دارميات عراقية 4

[عواطف عبداللطيف]

روحي تصد لبعيد والهَّم گوانـــي
كولولي شنهو الصار وشمسوية آني

[عواطف عبداللطيف]

رمضان اجه ياصاح هيه نتلكاه

خطار اجه ياصاح شو صعبه فركاه

رمضان اجة ياصاح ماكو بحلاته
زاير خفيف الروح شحلوة صفاته

[عواطف عبداللطيف]

ياولفي وين تروح گلبي يريدك
ذيج الگلوب هناك لا ما تفيدك

[الدكتور اسعد النجار]

ذيج الكلوب هناك تبجي بلا دموع

ودمعي يبعد الروح هشملي الضلوع

[عواطف عبداللطيف]

يجري دمعهه العين من هجروني
والقهر وية الهم ما فاركوني

[الدكتور اسعد النجار]

القهر يمشي وياي من بعد لليوم

كلبي يون بهداي وجافاني النوم

[عواطف عبداللطيف]

گلبي يون بهداي والغصة تزداد
والراحة بعد الهم ياعيني تنراد

[الدكتور اسعد النجار]

الراح بعد أحزان مطلوبه يهواي

بس انت كون النوب ويايه بهداي

[عواطف عبداللطيف]

شما اگول ارتاح تتراجف عضاي
من كثر ما عانيت غربلت هواي

[عواطف عبداللطيف]

الراح بعد أحزان مطلوبه يهواي

بس انت كون النوب ويايه بهداي

بس انت كون النوب تفتهم شصار
الوجع صار الوان والزمن غدار

[الدكتور اسعد النجار]

شما اگول ارتاح تتراجف عضاي
من كثر ما عانيت غربلت هواي



من كثر ما عانيت كلبي بلا راي

التفت علصوبين لن ولفي ماجاي

[عواطف عبداللطيف]

التفت علصوبين وانطر واتاني
وانذر خبز عباس بس لو اجاني

[الدكتور اسعد النجار]

التفت علصوبين وانطر واتاني
وانذر خبز عباس بس لو اجاني

وانذر خبز عباس لو مر عليه

واحجيله كل الجره والصار بيه

[عواطف عبداللطيف]

احجيلة كل الجرة من راح عني بعيد
بلكت يلم الجرح ونرجع سوة من جديد

[الدكتور اسعد النجار]

بلكي يلم الجرح ومايسمع العذال

ذوله ابد مو بشر همهم القيل وقال

[الدكتور اسعد النجار]

سمعت صوتها وقد لمتها *** شلونك تكلي يا ضوه عيوني

قلت لها في القلب سكناكم *** ومن تتركيني ينخطف لوني

قالت اأنا أهواك يامنيتي *** لتعوفني وتكثر ظنوني

[الدكتور اسعد النجار]

كلتلها انه وياج نمشي سويه

كلتلي عني روح كلك أذيه

[الدكتور اسعد النجار]

كلتلها لتلبسين محبس يحلوه


خاف الحسد ياذيج ويصير بلوه

[عواطف عبداللطيف]

خاف الحسد ياذيج واتأذة آني
والله حرت وياج وحرت بزماني

[الدكتور اسعد النجار]

بالانتفاضه اليوم شاركنه كلنه

بلكي يعود الخير ياربي النه

[الدكتور اسعد النجار]

من كلي انه اهواك كتله انت كذاب

المحب كون الكاه دومه على الباب

[الدكتور اسعد النجار]

اشتميت ريحة شوي حسبالي معلاك

تاليها كلبي طلع مشوي من الفراك

[الدكتور اسعد النجار]

بالحلم شفت هواي معبس وحيران

كتله شكو يهواي كلي انت بطران

[عواطف عبداللطيف]

كتله شكو يهواي كلي الوجع جاي
بس انت ابقى بعيد ليصيبك الداي

[الدكتور اسعد النجار]

شعندك خبر يا صاح جنت انه غايب

خالي مكانك كال ويه الحبايب

[الدكتور اسعد النجار]

كلي شوكت يهواي تطل عليه

همبركر انه وياك ناكل سويه

[عواطف عبداللطيف]

شعندك خبر يا صاح جنت انه غايب

خالي مكانك كال ويه الحبايب

خالي مكانك كال والكلب مالوم
يمته تجينه عاد وتزيل الهموم

[عواطف عبداللطيف]

يمته تجينه عاد جنك متدري
من القهر واللوم انكسر ظهري

[الدكتور اسعد النجار]

خالي مكانك كال والكلب مالوم
يمته تجينه عاد وتزيل الهموم

يمته تجينه عاد وتفرح الروح

بعدك يبعد الروح خلاني بالنوح

[الدكتور اسعد النجار]

يمته تجينه عاد جنك متدري
من القهر واللوم انكسر ظهري

يمته تجينه عاد روحي حزينه

تدري انت كلش زين بيدك رهينه

[الدكتور اسعد النجار]

مرتاح كلبي اليوم نام من الغروب

من بعد شاف هواه يمشي بالدروب

[عواطف عبداللطيف]

يمته تجينه عاد جنك متدري
من القهر واللوم انكسر ظهري

من القهر واللوم ظليت افكر
گلبك طلع تعبان بس انت تنكر

[عواطف عبداللطيف]

گلبك طلع تعبان وانت متدري
وكلما افكر بيك يحتار امري

[الدكتور اسعد النجار]

من القهر واللوم ظليت افكر
گلبك طلع تعبان بس انت تنكر

من القهر واللوم ما نمت ليلي

ابجي واصيح أحاه ونهدم حيلي

[عواطف عبداللطيف]

ابجي واصيح احا وينك ياعيني
رغم القهر واللوم ناطر تجيني

[الدكتور اسعد النجار]

كتله يحلو الطول لا تلزم ايدي

ينكطع يا محبوب كلبي بوريدي

[الدكتور اسعد النجار]

اسمك احبه دوم واتمنه اسمعه

ومن اسمعه يهواي تنسكب دمعه

[الدكتور اسعد النجار]

اعبرت نهر الشوك والدنيه ظلمه

ياحلو يا مهيوب اشويه رحمه

[عواطف عبداللطيف]

ياحلو يا مهيوب مشتاكة هواي
لمن افكر بيك تتراجف عضاي

[الدكتور اسعد النجار]

سرك يبعد الروح لا لا تذيعه

للرايح وللجاي شفتك تبيعه

[هديل الدليمي]

شفتك بحلمي اليوم متزاعل وياي
تحجي ويه غيري ادريك بس كَلبك حداي

[الدكتور اسعد النجار]

شفتك بحلمي اليوم متزاعل وياي
تحجي ويه غيري ادريك بس كَلبك حداي

تحجي ويه غيري ليش مو انه احبك

ان جنت بي شاك اساله الكلبك

[الدكتور اسعد النجار]

الما يحن عليك لا تنشد عليه

للفركه هو اختار بيديه ورجليه

[الدكتور اسعد النجار]

من جنت اصلب اليوم مرن فخاتي

فسدن عليه الصوم وياه صلاتي

[عواطف عبداللطيف]

الما يحن عليك لا تنشد عليه

للفركه هو اختار بيديه ورجليه

للفركة هو اختار وخلاني موجوع
كلما اكول انساه هم ارجع رجوع

[الدكتور اسعد النجار]

يا حلوه يم زلوف شوفيني حجلج

من عيني تشبع شوف انتظري بسج

[عواطف عبداللطيف]

من عيني تشبع شوف يرتاح كلبي
غيرج تره هاليوم كطعتلي دربي

[الدكتور اسعد النجار]

جنك حرامي هواي من تجي يمي

تتلفت بممشاك ويزيد همي

[الدكتور اسعد النجار]

كلبي يبعد الروح دمرته بيدك

من أمس حتى اليوم ينحب يريدك

[عواطف عبداللطيف]

من امس حتى اليوم ما غمضت العين
اسأل عليك الناس من شافك ووين ؟

[الدكتور اسعد النجار]

الزمني بيدك زين مو صعبه يهواي

من فرحتي بملكاك كمت امشي علماي

[الدكتور اسعد النجار]

انتخي بالعذال جيت انه حيران

درب الحبيب منين موش احنه خلان

[عواطف عبداللطيف]

درب الحبيب منين دلوني عنه
حبه سكن بالروح مخصلت منه

[الدكتور اسعد النجار]

أهل المثل يكلون تعشه وتمشه

طبقت هذا الكول شو صرت لشه

[الدكتور اسعد النجار]

يا خويه ارد انخاك سويلي جاره

دلالي من عافوه ملتهبه ناره

[الدكتور اسعد النجار]

بس الدعه ياصاح ينفع بهليوم

ادعوه يا هل ناس البكل وكت دوم

[الدكتور اسعد النجار]

كورونه اجانه اليوم وسوانه طشار

ننخاك يا رحمن يا رب يجبار

[عواطف عبداللطيف]

ننخاك يالرحمن تحفظ أهلنه
وينتهي هذا الهَّم وننجمع كلنة

[الدكتور اسعد النجار]

كورونه جيت منين لازم تكلي

باجر تروح بعيد يافرحه هلي

[عواطف عبداللطيف]

يمتى تروح بعيد وينتهي همك
كل البشر مشغول بالجاي منك

[الدكتور اسعد النجار]

كل البشر مشغول صافن وحيران

والفكر بالآهات وهمومه سرحان

[الدكتور اسعد النجار]

رمضان راح بساع يله نودعه

تقوى العبد ياصاح هيه التنفعه

[عواطف عبداللطيف]

تقوى العبد ياصاح بكل وكت لازم
ما راح يخسر شي هو اللي غانم

[عوض بديوي]

( شاورني كلي شبيك محد يسمعك
انت بالقلب والروح شلون اطلعك )

[الدكتور اسعد النجار]

اهلا يا عوض ياخوي بيك وبالأحباب

افرشت الأرض أزهار عد عتبة الباب

[عواطف عبداللطيف]

نفرش زهور اليوم ويا هلا بيكم
دومة النبع يحباب ينشد عليكم

[الدكتور اسعد النجار]

دومه النبع يخوان يسأل ويشتاق

ويرسل قصايد شوك من عمق الأعماق

[الدكتور اسعد النجار]

ياعيد اجيت بخير كمل فرحتي

بلكي يجي المحبوب ويرضه بدعوتي

[عواطف عبداللطيف]

بلكي يجي المحبوب ويرتاح كلبي
صعبة بعد يا احباب اسكت واخبي

[الدكتور اسعد النجار]

صعبه بعد يحباب روحي اجرها

من رحل عني اهواي ضيعت خبرها

[عواطف عبداللطيف]

من رحل عني هواي گلبي وجعني
صعبة عليَّ النوم والسهر هدني

[الدكتور اسعد النجار]

يصعب عليه النوم والدمع سجاب

من رحل حتى اليوم مندكت الباب

[الدكتور اسعد النجار]

كلبك يحلو الطول خالي من العيوب

وكليبي مثل شموع بس يون ويذوب

[عواطف عبداللطيف]

كليبي مثل شموع ياللي عفتني
اشعلها لما وياك مدري خنتني

[الدكتور اسعد النجار]

أشعل شموعي وياك تالي هجرتني

ودموعي كالميزاب لمن عفتني

[عواطف عبداللطيف]

اشعل ايدييه شموع لمن اشوفك
لتصدك بفد يوم رايح اعوفك

[الدكتور اسعد النجار]

لتصدك ابفد يوم يا ولفي أنساك

بكليبي بالشريان ياغالي مرساك

[عواطف عبداللطيف]

بكليبي بالشريان بعيوني اخليك
وكلما ترف العين اكعد وحاجيك

[الدكتور اسعد النجار]

كلما ترف العين تسألني عنك

وتكلي كل لهواك الصوج منك

[عواطف عبداللطيف]

كلما ترف العين انتظر ملكاك
نكعد سوية بليل واتسامر وياك

[عواطف عبداللطيف]

نكعد سوية بليل ونحجي قهرنه
نتذكر اللي صار ونذكر صبرنه

[عواطف عبداللطيف]

فرَّحني الغربيل مـــن غربل هواي
خلاني كلش زين اعرف منو وياي

[عواطف عبداللطيف]

خلاني كلش زين اعرف شنو الصار
كالولي هزي هواي داير ميندار

[عواطف عبداللطيف]

كالولي هزي هواي واشوية أقوه
ما يبقى بس الزين والعنده نخوه

[عواطف عبداللطيف]

ما يبقى بس الزين والعنده غيرة
والوكع خلي يروح هو وضميره

[الدكتور اسعد النجار]

ما يبقى بس الزين والعنده غيرة
والوكع خلي يروح هو وضميره

لا تنشد اعله الراح واسأل عن الجاي

انخطف لونه وتاه من عقله كل راي

[الدكتور اسعد النجار]

كالولي هزي هواي واشوية أقوه
ما يبقى بس الزين والعنده نخوه


ما يبكه بس الزين بهالدنيه يهواي

امش بصدق وياه تلكه الفرج جاي

[عواطف عبداللطيف]

لا تنشد اعله الراح واسأل عن الجاي

انخطف لونه وتاه من عقله كل راي

انخطف لونه وتاه وعينه على الباب
حسبالي يوفي وياي بس طلع جذاب

[الدكتور اسعد النجار]

انخطف لونه وتاه وعينه على الباب
حسبالي يوفي وياي بس طلع جذاب

حسبالي يوفي وياي بس طلع بد ذات

لا صدك لا اخلاص راواني آهات

[عواطف عبداللطيف]

لا صدك لا اخلاص لا حجاية حلوة
حسبالي اعرفه زين بس طلع بلوة

[الدكتور اسعد النجار]

لا صدك لا اخلاص لا حجاية حلوة
حسبالي اعرفه زين بس طلع بلوة

حسبالي اعرفه زين بس طلع بد ذات

خلاني حاير دوم وعايش بحسبات

[عواطف عبداللطيف]

خلاني حاير دوم انتظر جيته
صح النفس موجود بس جني ميته

[الدكتور اسعد النجار]

خلاني حاير دوم انتظر جيته
صح النفس موجود بس جني ميته

صح النفس موجود لكن بلا روح

أبجي واون بالليل والفرح ممسوح

[حيال محمد الأسدي]

عايش يا بعد الروح لكن شعيشه
طير و وكت مجلوب ناتفله ريشه!!

[الدكتور اسعد النجار]

عايش يا بعد الروح لكن شعيشه
طير و وكت مجلوب ناتفله ريشه!!


طير ووكت مجلوب كله نذاله

ودرب الظلم يمشيه ما بي عداله

[عواطف عبداللطيف]

درب الظلم يمشيه والحيل مهدود
وجمالة فوك الضيم هم شافه مسدود

[الدكتور اسعد النجار]

درب الظلم يمشيه والحيل مهدود
وجمالة فوك الضيم هم شافه مسدود

وجماله فوك الضيم خلاني وحدي

راح ومشه لبعيد والسكم دردي

[عواطف عبداللطيف]

راح ومشة لبعيد وخلاني وحدي
شحجي شكول للناس شنهوه دردي

[حيال محمد الأسدي]

وجماله فوك الضيم خلاني وحدي

راح ومشه لبعيد والسكم دردي


درب الظلم امشيه وبكل كرامه
وانتظر لحظة بيوم تفزع نشامه

[حيال محمد الأسدي]

راح ومشة لبعيد وخلاني وحدي
شحجي شكول للناس شنهوه دردي


راح ومشه لبعيد والحزن زادي
ياربي اترجاك تحقق مرادي!!

[عواطف عبداللطيف]

ياربي اترجاك مو كلبي بيده
كلما يزيد الشوك يصرخ اريده

[الدكتور اسعد النجار]

ياربي اترجاك مو كلبي بيده
كلما يزيد الشوك يصرخ اريده


كلما يزيد الشوك أبرك بكاعي

مثل الزرع بالبور من دون راعي

[عواطف عبداللطيف]

مثل الزرع بالبور خلاني ولفي
يكلي كافي عاد واجمالة حلفي

[الدكتور اسعد النجار]

اذكر أيامي دوم واصفك على الراح

بيها جنت بافراح والكلب مرتاح

[الدكتور اسعد النجار]

نار الهجر يا صاح تسعر بالفاد

خافن اطفي النار تتحول رماد

[عواطف عبداللطيف]

خافن اطفي النار وترجع توجها
باب الفتحته وياك لازم اسدها

[الدكتور اسعد النجار]

لوكف بدرب البي تمر الضعاين

كلما تمر اضعون أسكت وعاين

[الدكتور اسعد النجار]

ما حسبت يهواي تطلعلي غدار

تعكس ويايه النوب والوكت يندار

[عواطف عبداللطيف]

تعكس وياية النوب شمسوية آني
فوك القهر والضيم انت وزماني

[الدكتور اسعد النجار]

شبيدك تكلي هواي كلتلها امشي

لفة كباب اربيل وبنصها طرشي

[محمد الفهد]

رايح وحك عيناك كل ظني انساك
ما ينحمل جتال يالغالي فركاك

[الدكتور اسعد النجار]

فركاك يلمحبوب هم بالصدر زاد

كافي هجر وفراك ارجع وبس عاد

[محمد الفهد]

صح جسمي ناوي رحيل بس كلبي موجود
يلرحت عني بعيد شيردك اردود

[الدكتور اسعد النجار]

يلي رحت لبعيد كلي شيردك

تعذبني انت تريد اعرفن قصدك

[عواطف عبداللطيف]

تعذبني انت تريد فهمني قصدك
مكذبت مرة عليك تدريني أودك

[الدكتور اسعد النجار]

تدريني أودك دوم صادك انه وياك

وتدريني كلش زين افرح بملكاك

[محمد الفهد]

تدريني اودك دوم يا ناكر الود
ابيض عليك الراس يلرحت بس رد

[محمد الفهد]

افرح انه بملكاك يلبجسم روح
بكيفك بعد يهواي تاخذها وتروح

[عواطف عبداللطيف]

بكيفك بعد يهواي ما ريدن احجي
من رحت عني بعيد كل ساعة ابجي

[الدكتور اسعد النجار]

تدريني اودك دوم يا ناكر الود
ابيض عليك الراس يلرحت بس رد

الناس عني هواي شو كام تبعد

احسب ورد ردود تعبني العد

[الدكتور اسعد النجار]

افرح انه بملكاك يلبجسم روح
بكيفك بعد يهواي تاخذها وتروح

خذ روحي ولفي وياك مو تعبتني

كا في هجر وفراك مو عذبتني

[محمد الفهد]

امبارك ولف علخير يلوجهك العيد
بمظروف اودي الروح والكلب والايد

[الدكتور اسعد النجار]

دزيت الك أشواك وأوراد يهواي

غنيتها موال واعزفت علناي

[عواطف عبداللطيف]

تحيرت بالموال لمن سمعته
بس العزف عالناي رأساً عرفته

[محمد الفهد]

لا جاني لا موال منك ولا ناي
عطشان انه اعلى هواك يل شوفتك ماي

[هديل الدليمي]

الكلمة رشّة طيب عطرك ترسها
باشعارك الحلوات تشرق شمسها

[الدكتور اسعد النجار]

تشرق شمسنه اليوم من جيتي يمي

عفت الأهل والناس وخالي وعمي

[محمد الفهد]

عطر النبع فواح جوري امن اشمه
واهل النبع بالطيب طفل اوي امه

[الدكتور اسعد النجار]

تحيرت بالموال لمن سمعته
بس العزف عالناي رأساً عرفته

رأسا عرفت الناي بي ألم كلبي

مثل الحمام يون دومه عله دربي

[عواطف عبداللطيف]

مثل الحمام يون من فاركتني
شسويت انا وياك رحت وعفتني

[عواطف عبداللطيف]

عطر النبع فواح جوري امن اشمه
واهل النبع بالطيب طفل اوي امه

من النبع يازين ينشدني عنكم
محتارة ارد عليه شنهو لبعدكم

[محمد الفهد]

من النبع يازين ينشدني عنكم
محتارة ارد عليه شنهو لبعدكم


صح الوكت مرات ياخذنه لبعيد
بس بالكلب تبقون وبحبكم نزيد

[محمد الفهد]

كلبي انفطر نصين يل ما تحنون
جا يمته صار سنين كلتو تمرون

[الدكتور اسعد النجار]

كلبي انفطر نصين يل ما تحنون
جا يمته صار سنين كلتو تمرون

كلولي يمته عاد عني تسألون

كل الطرف والناس ابحالي يدرون

[محمد الفهد]

كلولي يمته عاد عني تسألون

كل الطرف والناس ابحالي يدرون

يبجي العدو اعلى الحال يلمبعد ارجع
والصخر حن عل الحال ولونتي يسمع

[الدكتور اسعد النجار]

يبجي العدو اعلى الحال يلمبعد ارجع
والصخر حن عل الحال ولونتي يسمع

حتى الصخر يهواي حن من سمعني

أبجي وأون عليك وما جزع مني

[محمد الفهد]

بالابره احفر بير مو صعبه سهله
بس فركتك يفلان سوتلي عله

[محمد الفهد]

يلعفت كلبي هناك برديه بالبيد
حالي انه من فركاك لا هذا ويزيد

[عواطف عبداللطيف]

من فركتك لليوم يوجعني گلبي
معرفت شنهو الصارضيعت دربي

[محمد الفهد]

من فركتك لليوم معلوله روحي
يوميه ذكرى هواك تلجم جروحي

[محمد الفهد]

خلصت كلشي اطيت ما ضل بديه
بس الهدم يا ناس ساتر عليه

[محمد الفهد]

ما بيه اشل جروح جرحي شيشله
ما تدري يدي سنين سوالي عله

[محمد الفهد]

من كثر ما مشتاگ يلمبعد بعيد
جا علمتني انساك وانسه المواعيد

[عواطف عبداللطيف]

من كثر ما مشتاگ گلبي وجعني
شحجي شكُل للناس رحت وعفتني

[محمد الفهد]

يل رحت عني بعيد غفله وعفتني
ما حسبت بالشوگ من فاركتني

[محمد الفهد]

جربت انسه هواك وبغيرك اهتم
لو تدري من فرگاك بيه شكثر هم

[محمد الفهد]

حسبالي الگه دواي يمك تعنيت
ثاري انتَ مثلي تريد بس يمي ما جيت

[محمد الفهد]

عادتها تدري الروح يوميه تلگاك
كل عمري ذاك الفات يلمبعد هناك

[عواطف عبداللطيف]

جربت انسه هواك وبغيرك اهتم
لو تدري من فرگاك بيه شكثر هم

لو تدري من فرگاك گلبي وجعني
أصرخ واصيح شلون محد سمعني

[محمد الفهد]

لو تدري من فرگاك گلبي وجعني
أصرخ واصيح شلون محد سمعني

اصرخ وانا المگطوع صوتي بصرختي
يطرب حمام الدوح لو سمع ونتي

[محمد الفهد]

كون البواچي تفيد ما ابطل النوح
صدگ فلا انساك حد ساعة اللوح

[محمد الفهد]

كون الگلب ينشال وديته لهواي
وبعينه خل يشوف عملاته وياي

[محمد الفهد]

يالبگلب مضموم لا تركس عليه
لا ينفطر ويموت ضل بس تواليه

[محمد الفهد]

بيه بكثر ما بيك لا بيه ويزيد
يالواعدت شبساع تنسه المواعد

[محمد الفهد]

بيه بكثر ما بيك هم حاسب البيك
لو مني بس مثقال يحرگ تواليك

[عواطف عبداللطيف]

بيه بكثر ما بيك لا بيه ويزيد
يالواعدت شبساع تنسه المواعد

يالواعدت شبساع تگلب عليه
گلبي غدة عطاب ليش الأذيه

[محمد الفهد]

حرمت غير هواك لو عشت ميه
وينك كتلني الشوك مبعد عليه

[عواطف عبداللطيف]

وينك كتلني الشوك يا بعد روحي
ابچي وأصيحن آخ وألزم جروحي

[محمد الفهد]

ظل بيه من فركاك بس احسب اهموم
يلمبعد اعله الروح هم رده الك يوم

[محمد الفهد]

حل كتلي من حليت شعرك يلسمر
وبعيونك الحلوات فرني الدهر فر

[عواطف عبداللطيف]

لا تحزن من الخان لو بعد عنك
شتترجة منه يصير مقهور چنك

[عواطف عبداللطيف]

شتترجه منه يصير خليها سكته
خان الملح والزاد وكلشي العملته

[عواطف عبداللطيف]

الخان الملح والزاد شتريد منه
يسوي كلشي يريد ولا هو چنه

[عواطف عبداللطيف]

يسوي كلشي يريد وينكث بالوعود
ما ظل دمع بالعين بس الله موجود

[عواطف عبداللطيف]

ما ظل دمع بالعين والگــلب مالوم
ولا ظل نفس بالروح والهوا مسموم

[الدكتور اسعد النجار]

ما أدري شنهو الصار وابتعد عنّي

من بعده بس هموم وآلام اجنّي

[عواطف عبداللطيف]

لا ظل نفس بالروح بس الأذية
الدنيا عوجه هواي لو هيج هيه

[عواطف عبداللطيف]

الدنيا عوجه هواي دارت عليه
اصفن بوجه الناس وأصفك بيديه

[الدكتور اسعد النجار]

الدنيا عوجه هواي دارت عليه
اصفن بوجه الناس وأصفك بيديه


أصفن بوجه الناس والقلب حاير

والهم أشوفه يلوح والحزن داير

[عواطف عبداللطيف]

الهم اشوفة يلوح وآنه بمكاني
من دون كل الناس فز وإجاني

[الدكتور اسعد النجار]

من دون كل الحلك همي يعيس وياي

يا دنيه كافي حزن والقهر فت اجلاي

[الدكتور اسعد النجار]

آنه كتمت اهواك والدمع باحه

الخلك كلها تنام وآنه بنياحه

[الدكتور اسعد النجار]

لتروح عني بعيد ولفي التفت جاي

جيتك الي يهواي تسعدني اهواي

[الدكتور اسعد النجار]

اهل المثل يكلون خوانك كثار

بس لجن وكت الضيج يصيرون طشار

[الدكتور اسعد النجار]

اتهنه يلمحبةب عالي مكانك

الصدك والاخلاص من كبل شانك

[عواطف عبداللطيف]

الصدك والاخلاص والوفه وياه
خلتني انسى الناس لمن كلت آه

[الدكتور اسعد النجار]

كلبي تكطعه الآه من حزن فركاك

متكلي يلمحبوب اشوكت ألكاك

[الدكتور اسعد النجار]

رمضان اجانه يخير فرحوا يلحباب

للجنه بيه ياصاح تنفتح ابواب

[الدكتور اسعد النجار]

جانه الرزق ياصاح بشهر الهدايه

من البدايه نصوم حتى النهايه

[عواطف عبداللطيف]

ياخوتي يالله وياي نتلكة رمضان
نتلكة شهر الخير وشهر الاحسان

[الدكتور اسعد النجار]

بالفرح والخيرات هل شهر رمضان

كل الذنوب تروح ويشمخ الايمان

[الدكتور اسعد النجار]

كالوا اجه رمضان افرح يغالي

تتصالح ويه الناس وترأف بحالي

[الدكتور اسعد النجار]

اتمنه بيد هواي مدفع الافطار

جان الصيام يصير بس ساعه بنهار

[عواطف عبداللطيف]

بيه الثواب يزيد ويزيد الاحسان
ما يبقى لا محتاج ولا يبقى جوعان

[عواطف عبداللطيف]

من الفطور يصير وحتى الأمساك
نسمة تمر بالروح لتصدك أنساك

[الدكتور اسعد النجار]

دوم اذكرك يهواي بفطور وسحور

واسمك بليل نهار بلساني يدور

[الدكتور اسعد النجار]

اتمنه أشوف العيد ويه حبيبي

واكله انت اليوم خلي ونصيبي

[الدكتور اسعد النجار]

كلبي يحبه هواي ما يحب غيره

تاليها عافه وراح خلاه ابحيره

[عواطف عبداللطيف]

تاليها عاف وراح وما نشد عني
يگولولي هذا الصار مو منه مني

[الدكتور اسعد النجار]

كل الجره والصار يا ولفي منك
انت السبب يا زين شلون اجي يمك

[عواطف عبداللطيف]

من ألتگي وياك وتسمع ونيني
لا تسأل العذال باوع بعيني

[محمد الفهد]

مامش هلا يفلان من اگبل عليك
جنك نسيت الراح غم طبعك البيك

[عطاء محمد]

مامش وفه يهواي اوف وحرامات
ضاع العمر وياك خاين وبذات

[محمد الفهد]

مامش وفه يهواي يل أسمك هواي
ماي انا وتبديت تگدر تلم ماي

[محمد الفهد]

شكبره البحر بالعين يا ضيمي اكبر
يلرحت وبهل الحال شضني اعذر

[عواطف عبداللطيف]

ضاع العمر وياك حسرة وندامة
مسمعت من الناس غير الملامة

[محمد الفهد]

وين الملح والماي والشهَگه والشوگ
تضحك ولا هميت بيه انا محروك

[عواطف عبداللطيف]

تضحك ولا هميت ظنيت ماشوف
الگلب من الظيم من جوة مزروف

[محمد الفهد]

الگلب من الظيم من جوة مزروف
عل واعداني وگال للجفن ما عوف

[عواطف عبداللطيف]

عل واعداني وگال ما ليه غيرك
ما راح ارد عليك انتَ وضميرك

[الدكتور اسعد النجار]

ما راح أرد عليك حاير تراني

صارن علي هواي انت وزماني

[عواطف عبداللطيف]

صارن علي هواي أنت وزماني
متكلي يالمهيوب شمسوية آني

[الدكتور اسعد النجار]

متكلي يلمحبوب شمسوي آني

ابجي وأنوح الليل ومحد لفاني

[عواطف عبداللطيف]

أبجي ونوح الليل والوجع هدني
والزمن مثل السيف واكف يردني

[الدكتور اسعد النجار]

أبجي ونوح الليل والوجع هدني
والزمن مثل السيف واكف يردني

الحزن مثل السيف داري ينفعك
لو بالعكس يفلا ن والله يكطعك

[عواطف عبداللطيف]

الحزن مثل السيف قطعلي قلبي
من غيبتك لليوم تيهت دربي

[الدكتور اسعد النجار]

من غيبتك لليوم ما نمت آني
سهران طول الليل نومي جفاني

[عطاء محمد]

من غيبتك لليوم روحي عليله
والكلب من فركاك مهدود حيله

[الدكتور اسعد النجار]

من غيبتك لليوم روحي عليله
والكلب من فركاك مهدود حيله


الكلب من فركاك ما شاف راحه
اكضي الليالي هواي بدمع النواحه

[محمد الفهد]

مر بيه بس بساع ريل العمر مر
وانا الصرت لاحوك مجلب وجر جر

[الدكتور اسعد النجار]

مر بيه بس بساع وصد وحهه عني

كتله يبعد الروح شتريد مني

[محمد الفهد]

مر بيه مر بساع لا سأل عني
شافاني اونن حيل حسباله اغني

[الدكتور اسعد النجار]

مر بيه مر بساع لا سأل عني
شافاني اونن حيل حسباله اغني
مر بيه بس بساع وهل نسه العشره

والكلب من بعداه ابيش ابشره

[محمد الفهد]

مر بيه بس بساع وهل نسه العشره

والكلب من بعداه ابيش ابشره



مر بيه مر بساع راح بطرف عين
وانا انتظرته سنين ويگلي بعدين

[الدكتور اسعد النجار]

مر بيه مر بساع راح بطرف عين
وانا انتظرته سنين ويگلي بعدين
آنه انتظرته سنين بس ما اجاني

ما شفت غير فراك والهم لفاني

[عواطف عبداللطيف]

ما شفت غير فراك لمن عرفته
تعبني حجي الناس تاليها عفته

[الدكتور اسعد النجار]

ما شفت غير فراك لمن عرفته
تعبني حجي الناس تاليها عفته
تعبني حجي الناس يا حلو ابفركاك

ومن تكبل من بعيد شكد حلو ملكاك

[محمد الفهد]

ما شفت غير فراك لمن عرفته
تعبني حجي الناس تاليها عفته

تعبني حجي الناس واتحمله شلون
خايف اشك لهدوم وتكلي مجنون

[محمد الفهد]

تعبني حجي الناس يا حلو ابفركاك

ومن تكبل من بعيد شكد حلو ملكاك



من تكبل من بعيد روحي اتلكاك
ريت الوصال يدوم ويولي فركاك

[الدكتور اسعد النجار]

من تكبل من بعيد روحي اتلكاك
ريت الوصال يدوم ويولي فركاك


ريت الوصال يدوم وينتهي وني

تشوف السعد يهواي يسألك عني

[عواطف عبداللطيف]

ليت الوصال يدوم وأفرح بملكاك
نتسامر آنه وياك وتگلي مشتاك

[الدكتور اسعد النجار]

نتسامر آنه وياك والكلب فرحان

الشوفتك والله هواي تلكاني عطشان

[عواطف عبداللطيف]

لشوفتك يهواي كل يوم ناطر
جرب تدك علي تلكاني حاضر

[الدكتور اسعد النجار]

لشوفتك يهواي كل يوم ناطر
جرب تدك علي تلكاني حاضر


جرب يبعد الروح منتظرك آنه

لتكلي لا ما جيك تفرح عدانه

[عواطف عبداللطيف]

لتكلي ﻻ ما اجيك وتشمت عداي
صعبة يبعد الروح والوجع هواي

[عواطف عبداللطيف]

جرب يبعد الروح منتظرك آنه

لتكلي لا ما جيك تفرح عدانه

دكتور أرض النبع تنشدنه عنك
طال الغياب هواي ناسينه جنك

[عواطف عبداللطيف]

طال الغياب هواي وينج يابسمة
ركنج ترة برمضان ناطر الكلمة

[عواطف عبداللطيف]

رمضان شهر الخير أيامه حلوة
تعيد الأمل للروح وللكلب سلوة