كلشي وكلاشي ( كشكول شعري)

[د.فلاح الزيدي]

كلشــــــــــــــــي وكلاشــــــــــــي!!!
ــــــــــــــــــــــــ
((أزمة سكن))
لاتخليني إعله بالك من اغيب
حيل ندمان إعله أيامي المضن
وياك عايش جنت بس عيشة غريب
وأرد أضوك بفركتك طعم الوطن
وياي ما اشوفك بعد تصلح حبيب
إعلان حبك جان مدفوع الثمن
أمس من شفتك ثلج والدنيا نار
إلك سويت الكلب جنة عدن
بكلبي ماغيرك سكن جي انت بيه !!!
ليش كلبك بيه شفت أزمة سكن ؟؟؟
**************
((حلم يذبح))
لاتخليني بدرب ماهو انت بيه
خاف من بعدك يتيهني الجدم
تريد مني أنساك ساعات المنام ؟؟
غير فوك فراشي يذبحني الحلم
**************
((أحير منين أبوسك))
أحير منين أبوسك من الاكيك
ولون بيدي عليك أمطر شفايف
أمس سولفت يمي وصار ماصار
مشيت وكمت ابّوس بالسوالف
****************
((شكت زيجها ))
لأن عيني البارحة ماحظت بيك
كامت بمدمعها شكت زيجها
بلايه زاد تنام بس تنشد عليك
يمته طيفك ياحلو يفك ريجها ؟؟
****************
((مرسم))
لأن وجهك حلوو شلتك بماي العين
ويومية افتتحلك بالجفن مرسم
ومنعيت الدمع ينزل على الخدين
أدري الدود باسمك لو سمع يلتم
************
((طلسم))
فوك خدك طلسم بيه سر عجيب
وانه راح بشامتك أضرب مثل
شامتك بت بيت وتصلي وتصووم
وخايفة الله وبالطبك مرها الزعل
*****************
((الجنون أشكال))
الجنون أشكال عد أهل الغرام
وأنه جربت بغرامك كل شكل
أنه عاقل مو لأن أعرف شريد
لاوحك الفاتل رموشك فتل
أنه عاقل لأن مجنون بهواك
وكبل لا اعرفك جنت عايش مثل
طفل زارع ليله بعيون النهار
ينام يكعد حلمة بيه ريحة طفل
تجاوزت بمحبتك سن البلوغ
وانه جاهل هيّست سن العقل
كون ما أشمك أشوفك من بعيد
الغير ذني الورد ماظن ينشتل
الموت بعيونك مجاور للحياة
بهالتناقض حقي لمن أنذهل
عين عندك جنه نافورة فرااش
وعين الاخرى تكول نافورة نبل
(ح و ر) عينك ينقرة من اليساار
والعجيبة اليقرة لازم ينكتل
لاتلوم العين من تطلع وراك
احسبها بحسابك مثل عين النمل !!
**************
((البوم ذكراك))
بعيوني دافنلك صور ماتموت
والبوم ذكراك بدليلي انحفر
يامبتدأ روحي الرفعني بسماه
نزلني يمك ارد أصيرن خبر
****************
((سكيط النده))
دوس اعله الدرب خل الدرب يرتاح
وعوف أثار جدمك خاطر نتبعك
سكيط النده نسمعه وماكو شك بهااي
بس انت بمرورك محد يسمعك
تعرف ليش يمك نبلع أحنه الريج ؟؟
خوفاً من حلاتك ريجك يبلعك
**************
((لبس شفايفك))
انت من تمشي الدرب يتغنى بيك
وبس عليك الورد يقبل ينشمر
اشكد كصير الليل من صار بكفاك
وطال من انطيته من شعرك شبر
رطب لبس شفايفك بس مدري ليش
من تعض عليهن يلبسن تمر ؟؟
مع خالص تحياتي
فلاح الزيدي

[سلوى حماد]

كلشــــــــــــــــي وكلاشــــــــــــي!!!
ــــــــــــــــــــــــ
((أزمة سكن))
لاتخليني إعله بالك من اغيب
حيل ندمان إعله أيامي المضن
وياك عايش جنت بس عيشة غريب
وأرد أضوك بفركتك طعم الوطن
وياي ما اشوفك بعد تصلح حبيب
إعلان حبك جان مدفوع الثمن
أمس من شفتك ثلج والدنيا نار
إلك سويت الكلب جنة عدن
بكلبي ماغيرك سكن جي انت بيه !!!
ليش كلبك بيه شفت أزمة سكن ؟؟؟
**************

((لبس شفايفك))
انت من تمشي الدرب يتغنى بيك
وبس عليك الورد يقبل ينشمر
اشكد كصير الليل من صار بكفاك
وطال من انطيته من شعرك شبر
رطب لبس شفايفك بس مدري ليش
من تعض عليهن يلبسن تمر ؟؟
مع خالص تحياتي
فلاح الزيدي


ما أجمل الشعر باللهجة العامية..أراه أجمل بكثير من اللغة الفصحى لإنه يحمل هوية وموروث ثقافي متنوع..

الشاعر د. فلاح الزيدي أسجل إعجابي بما قرأت فاللهجة العراقية لهجة محببة ومفهومة لذلك لم أجد صعوبة في فهم النص بالكامل..

أحترامي وتقديري،

سلوى حماد

[عواطف عبداللطيف]

((الجنون أشكال))
الجنون أشكال عد أهل الغرام
وأنه جربت بغرامك كل شكل
أنه عاقل مو لأن أعرف شريد
لاوحك الفاتل رموشك فتل
أنه عاقل لأن مجنون بهواك
وكبل لا اعرفك جنت عايش مثل
طفل زارع ليله بعيون النهار
ينام يكعد حلمة بيه ريحة طفل
تجاوزت بمحبتك سن البلوغ
وانه جاهل هيّست سن العقل
كون ما أشمك أشوفك من بعيد
الغير ذني الورد ماظن ينشتل
الموت بعيونك مجاور للحياة
بهالتناقض حقي لمن أنذهل
عين عندك جنه نافورة فرااش
وعين الاخرى تكول نافورة نبل
(ح و ر) عينك ينقرة من اليساار
والعجيبة اليقرة لازم ينكتل
لاتلوم العين من تطلع وراك
احسبها بحسابك مثل عين النمل !!



الجنون اشكال ادري يافلاح
بس غرامك ينضرب بيه المثل


أسعد الله قلبك
سعدت بوجودي هنا وريحة هلي

دمت بخير
محبتي

[هديل الدليمي]

عطرك سبه الدلال.. وتريدني اتصبّر
تاهت عيوني بيك.. واللهفة تتمخطر
صح آنه موشاعره.. والحرف يتعذر
بس من اشم الطيب.. أخدر وأتبعثر
.
شكرا لأريجك المنثور