دارميات عراقية 4

[عبد الرسول معله]

دارميّات عراقية



مالَكْ تخلـّي طروشْ = بيني لبينك
آني افتهَمْ شِتْكولْ = من تصِدّْ عينك

[الدكتور اسعد النجار]

كل الوجوه اليوم بيها الفرح لاح

من كالوا المحبوب بيه العطر فاح

[عواطف عبداللطيف]

ما كالو المحبوب مر بدربنه
والعطر هب وفاح مدريته منه

[الدكتور اسعد النجار]

العطر هب وفاح كلت اجه المحبوب

مزيون ياهلناس وبشكله مهيوب

[عامر الحسيني]

عفتونه وسط الشوكـ نار بوسط نار
جمره ولهيب يفور .. خلونه خطار

http://up.graaam.com/img/22b6bf99a6fd17fc58878c178a4488a2.gif

[الدكتور اسعد النجار]

دكوا الطبول اليوم المنتخب فاز

جاب الفرح ياصاح والنصر بي حاز

[بلال الجميلي]

جاب الفرح يا صاح هذا العراقي
وبنص نهائي الكاس موطنا باقي

:1 (14): ملــــــــــ ع ــــــــوبة :1 (14):

[الدكتور اسعد النجار]

كتله شنو اللي صار وتغير اليوم

بالحلم شفتك كال ردتك الي دوم

[عواطف عبداللطيف]

بالحلم شفته كال حسبالي يمي
مثل الدوة للروح روحلي همي

[الدكتور اسعد النجار]

مثل الدوه للروح من تكبل هواي

كل الهموم تروح والسكم والداي

[الدكتور اسعد النجار]

من تهجر اليهواك متخاف الله

باجر يصير حساب شتكله بله

[الدكتور اسعد النجار]

بالورد والافراح مصباحك يكون

والله علي فركاك ياغالي متهون

[حيال محمد الأسدي]

شلون الج مصباح كل السعد بيه
حتى الرزق لو طار يتلجلج عليه

[الدكتور اسعد النجار]

ماعندي كل هموم بس انت همي

من هاجرت لليوم الحزن يمي

[علي عبدالحسن]

هم شفت عمرك يوم بالكلب شيبه
شاب الكلب والروح لاتظن عجيبه

[عواطف عبداللطيف]

ماعندي كل هموم بس انت همي

من هاجرت لليوم الحزن يمي


من هاجرت لليوم ما غبت عني
گلبي يون عليك بس لا تردني

[عواطف عبداللطيف]

هم شفت عمرك يوم بالكلب شيبه
شاب الكلب والروح لاتظن عجيبه

شاب الگلب والروح من رحت عني
أسأل عليك الناس والوجع هدني

[عواطف عبداللطيف]

شلون الج مصباح كل السعد بيه
حتى الرزق لو طار يتلجلج عليه
حتى الرزق لو طار گول الله وياي
ما إلنه غيره اليوم بس ننطر الجاي

[الدكتور اسعد النجار]

صبحكم الله بخير ياأغله الاحباب

بالورد والأفراح ندكلكم الباب

[الدكتور اسعد النجار]

ماشفت من فركاك فد يوم راحه

اكضي النهار وليل بس بالمناحه

[عواطف عبداللطيف]

اكضي النهار وليل انطر تجيبني
صعبة ترة بلياك يابعد عيني

[هديل الدليمي]

يمعود احجي وياي وين انت غايب
ما ضل صبر يا زين والكَلب ذايب

[عواطف عبداللطيف]

ما ضل صبر يازين گلبي وجعني
شنهو اكول للناس رحت وبعتني

[حيال محمد الأسدي]

ماظل صبر يازين دمرني الفراك
الدمع ترس العين وكليبي مشتاك

[الدكتور اسعد النجار]

يمعود احجي وياي تعبت كلبي

كافي هجر ياصاح بس انته حبي

[الدكتور اسعد النجار]

ماضل صبر يازين خو انت تدري

كافي هجر يهواي اختنك صدري

[الدكتور اسعد النجار]

شحجي انه للناس وانت عفتني

بهجرك يحلو الطول والله مردتني

[هديل الدليمي]

هاكَد حزن واشواك شايلها كَلبك
لو بيدي اطشني ورود وازرع بدربك

[حيال محمد الأسدي]

بلل وردنه النده واهتزت اوراقه
شيصير هو الكلب ما ترحم اشواقه

[الدكتور اسعد النجار]

هاكد حزن واشواك بكلبي زرعتها

لجلك عشكت النوح وروحي اهملتها

[الدكتور اسعد النجار]

لوبيدي اطشني ورود واكعد ابابك

بس كون انت تنام وتسهر احبابك

[عواطف عبداللطيف]

لو بيدي اطشني ورود وأنتظر ملكاك
هدني الدرب الطويل يمته ألتكي وياك

[عواطف عبداللطيف]

الدمع ترس العين والنفس غايب
گلبي تعلك بيك فوك المصايب

[الدكتور اسعد النجار]

كلبي تعلك بيك وانت ولا جن

من الهجر يهواي راح انه انجن

[حيال محمد الأسدي]

الدمع ترس العين والحسرة قاطين
روحي اشتهت ملكاج يا منية العين

[عواطف عبداللطيف]

كلبي تعلك بيك وانت ولا جن

من الهجر يهواي راح انه انجن


من الهجر يهواي گلبي وجعني
حتى دموع العين ما فاركني

[عواطف عبداللطيف]

الدمع ترس العين والحسرة قاطين
روحي اشتهت ملكاج يا منية العين

روحي اشتهت ملكاك والگلب موجوع
مدري أون عليك مادري أمسح دموع

[الدكتور اسعد النجار]

حتى دموع العين جفن يغالي

ردتك تمر يهواي وتشوف حالي

[حيال محمد الأسدي]

روحي اشتهت ملكاك والگلب موجوع
مدري أون عليك مادري أمسح دموع


روحي اشتهت ملكاج وانتِ بعيده
ياربي ليش بعيد دوم النريده؟

[حيال محمد الأسدي]

روحي اشتهت ملكاج والدنيه الغروب
والدمع عل الوجنات حافرله دروب!!

[حيال محمد الأسدي]

روحي اشتهت ملكاج وبكلبي حسره
نشفت دموع العين قطره على قطره

[الدكتور اسعد النجار]

نشفت ادموع العين والصدر مخنوك

وانحنت مني اضلوع والكلب محروك

[هديل الدليمي]

كل عام وانت الخير يا نكهة الهيل
غيابــك حزن فــواح ومعطّــر بـــ ويــل

[الدكتور اسعد النجار]

كل عام وانت بخير ياحلو يسمر

تمرمر كلوب الناس لمن تمر مر

[الدكتور اسعد النجار]

غيابك حزن فواح بالقهر والضيم

تلكه السمه بعداك متروسه بالغيم

[هديل الدليمي]

تمرمر كَلوب الناس بغيابك الجاد
حركَتني نار الشوك مو بسّك عناد

[الدكتور اسعد النجار]

تمرمر كلوب الناس وانت ولاجن

روحي خذتها النار ومني العكل جن

[الدكتور اسعد النجار]

حركتني نار الشوك تلحك عليه

وشوف القهر يهواي اشسوه بيه

[حيال محمد الأسدي]

تمرمر كلوب الناس ليش بغيابك
فدوه التفت ليجاي من دهر صابك!!

[عواطف عبداللطيف]

حركتني نار الشوك تلحك عليه

وشوف القهر يهواي اشسوه بيه


شوف القهر يهواي خلاني مانام
لتكلي آنه وياج وكل هذا أوهام

[عواطف عبداللطيف]

تمرمر كلوب الناس ليش بغيابك
فدوه التفت ليجاي من دهر صابك!!

فدوة التفت ليجاي مو عذبتني
شيطفي نار الشوك رحت وعفتني

[حيال محمد الأسدي]

فدوه التفت ليجاي يا بعد عمري
بحبك انا مجنون وانتَ ما تدري!!

[الدكتور اسعد النجار]

بحبك انه مجنون والكلب معلول

ودمعي نشف يهواي والقلم مشلول

[عواطف عبداللطيف]

دمعي نشف يهواي وما اكدر ابچي
ولا أكدر انسه هواك ولا اكدر احچي

[حيال محمد الأسدي]

بحبج انا مجنون والكلب مجروح
والحزن وسط الروح ما يقبل يروح

[حيال محمد الأسدي]

فدوه التفت ليجاي مو انه احبك
والكلب كبل العين ماشي على دربك

[هديل الدليمي]

يمته الوطـن يـرتاح كبـرت محنـتـه
كل طائفة تجر صوب خليها سكته

[الدكتور اسعد النجار]

يمته الوطن يرتاح كافي بجي ونوح

كلمن يجر بالطول والعرض مجروح

[عواطف عبداللطيف]

يمته الوطن يرتاح وننسى الحزن عاد
ونرجع سوية نعيش والفرح يزداد

[الدكتور اسعد النجار]

نرجع سويه نعيش بحضان اهلنه

نفرح فرح يعكوب يورد أملنه

[الدكتور اسعد النجار]

ردت انه اصبح عليك اغله الحبايب

اشتاك الك يهواي من انت غايب

[عواطف عبداللطيف]

اشتاك الك يهواي والوجع هدني
جنت انتظر ملكاك رحت وعفتني

[هديل الدليمي]

شوف العراق شلون مسبيّه ناسه
بسيف النفاق اليوم حزوله راسه

[الدكتور اسعد النجار]

يكلي الله وياك والدمع بالعين

كتله انه فركاك راوتني البين

[الدكتور اسعد النجار]

غيبتك يلمحبوب هلمره طالت

دمعتي طول الليل على الوجن سالت

[هديل الدليمي]

كل يوم اكَولن راد لكن ولاجيت
غيابك سبالي الروح يا شمعة البيت

[الدكتور اسعد النجار]

كل يوم اكولن راد واوكف عله الباب

انتظر ليل نهار والدمع سجاب

[الدكتور اسعد النجار]

غيابك سبالي الروح والكلب معلول

والعقل مني تاه والفكر مشلول

[عواطف عبداللطيف]

العقل مني تاه والگلب ملچوم
يوم بأثر كل يوم تزداد الهموم

[هديل الدليمي]

يــ التنشد الدلاّل خليتـه يــمّك
كاتلني طول الليل يسألني عنّك

[الدكتور اسعد النجار]

يلتنشد الدلال تدري انت بي وين

ارجع يحلو الطول شفنه تره البين

[الدكتور اسعد النجار]

كاتلني طول الليل دلالي يهواي

يبجي ويون عليك زيدلي بلواي

[هديل الدليمي]

ليش ابــعدت يهــواي عذبني فكَـدك
واشواكَي مثل السيف ذبحتني بعدك

[عامر الحسيني]

http://www.nabee-awatf.com/vb/attachment.php?attachmentid=653&stc=1&d=1426066403
***
ريتك ترد وتعود ...يرجع وردنه
ذابل بعد فركَاك ...يالغالي عدنه
http://up.graaam.com/img/22b6bf99a6fd17fc58878c178a4488a2.gif

[الدكتور اسعد النجار]

كتلك يحلو الطول لتسافر بعيد

هذا الزمن غدار لهمومنه يزيد

[الدكتور اسعد النجار]

صبحك ربي بخير ياأغله الاحباب

مو غقلي جن عليك بس كافي الغياب

[عواطف عبداللطيف]

مو عقلي جن عليك ودمعي على خدي
صرت اخجل من الناس من كتلي ردي

[الدكتور اسعد النجار]

صرت اخجل من الناس من رحت عني

وانت رميت الصوج يهواي مني

[هديل الدليمي]

من بين كل الناس سلّم عليّه
صافحته بالنظرات مو بس بديّه

[الدكتور اسعد النجار]

من بين كل الناس اختاره كلبي

ياروح فرحي عاد محبوبي كربي

[الدكتور اسعد النجار]

صافحته بالنظرات والكلب فرحان

يتناغه ويه الطير والليل سهران

[هديل الدليمي]

جافاني ولفي وراح ما مر عليّه
ما يدري بالحسرات مفتونه بيّه

[الدكتور اسعد النجار]

جافاني ولفي وراح وجسمي تراده

هجرك يبعد الروح موخوش عاده

[الدكتور اسعد النجار]

مايدري بالحسرات بفراكه تسعر

يلتنشد اعله الحال جبدي تفطر

[هديل الدليمي]

ولـفــي الوفيـت وياه بــغيابـه ماهــر
عمّي العشك إحساس مو بس مظاهر

[الدكتور اسعد النجار]

ولفي الوفيت وياه ميرد عليه

كلما اكول انساه ميطح بديه

[الدكتور اسعد النجار]

عمي العشك احساس بالكلب مزروع

ويبقه شعاري وياه كل عتب مرفوع

[عواطف عبداللطيف]

ولفي الوفيت وياه ميرد عليه

كلما اكول انساه ميطح بديه


كلما اكول انساه گلبي يتمرمر
هو النفس للروح من غيره مكدر

[عواطف عبداللطيف]

هو النفس للروح وهو الوعدني
مشتاكة آنه هواي والوجع هدني

[هديل الدليمي]

ماريد اهيج اجروح خليها سكته
حبّك يبعد الروح مو هذا وكته

[الدكتور اسعد النجار]

مشتاكه انه هواي ارجع الي بساع

مابيه حيل فراك واحزن للوداع

[الدكتور اسعد النجار]

ماريد اهيج جروح البيه يكفي

ماحب انه الحزنان والوجهه مجفي

[الدكتور اسعد النجار]

حبك يبعد الروح اشعمل بيه

اشوكت يامحبوب اتحن عليه

[عواطف عبداللطيف]

اشوكت يامحبوب تلتكي الگلوب
نتسامر أنة وياك ونمسح الذنوب

[الدكتور اسعد النجار]

نتسامرانه وياك والكلب مرتاح

والحزن خله يروح ونتلكه الافراح

[الدكتور اسعد النجار]

جنت الصبح وياك والحجي عنبر

كلي يحول الطول شنهو التغير

[هديل الدليمي]

مدري شتريد الروح من عنّك تروح
جنها العجوز تصير من تنعى وتنوح

[الدكتور اسعد النجار]

مدري شتريد الروح تسالني عنك

صبح ومسه وبالليل تتمنه يمك

[الدكتور اسعد النجار]

جنها العجوز تصير روحي يغالي

من عنها انت تروح تعذب احوالي

[عواطف عبداللطيف]

من عنها انت تروح تتعذب هواي
تباوع شكوك الباب وتنتظر الجاي

[الدكتور اسعد النجار]

من عنها انت تروح روحي يمدلول

تبكه تون عليك والكلب معلول

[الدكتور اسعد النجار]

تباوع شكوك الباب وتبكه تتاني

بلكي يجي المزيون حلو المعاني

[هديل الدليمي]

يتـغازل البــطران ما يـدري بـيّــه
كَلبي الهجرني وراح ما منّه جيّه

[الدكتور اسعد النجار]

كلبي هجرني وراح خلاني بالنوح

جسمي نحل ياصاح ومعذبه الروح

[عواطف عبداللطيف]

جسمي نحل ياصاح يمته تجيني
گلبي واخذته وياك يابعد عيني

[عواطف عبداللطيف]

گلبي واخذته وياك مشتعلة ناره
وروحي تحن وتون تنتظر جاره

[عواطف عبداللطيف]

روحي تحن وتون هدتلي حيلي
من عنها انت تروح يطول ليلي

[عواطف عبداللطيف]

من عنها انت تروح تتعذب هواي
تنطر على البيبان وتراقب الجاي

[عواطف عبداللطيف]

تنطر على البيبان تسعد بملكاك
لا والله والعباس صعبة بلياك

[الدكتور اسعد النجار]

لا والله والعباس ياضي العيون

عقلي أخذته وياك صرت انه مجنون

[الدكتور اسعد النجار]

تنطر عله البيبان روحي يغالي

كافي هجر يفلان ارحم بحالي

[الدكتور اسعد النجار]

من عنها انت تروح ماتدري بالحال

كلبي يون والعين بس دمع همال

[الدكتور اسعد النجار]

كلبي وخذته وياك متكلي شتريد

ماعندي بس الروح وهلصايره ثريد

[عواطف عبداللطيف]

گلبي يون والعين ما كامت تشوف
تعبانة آني هواي والسبب معروف

[هديل الدليمي]

العشك مو كلمات عالسطر اخطها
بالروح الك صولات يصعب وصفها

[الدكتور اسعد النجار]

گلبي يون والعين ما كامت تشوف
تعبانة آني هواي والسبب معروف

تعبان آنه يهواي والسبب انته

حزن ودمع وفراك عمري ماشفته

[الدكتور اسعد النجار]

بالروح الج صولات شعر اكتبتها

حلوه يبعد جلاي توني عرفتها

[هديل الدليمي]

العشك مو حرفين جمله وعباره
حبّك بوسط الروح مبنيّه داره

[هديل الدليمي]

فكَدك سبه الدّلال ما يرضى يهده
عركه طفل نعسان ويه المخده

[الدكتور اسعد النجار]

العشك مو حرفين جمله وعباره
حبّك بوسط الروح مبنيّه داره

حبج يبعد الروح بدلالي نابت

ورسمج بوسط الروح يزهر وثابت

[الدكتور اسعد النجار]

فكَدك سبه الدّلال ما يرضى يهده
عركه طفل نعسان ويه المخده


تدري انت بالدلال مانام لحظه

تتراوه اله بكل حين ساعة اليقظه

[عواطف عبداللطيف]

تتراوه اله بكل عين الله وكيلك
من دون كل الناس رايد يجيلك

[الدكتور اسعد النجار]

من دون كل الناس كلبي يحبك

يتمنه دوم وياك وعايش بكربك

[الدكتور اسعد النجار]

ماكلت انه اهواك ماكلت أحبك

انه اموت عليك يشهدلي ربك

[هديل الدليمي]

ما أرضى بالنسيان هيهات اعوفك
للموت أعيش وياك وافهم ظروفك

[الدكتور اسعد النجار]

حبك يبعد الروح غير احوالي

الكلب شو مرتاح وانشغل بالي

[الدكتور اسعد النجار]

وينك يحلو الطول غيبتك طالت

مو رجعوا الغياب والشمس مالت

[الدكتور اسعد النجار]

كالت بعد ماريد توصل البيتي

وجانت كبل ياصاح تفرح بجيتي

[ناظم الصرخي]

أخذت حچـي العــذال والما يريحـون
من چلمه شبْوا نار لو نلتقي اشلون

[الدكتور اسعد النجار]

أخذت حچـي العــذال والما يريحـون
من چلمه شبْوا نار لو نلتقي اشلون


عذالي طمعوا حيل شلعوا افوادي

خلوا حبيب الروح يكطع اورادي

[عواطف عبداللطيف]

خلوا حبيب الروح يبتعد عني
والدمعة فوك الخد ما فاركتني

[هديل الدليمي]

شاب وشبع ونات كَلبي الهجرته
والعمـر باللوعات بايدك عجنـتــه

[الدكتور اسعد النجار]

العمر باللوعات يكضي بغيابك

ماعاد كلبي النوب يحمل عذابك

[هديل الدليمي]

قشمرني كَال اهواج.. صادق حسبته
خاطـب طلــع جــذاب.. والليــلة حنتــه

[الدكتور اسعد النجار]

اللي يقشمر المحبوب كبر اليلفه

اندك طبل ياصاح ونركص بصفه

[هديل الدليمي]

مشتاكَه من يومين حلمانه جن جاي
شوك المطر للكَاع من ينث بهداي

[الدكتور اسعد النجار]

الشوك يلوي الروح ويهشم العظام

والكلب يبكه بشوك مابين ظلام

[عواطف عبداللطيف]

الگلب هده الشوگ وما اكدر احچي
ولا أكدر انسه هواك ولا اكدر ابچي

[الدكتور اسعد النجار]

الشوك يامزيون دمر دليلي

خلاني بالآلام هلركد حيلي

[الدكتور اسعد النجار]

ياهلا بشهر الخير شهر الكرامه

انت الضوه للناس وبكل علامه

[الدكتور اسعد النجار]

كل ساعه اصيح بصوت يمته يردون

اصفن وكول أحا بلكي يسمعون

[حيال محمد الأسدي]

كل ساعه اصيح بصوت عذبني الفراك
والكلب تنور ساجر بالاشواك

[الدكتور اسعد النجار]

ردتك يحلو الطول عون انت ليه

مو تجمع الشمات تضحك عليه

[عواطف عبداللطيف]

مو تجمع الشمات وتگلي مليت
گلبي وجعني هواي بالأمل ظليت

[الدكتور اسعد النجار]

كلبي وجعني هواي من رحت عني

حتى اهلي والاحباب ملوه الوني

[الدكتور اسعد النجار]

الحر يبعد الروح هدنه ولوانه

والكهرباء النوب راح ومجانه

[الدكتور اسعد النجار]

ياهلا بشهر الخير شهر الموده

مايبقه مؤمن بي واكع بشده

[عواطف عبداللطيف]

يالله ياهل الطيبين نتلكة رمضان
كل احنه فرحانين وكل احنه اخوان

[عواطف عبداللطيف]

هالليلة شهر الخير هالليلة رمضان
تتصافى كل الگلوب ما يبقى زعلان

[عواطف عبداللطيف]

كل الهلة بالجاي ياهلا برمضان
ما يبقى مومن بي هالشهر جوعان

[الدكتور اسعد النجار]

كل احنه فرحانين بشهرك يربي

يروح الحزن والآه ويضوي دربي

[هديل الدليمي]

يا هلا بشهر الخير والرحمه والجود
فرحتنه بيك اليوم ما تعرف حدود

[الدكتور اسعد النجار]

هلالك يشهر الخير بين علينه

والتقوى والايمان ابين ايدينه

[الدكتور اسعد النجار]

رمضان كلك خير وبيك انه مسرور

وابليس يبقه دوم خايف ومدحور

[حيال محمد الأسدي]

رمضان شهر الخير يجمع هالأحباب
والكلب لهفة شوك مرسومة ع الباب

[الدكتور اسعد النجار]

مر زمن ياأحباب محد يساجل

وانت يبعد الروح صوت العنادل

[هديل الدليمي]

الدنيا ظلمه تصير لو عنّي تبعد
واشواكَي مثل السوط بالكَلب تجلد

[عواطف عبداللطيف]

اشواكي مثل النار وگلببي محزون
تشب غفل بالروح مدريتك تخون

[عواطف عبداللطيف]

مر زمن ياأحباب محد يساجل

وانت يبعد الروح صوت العنادل


محد يساجل ليش والزمن هم طال
يالله ياربعي اليوم دنغيرَّ الحال

[الدكتور اسعد النجار]

بالدارمي يحباب خلينه نكتب

نتساجل بأشواق كلنه ومنعتب

[الدكتور اسعد النجار]

اشواكي الك يهواي محد يحدها

والكلب بي لوعات منهو اليعدها

[هديل الدليمي]

الكَلب بي لوعات منها العمر شاب
غابت شمس معناك والحزن ما غاب

[الدكتور اسعد النجار]

غابت شمس معناك والكلب ديون

ارجوك يامحبوب يله علي حن

[عواطف عبداللطيف]

ارجوك يامحبوب لا تزعل وياي
حبك ترة للروح جن شربة الماي

[الدكتور اسعد النجار]

خبك تره للروح ياترف بلسم

مثل الورد للناس من عطره تشتم

[الدكتور اسعد النجار]

كلي يحلو الطول وين انت تفتر

والكلب ناح عليك ليش انت متمر

[عواطف عبداللطيف]

والگلب ناح عليك وبعيوني دمعه
حبك سكن بالروح اشلون اشلعه

[الدكتور اسعد النجار]

حبك سكن بالروح ياهو اليوخره

وكلبي اذا ماجيت منهو اليدثره

[عواطف عبداللطيف]

گلبي اذا ما جيت ينهزم مني
لا تكطع اترجاك وتبتعد عني

[الدكتور اسعد النجار]

لاتكطع اترجاك مر علي يهواي

بعدك مردلي الروح والكلب وحشاي

[الدكتور اسعد النجار]

شنهو السبب ياصاح شو ماكو أحد

حرف الحبايب غاب مو جان أغيد

[عواطف عبداللطيف]

حرف الحبايب غاب والنبع ينشد
كلمن يحب البيت عنه ما يبعد

[الدكتور اسعد النجار]

كلمن يحب البيت ميعوفه ويروح

حته يظل معمور وترتاح اله الروح

[عواطف عبداللطيف]

حتى يظل معمور بس لا تغيبون
انتو عماد البيت وانتو اللي تبنون

[الدكتور اسعد النجار]

انتو عماد البيت وانتو ضوانه

والهجر وله وراح بس مالوانه

[عواطف عبداللطيف]

العيد اجانة اليوم والشوك اجاني
ما عيَّد آنة الناس هدني زماني

[عواطف عبداللطيف]

ما عيَّد آنة الناس والگلب خلصان
صعبة الزمن غدار والعيد حيران

[عواطف عبداللطيف]

صعبة الزمن غدار باعدني عنكم
وما ارد اجذب عليك الفكر يمكم

[عواطف عبداللطيف]

ما ارد اجذب عليك والدرب مسدود
عيد الزمان الراح صعبة ترة يعود

[الدكتور اسعد النجار]

العيد اجانه اليوم والفرح غايب

عذب كلوب الناس فراك الحبايب

[الدكتور اسعد النجار]

عيد الزمان الراح ميعود اليه

اضحك جذب يانلس والحسرة بيه

[الدكتور اسعد النجار]

هجرك يبعد الروح عذبلي حالي

امشي ودير العين مدري اشجرالي

[الدكتور اسعد النجار]

بالسكته مر يهواي ارد انه اشوفك

والحمزة والعباس ابدا معوفك

[عواطف عبداللطيف]

امشي ودير العين بلكن اشوفك
لو عفت كل الناس مكدر اعوفك

[الدكتور اسعد النجار]

تدري يبعد الروح شكد انه احبك

اتمنه اعيشن دوم وبوسط كلبك

[الدكتور اسعد النجار]

حتى الكمر حزنان من عبت يهواي

انته الدوه ياصاح لو صابني الداي

[الدكتور اسعد النجار]

متكلي انه شسويت ونت عفتني

بهجرك يبعد الروح مو موتتني

[الدكتور اسعد النجار]

كالوا خسوف اليوم ديصير عدنه

كلت انه كلبي انخسف من فاركتنه

[عواطف عبداللطيف]

متكلي انه شسويت ونت عفتني

بهجرك يبعد الروح مو موتتني

بهجرك يبعد الروح الوجع ماطاب
والگلب من فركاك حسبالي عطاب

[الدكتور اسعد النجار]

بهجرك يبعد الروح الوجع ماطاب
والگلب من فركاك حسبالي عطاب

الكلب من فركاك بي شبت النار

ماتنطفي ولتهيد حته بالامطار

[هديل الدليمي]

ما ترضى عيني تشوف غيرك يمزيون
بعدك سلاني النوم و كَليبي محزون

[الدكتور اسعد النجار]

بعدك سلاني النوم والمرض هدني

حبك يبعد جلاي بالسكم ذبني

[هديل الدليمي]

يالزاير اخذ الرّوح مشّايه والعين
طوّفها بالعبّاس وبدربك حسين

[الدكتور اسعد النجار]

وصل سلام الروح يازينة الناس

لمن تزور حسين وبصفه عباس

[عواطف عبداللطيف]

وصل سلام الروح واشعلي شمعة
مشتاكة آني هواي وبعيني دمعة

[الدكتور اسعد النجار]

الدمع غطه العين والحزن ميهيد

متكلي هاي الناس من عندي شتريد

[هديل الدليمي]

رفرفت روحي اليوم راحت للحسين
تمشي بــعزه طويريج ويــّـه المــلايـيــن

[الدكتور اسعد النجار]

ولفي يبعد الروح ماعندك انصاف

وبكل قساوه تروح من الله متخاف

[هديل الدليمي]

الكلمة رشّة طيب عطرك ترسها
باشعارك الحلوات تشرق شمسها

[علي عبدالحسن]

يا رمــــــــح راس حسين متعجب اعليك
من يا خشب مصنوع ما تستحي شبيك

[الدكتور اسعد النجار]

الناس كلها اليوم تسعدها الأمطار

بس العراق أحا أمطاره أخطار

[الدكتور اسعد النجار]

شفت المطر ياناس كمت انه أغني

تالي اغركت ياصاح وازداد وني

[هديل الدليمي]

يا دنيه مطري هواي بلّي اليمرّون
غسلي الوطن من جور كل حاكم يخون

[الدكتور اسعد النجار]

الخاين يحلو الطول كلي شينظفه

يبقه نجس ياصاح ولازم تحذفه

[الدكتور اسعد النجار]

كتله صباح الخير مارد عليه

جنه الحلو زعلان شنهو البديه

[حيال محمد الأسدي]

كتلها صباح الخير ردتلي العيون
مدوهن يبعد الروح بيج انا مجنون

[عواطف عبداللطيف]

مدوهن يبعد الروح والگلب تعبان
الزمن دكني هواي هم آنه انسان

[حيال محمد الأسدي]

مدوهن يا بعد الروح والوطن غركان
باكونا الماكو شرف والوضع خربان!!

[الدكتور اسعد النجار]

وين الوطن ياصاح باكته الاشرار

ماكو شرف لادين حسبالي كفار

[هديل الدليمي]

جم مرّه كَلنه اصلاح كَاضيها بوكَات
أكَطع إصبعي النوب.. بالإنـتخابات

[الدكتور اسعد النجار]

زمرة دجل سراق منهو انتحبهم

تزويرهم ياصاح هو الخدمهم

[عواطف عبداللطيف]

زمرة دجل سراق طاحوا على الراس
والشعب نام بضيم ماعدهم احساس

[الدكتور اسعد النجار]

الشعب نام بضيج يتنه الفرج وين

والصبر صبر أيوب لاوالله صبرين

[الدكتور اسعد النجار]

جم جمعه اجت وتروح وتاركني وحدي

ماكو فرح بالروح فاركني سعدي

[الدكتور اسعد النجار]

يامطر كلي وين شردت الأحباب

غركوا بتالي الليل وماسدوا الباب

[عواطف عبداللطيف]

جم جمعه اجت وتروح وتاركني وحدي

ماكو فرح بالروح فاركني سعدي



ماكو فرح بالروح صعبة آني أنساك
بلكن تمرلي اليوم و تاخذني وياك

[عواطف عبداللطيف]

بلكن تمرلي اليوم يابعد گلبي
سويلي جارة وكول شنهوة ذنبي

[الدكتور اسعد النجار]

سويلي جاره هواي وارحم بحالي

ماظل صبر بالروح شوشت بالي

[الدكتور اسعد النجار]

عنك غبت يومين يانبع الأحباب

غصبن عليه جان عنك هلغياب

[الدكتور اسعد النجار]

تدري انت يلمحبوب بالكلب ساكن

ويوم المشوفك بي محزن وداكن

[الدكتور اسعد النجار]

من ابتعد لليوم مس جسمي الداي

صبح ومسه وبالليل انحب عله هواي

[عواطف عبداللطيف]

صبح ومسية وليل ناطر تجيني
الفرگة صعبة هواي يابعد عيني

[الدكتور اسعد النجار]

الفركه صعبه هواي للمحب ياصاح

كلها قهر ودموع ويزداد الصياح

[عواطف عبداللطيف]

كلها قهر ودموع والگلب حزنان
صعبة يبعد الروح هم آنه انسان

[الدكتور اسعد النجار]

بعدك يبعد الروح يصعب عليه

ابجي على فركاك صبح ومسيه

[عواطف عبداللطيف]

بعدك يبعد الروح خلاني محتار
وكلما يزيد الشوگ تحزن الأشعار

[عواطف عبداللطيف]

كلما يزيد الشوگ ابقه آنه سهران
گلبي غدة عطاب وضلوعي نيران

[الدكتور اسعد النجار]

كلما يزيد الشوك تتنهد اعضاي

كافي بعد يهواي موردتك وياي

[الدكتور اسعد النجار]

كلبي غده عطاب من نار الأشواك

يبجي عليك هواي عذبني الفراك

[الدكتور اسعد النجار]

صبح ومسه يهواي وانت اعله بالي

نياله اليكضي الليل والكلب خالي

[عواطف عبداللطيف]

كافي بعد يهواي اشلون اراضيك
بالعين انيمك دوم وبالروح اداريك

[الدكتور اسعد النجار]

بالعين انيمك دوم وبالكلب موجود

متكلي يامحبوب يمته الي تعود

[عواطف عبداللطيف]

متكلي يالمحبوب يمته تجيني
هدني البعد والشوگ يابعد عيني

[حيال محمد الأسدي]

انهجم بيته وياي وكتي على هالضيج
انهض سبع نوبات عن بلعة الريج!!

[الدكتور اسعد النجار]

هدني البعد يهواي وتعذبت الروح

والكلب رحب بيك من تجي وتروح

[الدكتور اسعد النجار]

انهض سبع مرات بالليل وتناك

صدكني حلو العين من يمر طرواك

[الدكتور اسعد النجار]

تتركني بالآهات والحزن جاليش

دونك يحلو الطول مايحله لي عيش

[عواطف عبداللطيف]

دونك يحلو الطول ما تحله الأيام
الوكت هدني حيل والعين متنام

[هديل الدليمي]

شايف وجه البستان من يعطش بصيف
هيج آنه روحي عليك من ما تمر طيف

[الدكتور اسعد النجار]

الوكت هدني حيل والكلب معلول

الوجه شاحب دوم والجسم مسلول

[الدكتور اسعد النجار]

بستاني جفت حيل والعشب اصفر


ليش انت هيج وياي كلبي تمرمر

[الدكتور اسعد النجار]

تكلي انه تخليت عنك يولفي

رحت انه يم فلان وانطيته عطفي

[الدكتور اسعد النجار]

ماجنت انه فد يوم وياك جذاب

ارجع العقلك عاد مو انت حباب

[الدكتور اسعد النجار]

كتله صباح الخير مارد عليه

ونار العشك ياصاح تلتهب بيه

[الدكتور اسعد النجار]

يوم النفاه جثير خوان اجوا ليك

ويوم العسر ياصاح من يسأل عليك

[الدكتور اسعد النجار]

دموعي تهل عليك صبح ومسيه

وغيبتك يلمحبوب بلوه عليه

[عواطف عبداللطيف]

كتله صباح الخير مدريته زعلان
گلبة طلع صخرات مو گلب انسان

[الدكتور اسعد النجار]

كلبه طلع صخرات مو كلب أوادم

مدريت بي جوعان يدور عزايم

[الدكتور اسعد النجار]

ياكمر وين تريد مو ولفي يمك

همي يهد جبال مومثل همك

[الدكتور اسعد النجار]

هذا المطر ياصاح ذكرني بهواي

نمشي سوه والغيم يتنومس وياي