عشك العراقية

[علي التميمي]

مو كلمن يكول أهواج ،
يحبّج مية بالمية ..
ولا من ترس راسة الشيب ،
دخل بالعمر للمية ..
آه شكد عجوز يصير
من يعشك عراقية ..
ولا كلمن سهر مشتاك ،
يشوف أحلام وردية ..
وبالعباس أحلفج لا
تكطعين الوصل بية ..
ولا اخونج ابد للموت ،
لا تفكرين ي ابنية ..
وما اخونج ابد للموت
وعد من عندي يبنية ..
.
..
...
التميمي

[هديل الدليمي]

نعم.. للعراقية عشق مغاير
فالكرامة عندها فوق كل شيء
قصيدة عذبة
تفيض بشجن عميق الأثر
لقلبك الفرح

[علي التميمي]

شكرا لقراءتك شاعرتنا النبيلة
لروحك السعادة

[الدكتور اسعد النجار]

جلماتك يخي ذني عليهن ادك جوبيه

ضون علي كل دنياي جنهن والله كمريه

تحياتي

[علي التميمي]

سعيد بجيتك دكتور
حروفك كلها حنّية
.
شكرا لأنك هُنـا

[عواطف عبداللطيف]

شسوي من يزيد الشوگ=عبالك إيدي مچويه
ياروحي آنه إلك عطشان=وانت للگلب ميه
صرت عمية أنا بلياك= أثاري اندارت الدنيه
وعيوني نساها النوم =تنشد عنك ليليه
أباوع من شكوك الباب =وأظل أصفك بْإيديه
وأناطر من يمر الريل =بلكي تصير إلك جيه


نعم ابني للعراقية عشك خاص

حماك ربي
محبتي

[علي التميمي]

يا يمّة العشك جتال
واظل سهران ليلية
.
انا مسودن ي يمة هواي
وأحبّن ذيج البنيّة
.
أحبّن والعشق والله
صافي مية بالمية
.
شكرا امي الغالية العزيزة
حفظك ربي وباركك

[عواطف عبداللطيف]

يبني العشك صعب هواي
بهاي الدنيا الرديه
وكلشي بهالزمن مو زين
علينه التفت الحيّه

[علي التميمي]

فعلا امي
نسأل الله الفرج
بوركت روحك

[عامر الحسيني]

عاش احساسك ابو حسين
كلمات روعة من انسان رائع
حياك الله
http://up.graaam.com/img/22b6bf99a6fd17fc58878c178a4488a2.gif