوان اليـــّـــه

[عواطف عبداللطيف]

دربي مافضى الغيرك وفض لك
وعمري مانسى زينك وفضلك
يابعد الروح انت اللي افضلك
امدلك يالوفي گلبي وايديه

[محمد الفهد]

لون دربك حياتي تفض ولا رد
وابد احباب الي غيرك ولا ار ِ د
اذن طرشه على الكالو ولا رد
ابد ما صدك الكالوه اليه

[الدكتور اسعد النجار]

عليك اتلوب هاي الروح لوبات

اعيوني افراش للمحبوب لوبات

انشطر بتين هذا الكلب لوبات

اشوكت اتحن يمحبوبي عليه

[محمد الفهد]

شكل الكلب يوم عليك لو حار
لا تسأل شمسهم برد لو حار
صفيت بعشرتك لا عبد لا حار
اشوفنك ملك تظلم رعيه

[وقار الناصر]

نوحي صار إلي سلوة وملها

ودليلي جزع من روحي وملها

أهي بالغرغرة تعالج وَملهــا

بوصله أو لا تبالي بالمنّيــة

[الدكتور اسعد النجار]

بعدك روحي عذبها وسلها

تعال وانته انشدها وسلها

كربك هو فرحها وسلها

تعال وخل نعيش احنه سويه

[علي عبدالحسن]

هِدي اويَ الغير بــــس وياي مارد
اعجزت ارضيه كلشي اطيت ما رد
ردت منه جــــــــواب هواي ما رد
يرد علناس ومثول عليه

[الدكتور اسعد النجار]

أحب رسمه واحب قده وعينه

واود آنه مساعدته وعينه

الواشي كون اشخصنه وعينه

ويصفه الجو واعيش بلا اذيه

[قصي المحمود]

يالبجيت عليك شو جنك ناسيني
ما غزر الدمع وياك ووجع اسنيني
يا حيف والف يا ياحيف يوم البجت
عيني وخدودي ورموشي وجفوني
يا عيبت العيبة..حجيت الوياك شويه

[علي عبدالحسن]

يخايب ليش بس وياي وكلوب
كلب واحد يحبك صدك مُكلوب
صدك وجهك شمس نورت مكلوب
بس كلبك سوادة اسوه بيه

[الدكتور اسعد النجار]

أحفر جذب بالبيده وظلمه

ارد اخلص من الواشي وظلمه

عشت وحدي بكدر وبهم وظلمه

وماجن هلحلو والله عليه

[محمد الفهد]

خلصت متشوف هجرك مني ظل كم
ومحروك بشمسكم وينــــــــــه ظلكم
لتحسبون طايح جسمي ظلكم
ما ورج ابد شامت عليه

[الدكتور اسعد النجار]

اعله اخوها الخنسه ماونت لوني

وهاي اعظامي ببعادك لوني

اصيح بصوت يمعود لوني

اظل كرب المحب صبح ومسيه

[ابراهيم الغراوي]

بعد ما عندي بـال وأجـد يا راي
حطب يابس وخله الجمـر يا ري
إلي شامت بعشر عيـون يا ري
فرح من شاف نارك سرت بيـه

[الدكتور اسعد النجار]

دمعي نزل يامحبوبي منسل

ليش اتضوج آنه عليك منسل

تبث اخبار دومك علي منسل

تخلي الخلك بس اتلوم بيه

[منوبية كامل الغضباني]

الجمال صارخ ....
ولكني أحتاج مترجما لأفهم وأنا أحبّ أن أفهم ...
فالجمال صارخ هنا رغم محليّته وخصوصيته.....

[قصي المحمود]

تهت وتاه بالشط بالماي
اشهك واختنك واني بالماي
مجذافك يمحبوب ذبه اليه

[ابراهيم الغراوي]

الاخ الفاضل قصي المحترم
بيت أبو ذية الذي قراته لك غير موزون وفيه نقص شطر
الشطر الاول تنقصه (3) حروف
الشطر الثاني متكامل الحروف لكنه غير موزون
لا يوجد شطر ثالث
القفل غير موزون

تحياتي لك
مشاركة حلوة