(( محبسك مبتور وأنه اصبع ذهب ))

[د.فلاح الزيدي]

(((((اصبــــــــــــــــــــــــــــع ودادك))))
ما اريد ((في)) شجرتك .....يوكف بعين الشمس ..
جي باچري بعشرتك مايختلف عن امس ..
وماريد ....((.بيرك)) يجي ....
شايل بجفه حبل
مفضوح بيرك تره ...
ومتروس ((سري)) ترس ..
وما اعلي صوتي بعد ...
جي ((خاطرك)) من(( حجر)) ...خايف عليه ينكسر ...
راح انه اسولف همس ..
وياك (((محبس))) صرت ...
شايل خلك من ذهب ....
(((واصبع ودادك ))) عتگ
ما اظن بعد ينلبس ...
تذكر ((امس ))من اجت يم خاطرك دمعتي ..
تتوسل ((ابلبلك )) يطلق سراح ((القفص)) ...
وايخلصه من ال(((حبس)))
ما عبرتني ،،گمت ...چويتني ((براحتك ))...
تدري ((بجلد جمرتي )) يتأذه من ينلمس ..
ورد المحبه ذبل .
.جي فوكه عطرك نزل ..
وفرّاشة محنتك ...
حطت بواهس شرس ...
وياك جبت العمر ...شمعه بمغارة صبر...
ومن حاسبت صفنتي ...
باخرها تدري شطلع ؟؟؟؟
عدي الك جم فاتحه ....
وعدك الي شجم عرس ...
من راسي شلت الهوى ...وسديت باب العشگ
خافن عليه ترد ...
وارجع بحركة كلب ..
.((ببهامي ))اعض ((الضرس))
يل عيشتني ابامل ...
حيطانه كلهن وهم ....ما اريد بيك امتحن ..
محفوظة صار الدرس
.لاتتعب ابهالدرس

[هديل الدليمي]

بس كَلي هذا حجي
كلمة على درب الورق..؟
همسات منها الذهب.. بلل لمعته وكتب
طلعتك طلعة شمس.. للناس فتحت سوك
والشعر شنهو الشعر
بس الفلاح يلوك

[د.فلاح الزيدي]

بس كَلي هذا حجي
كلمة على درب الورق..؟
همسات منها الذهب.. بلل لمعته وكتب
طلعتك طلعة شمس.. للناس فتحت سوك
والشعر شنهو الشعر
بس الفلاح يلوك

،،،،،،
هذا الهمس مو غريب عليه ،،تسلمي حنان نورتي

[لطفي الياسـيني]

من الظلمات الى النور اليك هذه السطور المتواضعة كتبت بقلمك وحبك وعنفوان احساسك العالي بلهفة قلمك على الكتابة وشجن الحروف بالاناقة يشتعل نارا من يدخل بين كلماتك نار الشوق الكبير حروفك ملتهبة بشموع احساسك العالي تخطف من يراك الى عالم الابداع لهيب شوقك الزهر والاشجار تبتسم عندما ترى كلماتك لانها تشعر بنشوى تملأ دنيتها وتتالق كتبت الاحساس العالي كله والرقة باشكالها وتتوافد العطور من عباراتك التي توجتها بحروفك المضيئة عاش قلمك الحساس الرقيق وعاشت كتاباتك الانيقة الرقيقة دمت لنا ودام صرير قلمك الرائع