آنه عراكَي

[الدكتور اسعد النجار]

كَتله انته منين كَال عراكَي = كَتله والله هيجت أشواكَي

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ

كَال من بغداد آنه ياترف = صوابها ياحيف هلصاير كلف

والله يحبيبه لزحفلج زحف = موش وحدي وياي كل رفاكَي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ

شوف بيها العده شسوه وشعمل = نار خلاها توج وتشتعل

دموع كَامت تكت علخد وتهل = هيج تاليها يصير عراكَي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ

صار كل الشعب عايش بالكدر = عايش بخوف ورعب وبكل خطر

بس هضم ونياحه عشنه والقهر = وكل حجيهم طلع مو صداكَي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ

من فرات ودجله ماي انه شربت = بعودي دكَيت المواويل اطربت

جان زاهي ويانه والله هلوكت = وانه اتباهه بجميل اخلاكَي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ

كَتله لاتحزن تره يروح الحزن = عراكَنا شكَد شاف آهات ومحن

بس يكَوم بقوته لامايون = يصيح ماأفرح انه بفراكَي

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ

ياعراك الخير انته بالكَلب = والدمع هذا التشوفه واليصب

للفرح انته اعز واغلى محب = وكل فرد يفتخر هو عراكَي

[هديل الدليمي]

إنت يا أسعد أمير بكل مكان
تكتب بإخلاص وبحب وحنان
وتنصر المظلوم وتبث الأمان
وينهل العطشان وانت الساكَي

[سعد السعد]

يا عراق انته العزيز انته الوفي
نجمك ابعالي السما ما ينطفي
عسى كلب الما يحبك يا عراق
نار بضلوعه تشب ما تنطفي
يا عراق انته فخر ولكل عراكَي

[سعد السعد]

أسعد انته .. لكن احنا بيك أسعد
بيك لمّتنا جميلة والجزر مد
طيبتك مثل البحر بس ماله حد
اشكّد انته رايع اشكد أنته راااااكَي

[الدكتور اسعد النجار]

إنت يا أسعد أمير بكل مكان
تكتب بإخلاص وبحب وحنان
وتنصر المظلوم وتبث الأمان
وينهل العطشان وانت الساكَي


ياحنان انت الوفه وانت الهنه

بيج انه شفت الحان المنه

وحرفج الزاهي اشوفه منحنه

غير بس لله العزيز الباكي

[الدكتور اسعد النجار]

أسعد انته .. لكن احنا بيك أسعد
بيك لمّتنا جميلة والجزر مد
طيبتك مثل البحر بس ماله حد
اشكّد انته رايع اشكد أنته راااااكَي


بيك ياسعد الوفه شفت الفرح

كلبي مرتاح الحروفك وانشرح

انته بلسم ياخويي الكل جرح

والك ابعث ياسعد اشواكي