عطشان و نهر

[علي التميمي]

هيـه عذبـتـنـي هـيــه
حطت الحسرات بـيـه
هيـّـه حرمـتنـي هـيّـه
خلّفـت طـعـنـات بـيـه
.
هي الي حبّتني ، تركتني ، حركتني ، بفراكـ وقهر .
هي الي شعلتني ، خنكتني ، موتتني من دون البشر .
.
وما بكت للآه ريّه
هيّه عذبتني هيـّه
.

جيت ابشرك يالمحب ما ظل بعد عين
تبجي تهملني دموع من المضى منين
آنة يا روحي اخسرتكم و الصبر وين
والكلب صاير خريطة من النياشين
.
جيت اسأل اصحابي ، احبابي ، غيّابي ، عن المعذره
ارد اوكف ببابي ، وعتابي ، وحسابي ما واحد دره
.
واصفك اثنين إديه
هيـّه عذبتـنـي هيّـه

.

آه يا عمر الكضيته وياج حسرات
بالمهد حلمي صِغِير من الحزن مات
من قطار الحب نزلنة والعمر فات
آه لو يرأف كلبها بكلبي ساعات
.
مثل الي عافوني ، خذلوني ، وئدوني ، ما شايف بشر .
هم الي خانوني ، صلبوني ، أقصوني ، عطشان و نهر .
.
أطلب من اجفاك ميّه
هيّـه عـذبـتـنـي هـيّـه

.
.
.
علي التميمي
8 فبراير 2017

[ألبير ذبيان]

الله يا قدير
ما أعمقه من بوح شجي عذب..
رغم تلعثمي فيه هه
إلا أنه راق وبديع
سلمت حواسكم أيها المبدع
محبتي والاحترام

[عواطف عبداللطيف]

اشلون بيها هالبنيه
انطرت من عدها جيه
بكل صباح وكل مسيه
كلشي راح وياها هيه
وما بقى غير الاذية

المعذرة لحروفي
كما جاءت وأنا أقرأ المعاناة والعتاب

اسعدك الله
محبتي

[ليلى أمين]

آه منها هالنية
كيف تسعى للأذية
والفتى صاحا وعشية
يأسف طلمها هي
لاعليك هي لا تعرف علي
ذاك الفتى الاصيل الابية
تحياتي

[ليلى أمين]

آه منها هالبنية
كيف تسعى للأذية
والفتى صباحا وعشية
يأسف طلمها هي
لاعليك هي لا تعرف علي
ذاك الفتى الاصيل الابية
تحياتي


اعذروا بائي تلعثمت

[هديل الدليمي]

غنائية جميلة أحببتها
حروفك بصمة بديعة أينما حلّت
إعجابي الجم

[عامر الحسيني]

احسنت وابدعت ياغالي
طبت ودمت
http://up.graaam.com/img/22b6bf99a6fd17fc58878c178a4488a2.gif

[قصي المحمود]

زرعت احلام بارض اوهام
حصدت الشوك والعاكول
التميمي الجميل ..جميل في كل الضاد

[محمد الفهد]

احسنت بوح رائع يدخل القلب لعذوبته
كل التقدير