أنت باطل

[علي التميمي]

أنت باطل
..............



من أسولفلك تماطل
ومن أحلفنك , تجامل
وآنة من أشتاك , نايل
دمعي فوك أخدودي سايل

,,,,,

بكلبي من أسنين نارك
كمرمن حسنك تبارك
حلو عاجبني سمارك
كافي منك ضيم شايل

,,,,,

يل عفتني بنص طريق
شبّت بكلبي الحريق
كلي شصبر وشأطيق
كلبي من أسنين عاطل

,,,,,

نامت بعيني الصور
وأنترس صدري قهر
وشبقالي بهالعمر
شيبتني وآنة جاهل

,,,,,

دمعة مني ترتجي
لو تسافر لو تجي
فدوة أفهم منهجي
لا تكلي راح أحاول

,,,,,

كلبي همك شاركه
وأبد ما يوم أتركه
أنت حبك معركة
وآني بيها جندي أقاتل

,,,,,

كلبي غيرك ما عرف
حار شيكتبك وصف
أنت ظالم للأسف
آني مو من هسة كايل

,,,,,

أرد أحلفك بالغوالي
تكدر أتجاوب سؤالي
يرضي كلبك هذا حالي
لو سكوتك يعني قابل



أنت باطل
علي التميمي



　

[هديل الدليمي]

كل كلامك من تخطّــه أنـفعل
ومن تغيب هواي فكري ينشغل
وعن شباب الكون كَلبي ينقفل
وما يفتحه غير وجـــهك من أقابــل
.
كنت رائعا

[علي التميمي]

حنان الدليمي ,
شكرا لـ مرورك ِ البهي
واضافتك الجميلة
وافر التحايا

[رياض محمد سليم حلايقه]

بوح باللهجة العراقية الجميلة
واحساس رقيق مبهج
احترامي

[علي التميمي]

القدير رياض ,
حضورك ربوة سعادة
يتكأ عليها حرفي
أهلا بك

[الدكتور اسعد النجار]

نص فيه البهاء والجمال

مودتي

[علي التميمي]

د أسعد النجار ,
وحضورك فيه سعادتي
أهلا بك

[عواطف عبداللطيف]

تعبت گلبي و مردته
هو صار الانته ردته
من نسيت اللي وعدته
وتلفت كل الرسايل


الشاعر علي التميمي
المعذرة لمشاركتي

تحياتي

[منوبية كامل الغضباني]

كلبي غيرك ما عرف
حار شيكتبك وصف
أنت ظالم للأسف
آني مو من هسة كايل

,,,,,

أرد أحلفك بالغوالي
تكدر أتجاوب سؤالي
يرضي كلبك هذا حالي
لو سكوتك يعني قابل



أنت باطل

ما أروع هذه النّبطيّة ...حافلة بالمعاني والبلاغة وترف الللّغة
لا فضّ فوك يا علي التميمي فكم نشتاق هذه القلائد الشّعبية الرّائعة ..
فأنت والقصيدة لستما باطلين واللّه
.