ما شكيت ثوبي عليك

[علي عبدالحسن]

ما شكيت ثوبي عليك وفيت
مثل ما كتلي بس الكلب مشــــكوك
اذا شكيت ثوبي اعليك اشريه
بس دورت ما كلوب بالـــــــــسوك
بخت سدرة نبك علويه جا ليش
صبحت مخرطه وكل نبكي مبيـوك
بجرف النهر بس ضليت عطشان
عاباني النهروالماي ما ضــــــــوك
يا صفصاف ليش اتفيي علناس
تاليتك خشب مذموم محـــــــــروك
دمعاتك جذب ودريك جذاب
يصير الحك بطِل بس جيبله حلــوك
خنياب البطِل غرك ملايين
وغريب الحك بعيد وماله معشـــوك
يالمشتاكلك باليوم يومين
شوكت تشتاكلي انته وتعرف الشوك
ولك شراي اجيتك ونته بستان
حشــــــف راويتني وضميت العثوك
خابط ما صفيت وطينك هواي
عميت وما عرفت الجـــــــوه والفوك
ريل العمر لو مر بالمحطات
يودع ما يرد ويلحكه لاحــــــــــــوك
باجر لو لبست ابيض على الراس
تفكر بالجنيته وتطلك طلـــــــــــــوك
تفكر بالجنيته وتطلك طلـــــــــــــوك

[هديل الدليمي]

ما أفخم هذا الوجع
وما أشهى ولوجه في شريان الروح
درر ثمينة رصعت بها الصفحات والقلوب
شكرا بحجم روعتك

[محمد الفهد]

اجيت بكلب ذيب
وشوفة أطيور
وانه الحنيتلك جن حنت النوك
أجيت تبوك روحي
بغفله بسكوت
ونه مطيك روحي
شمالك تبوك
ما اكدر اكلك روح
والروح
رغم جورك
أحس شابكتك شبوك


الصديق العزيز علي
سطور حملت الكثير من الجمال رغم الالم
وحرف أجبرنا على المتابعة لاخر سطر
دمت ودام لك هذا القلم الجميل
تحياتي وتقديري

[بلال الجميلي]

حب ولوعة وعذاب

عاشت الايادي

[سولاف هلال]

حب وألم ولوعة واستمتاع
نحن من استمتع بكل هذا الجمال
لك الشكر والتقدير
تحياتي

[ليلى أمين]

سأتعلم اللهجة العراقية على إيدك
استمتعت كثيرا
ما أرق هذا الحرف!

[علي عبدالحسن]

سأتعلم اللهجة العراقية على إيدك
استمتعت كثيرا
ما أرق هذا الحرف!

الاستاذه ليلى امين
لي الشرف ان ادربك على اللهجه العراقيه
شكرا لمرورك على صفحتي

تحياتي وتقديري

[علي عبدالحسن]

ما أفخم هذا الوجع
وما أشهى ولوجه في شريان الروح
درر ثمينة رصعت بها الصفحات والقلوب
شكرا بحجم روعتك

القديره حنان الدليمي

الاروع انتي ومرورك اسعدني
شكرا لك

تحياتي وتقديري