حسرة و أمل

[علي التميمي]

يل بعيدة ماتت بعيـنـي الحيـاة
شوفي حبج بالهجر بية شعمـلْ

اسمع الناس اتّهامس من كفاي
هـذا عاشك عنـة محبـوبه رحلْ

اسمع يكولون هذا شبي ؟ شجا
من زمان متاني ، باقي بلا أملْ

آنـة من اسنين أعيش بلاية روح
والحلم مـر بيـة يا حسرة بفشلْ
.
.
.
التميمي
28 ديسمبر 2016

[شاكر السلمان]

آنا مِنْ مريت واسْمعت الهديل
صار ملح العين مضراب المَثَلْ

مِثِل غيد الشام جِنتِ بالعيون
ليش اِبْعسير الوكْت خنتِ بالمُقَلْ

ماريد انا الشوك يرسمني اِبْحروف
رايد أبوس اخدود مليانه عسلْ

تحية للغالي هههههه

[علي التميمي]

آنة ي استـاذي طويت الذكريـات
انة ي استاذي اكطعت بيها الأمل
.
سلمت اطلالتك و اضافتك الرائعة
محبتي دائما

[هديل الدليمي]

ما أجمل المرور بنهر شعرك المنهمر شجوا وشدوا
تقبّل تقديري لقلمك المائز
تحية تليق

[عامر الحسيني]

يالقريبة العاشت بروحي حياة
والعمر طويات يطويها الاجل
والكَلب لولاج عايش بالسبات
ماعرف معناج يالكلج أمل
صح حزينه وغربتج غربة صفات
يالعظيمه اشلون تجفين بزعل
دمعتج خضرت على خدودج نبات
يالحبيبه اشلون ناداج العجل
منتظر ابنج شمس هذي السمات
وابتسمتي والعدل احلى عسل
...........
حياك الله اخي ابو حسين الراقي
طيب الله انفاسك

http://up.graaam.com/img/22b6bf99a6fd17fc58878c178a4488a2.gif