هيلا هوبه يا توتة الدار

[فرج عمر الأزرق]

هيلا هوبه يا توتة الدار
ياسمين و فل يتصافحو ع الشباك
و الشمس طالع نورها م البلار *
هيلا هوبه يا توتة الدار
احكي الحكايه ..آخر اللليل محلاك
قمره و هلال يتشاطحو في الدار
هيلا هوبه عليك يا حب مقواك
كلام بنين* و طقاطق و أشعار
يا قلب سبح للخالق عللي عطاك
هيلا هوبه يا توتة الدار
آش كون نسيت و علاش نساك
العاشق و أصحاب الدار
الياسمين عاف الفل و عارك
و الشمس كبس على أنفاسها البلار
هيلا هوبه يا توتة الدار
احكي الحكايه ..أول الليل مقساك
قمره و هلال يتناطحو في الدار
هيلا هوبه عليك يا حب مجفاك
كلام ثقيل لا معاني و لا بهار
يا قلب تستاهل ما شكرت اللي عطاك
...و هيلا هوبه يا توتة الدار ...



فرج عمر الأزرق

*البلار / البلور
*بنين/لذيذ

[هديل الدليمي]

نص جميل يرفل بعفوية معانيه
أحببته.. رغم صعوبة اللهجة
تحية وجورية

[ليلى عبد العزيز]

نص "تحفون"
خفيف و بنين.
جميل ما خط يراعك
نص فريد من نوعه أ.فرج به علامه مسجله أعجبتني:صُنِع في تونس"
تحية بعبق الياسمين.

[فرج عمر الأزرق]

نص جميل يرفل بعفوية معانيه
أحببته.. رغم صعوبة اللهجة
تحية وجورية...

...

العطرة سيدة حنان

و تحب اللهجة مقاومتك صعوبتها

بورك فيك و في يراع طلتك

ودي
و امتناني

[فرج عمر الأزرق]

نص "تحفون"
خفيف و بنين.
جميل ما خط يراعك
نص فريد من نوعه أ.فرج به علامه مسجله أعجبتني:صُنِع في تونس"
تحية بعبق الياسمين.


....

الزكية فلذة البلد سيدة ليلى
سلسبيل الفل و الياسمين يرافق خطوك و المدى
ودي
و احترامي