علي عبدالحسن
11-26-2014, 07:16 PM
شكد صبرج يروحي وافكاج الضيم
من اربعطعش ولهسه مقهوره
لو عديتي ايام السرور شواي
اضنج مره بالسنتين مسروره
دستي اعلى الجمرحضج حوجلج هيج
كلب محروك بس ادريج مجبوره
نسوج الامس كالولج فلا ننساج
وابيت الامل ظليتي مشموره
بنص بحر الظلم بلمج بلاي شراع
وعكس تمشين والغرافه مكسوره
دورتي الوفه والغدر حايط بيج
مكروده وحسبتي الناس عل صوره
مديتيله ايدج يوم طاح ابير
بعد ما طحتي صاح ايديه مبتوره
يا ناعور هم توكف وهم ترتاح
بس كلبي الابد ما وكف ناعوره
بستان الورد ذاك الزرعته هناك
وسكيته بدمع كتلي انته ناطوره
بستان الورد بس اسمه ظل بستان
شو ما هوه ظل هناك بس سوره
هواي جروح منك خلصن لخيوط
شما كولن عليك وروحي معذوره
عرفتك من زمان وجذبتني الروح
بعد ما جيب بلمي واشله بخوره
حرامي الليل لابد ينفضح فد يوم
يفضحه الصبح من يطلع عليه نوره
من اربعطعش ولهسه مقهوره
لو عديتي ايام السرور شواي
اضنج مره بالسنتين مسروره
دستي اعلى الجمرحضج حوجلج هيج
كلب محروك بس ادريج مجبوره
نسوج الامس كالولج فلا ننساج
وابيت الامل ظليتي مشموره
بنص بحر الظلم بلمج بلاي شراع
وعكس تمشين والغرافه مكسوره
دورتي الوفه والغدر حايط بيج
مكروده وحسبتي الناس عل صوره
مديتيله ايدج يوم طاح ابير
بعد ما طحتي صاح ايديه مبتوره
يا ناعور هم توكف وهم ترتاح
بس كلبي الابد ما وكف ناعوره
بستان الورد ذاك الزرعته هناك
وسكيته بدمع كتلي انته ناطوره
بستان الورد بس اسمه ظل بستان
شو ما هوه ظل هناك بس سوره
هواي جروح منك خلصن لخيوط
شما كولن عليك وروحي معذوره
عرفتك من زمان وجذبتني الروح
بعد ما جيب بلمي واشله بخوره
حرامي الليل لابد ينفضح فد يوم
يفضحه الصبح من يطلع عليه نوره