الى الذي أرتجف في حضوره ،،قصيدة تنشر لاول مرة

[د.فلاح الزيدي]

قال لي لماذا لم ازرك في المنام ،،فاجبته ،
،،،
هواي أشتاگلك رغم المسافات ،،،،،،،،،،،وظلم أقدارنا وغطرسة الحدود
اليگلك ما أشوفك گله چذاب ،،،،،،،،،،،،،اصورك بالجفن كل ثانية تزود
ولتعاتبني ليش بطيفي ماجيت ،،،،،،،،الطيف يمر فقط بالجفنه مسدود
طيفك مايريد اتلاگه وياك ،،،،،،،،،،،،،،،،،آنه وياك حتى بهاي محسود
لذلك كمت كل ما چلچل الليل ،،،،،،،،،،،،،أحرگ كلب طيفك وانه ممدود
وأگله الماتريد تجيبه للعين ،،،،،،،،،،،،،،،،،،هاذياه شوفه بصفي موجود
واظل وياك أسولف غصبا عليه ،،،،،،،،،واخليها النجوم بكعدتي شهود
واسافر بيك لأبعد نقطه بالروح ،،،،،،،،،،واسوي مرايتي بعيونك السود
والمن ليل شعرك فوگ الچتاف ،،،،،،،،،وارد انوب اطشرنه اعله الزنود
واترس من نده شفافك سمه الكاس ،،،،واطيرن بيه واحطن فوك الخدود
وأفك بستان صدرك واني جوعان ،،،،،،،،،واتناوشلي منه بإيدي عنگود
واتشلبه اعله طولك ( خلگ لبلاب ) ،،،،،،وأگلك مثلي تحلم تلگة صاعود
وعلى سنبلة خصرك منجلي يميل ،،،،،،،راوي انت وطحت بيدين حاصود
واقرالك شعر ما سامعة انسان ،،،،،،،،،،،إنت وماكو غيرك بيه مقصود
وارد للطيف أگله الردته وياي ،،،،،،،،،،،،،وبيه ما اريد منك باچر تجود
العرش موجود يمي ويمه بلقيس ،،،،،،،،،،،شاعر وبخيالي مجند جنود
شوكت ما اريد اشوفه بصفنتي الكاه ،،،،،،روح وما اريدك ترجع اردود

[هديل الدليمي]

هواي تلوكَلك هاي السحابات
تزخ عطور منها تشم الورود
أسلوبك حلو ويتمشّه بالعين
يكحّلها بدمع ينزل عالخدود
اليقرالك يحلّق يم النجوم
واليصعد بعد ما ظنّتي يعود

[د.فلاح الزيدي]

هواي تلوكَلك هاي السحابات
تزخ عطور منها تشم الورود
أسلوبك حلو ويتمشّه بالعين
يكحّلها بدمع ينزل عالخدود
اليقرالك يحلّق يم النجوم
واليصعد بعد ما ظنّتي يعود


،،،،،
كلش حلوووو مجاراتك للنص ،،،

[الدكتور اسعد النجار]

أمتعتنا فالشكر لك

تحياتي

[علي عبدالحسن]

واظل وياك أسولف غصبا عليه ،،،،،،،،،واخليها النجوم بكعدتي شهود

واحضنك مو مثل كل اليحضنون...........واكل ليديه الجن صار فرهود
واغرك كاع حبك مثل خنياب ............من ايمر عليك وانته صيهود

قصيده جميله جدا قرأتها اكثر من مره

اعتذر لحروفي البسيطه في رائعتك دكتور
تحياتي وتقديري