ابوذية ودارمي بقلم عامر الحسيني

[عامر الحسيني]

الدارمي
شاب الشعر والراس حتى الكَلب شاب
كل الجروح تطيب بس هذا ماطاب

الابوذيه

اعد من العمر عمري وعدلك
تواعدني بوصل شملك وعدلك
يظالمني بهجر وينك وعد لك
تراني بعوز وديارك خليه

عامر الحسيني
17\9\2015
بغداد

http://up.graaam.com/img/22b6bf99a6fd17fc58878c178a4488a2.gif

[عواطف عبداللطيف]

كل الجروح تطيب بس جرحي مفتوج
متكلي شنهو الصار تتركني وتروح

[هديل الدليمي]

الكَلب محتاج شوفتكم وحبكم
كتلني العطش يمته اشرب بحبكم
عفت فستق حلب من ضكَت حبكم
غريبه وصبري يتمنى المنيّه


تحية بحجم روعتك

[عامر الحسيني]

كل الجروح تطيب بس جرحي مفتوج
متكلي شنهو الصار تتركني وتروح






متكَلي شنهو الصار لايذ بالاكتار
روحي تلوب عليك مرلها خطار

http://up.graaam.com/img/22b6bf99a6fd17fc58878c178a4488a2.gif

[عامر الحسيني]

الكَلب محتاج شوفتكم وحبكم
كتلني العطش يمته اشرب بحبكم
عفت فستق حلب من ضكَت حبكم
غريبه وصبري يتمنى المنيّه


تحية بحجم روعتك





صدكـَ محتاج دلالي لحبكم
عطشت وجيت متعني لحبكم
عفت فستق حلب صدكَو لحبكم
غريبة دار واتمنى المنيه
...
هكذا ضبطت مع التحية ايتها العزيزة

http://up.graaam.com/img/22b6bf99a6fd17fc58878c178a4488a2.gif

[علي التميمي]

شكثر كالولي يالعاشك وهم بيك
وانا الما يوم سامعهم وأهم بيك
غيابك صدك وهجرك وهم بيك
غدر يا صاح ماظل حيل بية
.
.
.
تحيتي لك استاذ الشعر الشعبي
بوركت

[عواطف عبداللطيف]

بعدت هواي عنك لما شلنه
حتى من الفرح كلنة وشلنه
مرَّضنا البعد عنك وشلنه
والملگة صعب صارت عليه

[عامر الحسيني]

شكثر كالولي يالعاشك وهم بيك
وانا الما يوم سامعهم وأهم بيك
غيابك صدك وهجرك وهم بيك
غدر يا صاح ماظل حيل بية
.
.
.
تحيتي لك استاذ الشعر الشعبي
بوركت





شكرا لمرورك ايها العزيز
الاخ الغالي ابو حسين الذهب
كذلك هذه الابوذية تحتاج الى ضبط ايها العزيز
تفعيلتها = مفاعيلن مفاعيلن مفاعيل
وهذه لعينيك مع الحب والتقدير وحياك الله
وهم بيك
يكَول الماعرف حبي وهم بيك
وابد ما اسمع العاذل وهم بيك
عجيبه اشلون تظلمني وهم بيك
تروح تروح ترجع بس اليه

http://up.graaam.com/img/22b6bf99a6fd17fc58878c178a4488a2.gif

[عامر الحسيني]

بعدت هواي عنك لما شلنه
حتى من الفرح كلنة وشلنه
مرَّضنا البعد عنك وشلنه
والملگة صعب صارت عليه





طيب الله احساسك امي الحبيبة
الابوذيه هذه تفعيلتها = مفاعيلن مفاعيلن مفاعيل
وممكن ان تكون هكذا ايضا = مفاعيلن مفاعيلن فعولن
ووجد ت بعضهم كتبوها هكذا = مفعول مفعولات مفعولات
وحياك الله ايتها العزيزة

http://up.graaam.com/img/22b6bf99a6fd17fc58878c178a4488a2.gif