مرني ليلة برد

[رسول الفرطوسي]

مرني ليلة برد تلكاني دفى
وتلكه بيه الروح تنتظرك حطب
مرني ، ما مل انتظر كل العمر
ولو يجيني العيد يشبعني قهر
مرني أضمك بالثنايا وبالضلوع
ولو وكع خدك على أخدودي مطر
آني احبك...
ولو عشت بيك العذاب
ابقى بالظلمة أصيرن لك كمر
مرني ليلة...وشوف اليصير ويمر
الك أشعل هالشموع من النجوم
وأجبر النجمات من يمك تمر
آني أحبك...
كافي...ملني الانتظار
وصار صبري وياك موجه بهالبحر
لأن حبيتك صدك شفت العذاب
وصرت للعشاك من حبك جسر
آني احبك
وأنت كون شما تكون
ما أظن يا ناس من حبك كفْر

ابوذية
حَبْل ،طبعي بصواريكم وشِده
ورد ازرع درب حبكـم وشَده
طحت بين الفرح عدكم وشده
حملت الفرح وي الهم سويه



رسول

[عواطف عبداللطيف]

صارت أيامي مظلمة بلا أمل
والفرح راح وبعد عني رحل
ولما جاني العيد صرت أسأل عليه
ما دريته صار غيمة وبعدت عني بعيد
ما أظن فد يوم يرجع لو يمر

المعذرة لمشاركتي كما جاءت وأنا أقرأ
دمت بخير
تحياتي

[رسول الفرطوسي]

مرني ليلة...بلا هواده الحب لهيب
يشتعل ما يبقى بيها ولا يذر
مرني اشوفنك برد فوك الضلوع
تمطر وتمسح من احزاني الاثر
يلي عودي وياك خضر من زمان
بس حسافة وياك ما شفت الثمر


ست عواطف شكرا لمرورك اولا
هي ارهاصات قلم
تولد مع كل نبضة مختلفة
دمت بخير