زهيري مايله ( مساجلة *)

[علي الربيعاوي]

زهيري مايله ( مساجلة *)
------------------
مايوم وكتي صفه وياي وعدل *&* مايله
وهمي البـگلبي كثر زاد وثبت *&* مايله
لو عطش وكت الظما ماينوجد *&* مايله
حن وتعنه لهله والـگـه الـگلون *&* نحاس
يوم الوصلهم ندم ومن الهضيمة *&* نحاس
حسباله معدن ذهب طلعوا صفر *&* ونحاس
عن گلبي راح الوفي گوطر بعد *&* مايله
****
مايله
غيد الاوده مثيل ابهل بشر *&* مايله
بنور خده يلالي وجنته *&* مايله
واشمعدل الروح ماتفعل بعد *&* مايله
من حيث بربا الجهل ضايك ملذه *&* وطيب
كسر الزجاج انكسر مامشله تداوي *&* وطيب
انه الزرعت الورد واعملت منه ال *&* طيب
واليزرع اوراد تالي امن الثمر *&* مايله
****
ماله
علامة الكلب مايرتاح *&* ماله
مثل البلبحر غركان *&* ماله
اليزرعله زرع بالثمر *&* ماله
يزرعه وصار حظ الاجنبيه ....
----------------------

[حسن العلي]

زهيري جميل ورائع ...إستمتعت به كثيرا


محبتي

تسلم

[عواطف عبداللطيف]

جميل
وسوف أحاول أن أجرب حظي في كتابة هذا النوع من الزهيري
فلي عودة
تحياتي وتقديري

[الدكتور اسعد النجار]

بوركتم فقد أعدتنا للأصالة