د.فلاح الزيدي
09-23-2014, 08:50 PM
ليش ياخذني انتظاري ،،،وياك يم آخر نجم
وليش طولك ،،دوم يلتف اعله طولي
اشما اخط باسمك جدم
وليش ،،عيني تنام مفتوحه اعله شباچك
فخاتي ،،،،وبسماك اتطش حلم
وليش كلما مرني ذكرك
تشتعل اخر قصيدة بدمي بوسه
وصورتك عالماي وواعله الريح
اشوفنها برسم
اشكد حچتلي الناس عنك ،،،وانه منك
اسكر بشهگة هوى
هواي يجرحني اليجي يسولف عليك
ومن اذكرك ،،،
بجرحي احسك
جاي تتطشر دوه
وتدري انه وياك ،،،اجينه بغيمة وحده
ولبستنا عيون المرايات ،،،خاطرها
ومشينه ،،،نصيح للوادم تعالوا
الخيط من يكبر بوجنات الفجر
يلبس ضوه
يا حبيبي ،،
،الخاطر الوردات وعشوش العصافير
الاجن يم بابنه حطني اعله زلفك
ياحبيبي وداعتك ،،
،ماتلكه غيري بدنيتك واحد يعرفك
ياحبيبي ،،
،العطش من يكبر ،،،يجيب الموت
وانه اتعودت اغفه اعله جرفك
هي هي ،،السالفة
،،الرادتني اطش روحي اعله چفك
مدري ليش ،،
من اختنك تتراوه صورة حاجبك بعيوني
ومضه
ومدري ليش ،،،
،تطيح روحي ،،،وكلبي يثاوب احاسيس
ومشاعر ،،،وانت نبضه
بكلشي ارضه ،،
،بحاجبك ،،،وخدودك الترفات ،،،وعيونك الحلوة
ولمسة جفوفك ،
،،وروحك ،،آه يروحك ،،،اشكد ضكتها
او ويه كل ضوكه احسن بيها حلوة
ياحبيبي
،،،اتدنه خل اسرج خيال الهامي بيك
وخلي اشبگ ،
،،مهرة احساسي واچتفها اباديك
وخلي اعيشك ،
،،واذبل بآخر احچاية تبسمرت باعتاب شفتك
وخلني اتغطى بدلالك
،،،وارسم اشفافي اعله شفتك ،،،
اي عرفتك ،،،انه فاهم بالورد ،،چي لن عرفتك
ومن وصفتك ،،
،كلت ليش ،،ليش ،،ليش
ياخذني انتظاري ،
،،بكل فضولي
وليش طولك دوم يلتف اعله طولي
واهسك بعيوني ضكته
وخاطرك يحجيني سكته
وارد اذكرك ياحبيبي ،،بومضه احس مكتوبه اليه
وانت بيها اي ( انت)
( ياحبيبي وداعتك ،،كلما تمر نسمة التفت حسبالي انت )
وتبقه ،،ليشي معلكه اباب انتظارك
حيل احبك
وليش طولك ،،دوم يلتف اعله طولي
اشما اخط باسمك جدم
وليش ،،عيني تنام مفتوحه اعله شباچك
فخاتي ،،،،وبسماك اتطش حلم
وليش كلما مرني ذكرك
تشتعل اخر قصيدة بدمي بوسه
وصورتك عالماي وواعله الريح
اشوفنها برسم
اشكد حچتلي الناس عنك ،،،وانه منك
اسكر بشهگة هوى
هواي يجرحني اليجي يسولف عليك
ومن اذكرك ،،،
بجرحي احسك
جاي تتطشر دوه
وتدري انه وياك ،،،اجينه بغيمة وحده
ولبستنا عيون المرايات ،،،خاطرها
ومشينه ،،،نصيح للوادم تعالوا
الخيط من يكبر بوجنات الفجر
يلبس ضوه
يا حبيبي ،،
،الخاطر الوردات وعشوش العصافير
الاجن يم بابنه حطني اعله زلفك
ياحبيبي وداعتك ،،
،ماتلكه غيري بدنيتك واحد يعرفك
ياحبيبي ،،
،العطش من يكبر ،،،يجيب الموت
وانه اتعودت اغفه اعله جرفك
هي هي ،،السالفة
،،الرادتني اطش روحي اعله چفك
مدري ليش ،،
من اختنك تتراوه صورة حاجبك بعيوني
ومضه
ومدري ليش ،،،
،تطيح روحي ،،،وكلبي يثاوب احاسيس
ومشاعر ،،،وانت نبضه
بكلشي ارضه ،،
،بحاجبك ،،،وخدودك الترفات ،،،وعيونك الحلوة
ولمسة جفوفك ،
،،وروحك ،،آه يروحك ،،،اشكد ضكتها
او ويه كل ضوكه احسن بيها حلوة
ياحبيبي
،،،اتدنه خل اسرج خيال الهامي بيك
وخلي اشبگ ،
،،مهرة احساسي واچتفها اباديك
وخلي اعيشك ،
،،واذبل بآخر احچاية تبسمرت باعتاب شفتك
وخلني اتغطى بدلالك
،،،وارسم اشفافي اعله شفتك ،،،
اي عرفتك ،،،انه فاهم بالورد ،،چي لن عرفتك
ومن وصفتك ،،
،كلت ليش ،،ليش ،،ليش
ياخذني انتظاري ،
،،بكل فضولي
وليش طولك دوم يلتف اعله طولي
واهسك بعيوني ضكته
وخاطرك يحجيني سكته
وارد اذكرك ياحبيبي ،،بومضه احس مكتوبه اليه
وانت بيها اي ( انت)
( ياحبيبي وداعتك ،،كلما تمر نسمة التفت حسبالي انت )
وتبقه ،،ليشي معلكه اباب انتظارك
حيل احبك