كبش الكتيبة

[هديل الدليمي]

حركَوا يعباس الخيم
بارض اليتامه والحرم
كبش الكتيبه بيا كتر
عالغبره مغروس بسهم
..
عبد الله يصرخ بالمهد
واسكينه ما تحمل بعد
ياخويه ليش اتاخّرت
ما ظنّتي يطيح الأسد
..
بصيوانك الزهرة تحوم
تقهرني زينب من تلوم
بالخوّه حلّفتك ترد
عالغبره نايم ما تكَوم
..
أحوالي بعدك ما تسر
جفوفك دكَلي بيا كتر
ظهري انكسر يا ابا الفضل
والموت ابد ما يعتذر
..
مرمرني يا خويه الحزن
والكَلب ما بطّل يحن
وينك يراعي المرجله
ضليت بعدك بس اون
..
ما ريد مايك بس تعال
من سهم عينك دمعي سال
عطشان رحت عله الحرب
ردتك ترد لكن محال
..
الماي يشرب غرفتك
ويرد زلال بلمستك
يعطش نهرهم لو متت
لا مو وكتها نومتك
..
عفت الحرم يمي ورحت
وجروح خوّانك تكت
وتنومس علينه الشمر
الله واكبر من طحت


17/11/2014
http://upload.traidnt.net/upfiles/OrX03296.gif

[الدكتور اسعد النجار]

نص رائع حلق في ملكوت الطف

فاكتسب البهاء والجلال

تحيتي

[علي عبدالحسن]

هم ترضه خويه ميسره
بت فاطمه وبت حيدره
بيد الشمر ضعني تره

يا خويه دونك امتحن

يلنايم اعلى المشرعه
وايديك ادري مكطعه
جا صوتي ياهو اليسمعه

لو صحت الحك لو اون

السلام عليك ياسيدي يا ابا عبدالله ابدا ما بقيت وبقي الليل والنهار
السلام على الحسين وعلى علي ابن الحسين وعلى اولاد الحسين وعلى ال ابي طالب وعلى اصحاب الحسين
السلام عليك ياسيدي يا قمر العشيره ابو الفضل العباس

كلمات رائعه في كفيل زينب عليهما السلام جعلها الله في ميزان اعمالك

تحياتي وتقديري

[هديل الدليمي]

نص رائع حلق في ملكوت الطف

فاكتسب البهاء والجلال

تحيتي

ليس أروع من مرورك الآسر هذا
شكرا لكرم الحضور أيها الرائع
لقلبك الفرح

[هديل الدليمي]

هم ترضه خويه ميسره
بت فاطمه وبت حيدره
بيد الشمر ضعني تره

يا خويه دونك امتحن

يلنايم اعلى المشرعه
وايديك ادري مكطعه
جا صوتي ياهو اليسمعه

لو صحت الحك لو اون

السلام عليك ياسيدي يا ابا عبدالله ابدا ما بقيت وبقي الليل والنهار
السلام على الحسين وعلى علي ابن الحسين وعلى اولاد الحسين وعلى ال ابي طالب وعلى اصحاب الحسين
السلام عليك ياسيدي يا قمر العشيره ابو الفضل العباس

كلمات رائعه في كفيل زينب عليهما السلام جعلها الله في ميزان اعمالك

تحياتي وتقديري

سلام الله عليهم أجمعين
شكرا لشهادة أعتز بها من شاعر قدير كأنت
شكرا لمداخلتك الثرية أيها الرائع
تحية باتساع السماء