ابراهيم الغراوي
04-04-2017, 01:21 AM
في قصيدة نشرتها سابقا ( فززيتيني ) . حينما التقيتها في عيادة الطبيب . أجبتها بقصيدة أخرى رداً على قولها ( كون ترد ولـد ) :
-------------------------------------------------------------------------------------------------------
كونك ترد ولـــــد
-----------------------
وين الـﮔـه مـﭽان أﮔـعـد
أريد أبـﭽي
ومرعد روحي تمرعـد
خجلت ﮔـبال جمع الناس
دمعي ينحدر عل خــد
أنه بعمر الورد
وتـﮔلي كون ترد
غلطتي وياي بت الناس
أنه مو نوح وتعـدى تسع مية سنة وأزود
آنه فلان
أبن ذيـچ السنة الـﭽنها أمس بالعـد
هو وين عمري البيه ﭽـنت مرتاح
أﮔـعدي من جديد نعـد
ثلاثينه ﮔـضن بالعـوز
وي شخيط يم بعيط منه خلصيت شـﮔـد
وظلن ﭽـم سنة وحل عامي الستين
وبعدني متاني زود المـد
أنه توني ضحك سني
وتوني محني راح اليـد
وهدمي الوسخ بدلته
ولبست ثيابي الجدد
والشاهر سنيني بدّلت لونه
وصبغته أسود
ولبست عيون غير عيون
وجبتلي مكحـلة ومرود
وتكحلت بكحل شبان
عل الشط بيتي ومسعـد
حلم هذا
أظن عايش حلم مـو جـَد
خجلت شـﮔـد
خلص حلمي
ومشوار الصبا وصلني هذا الحد
أنه شمدريني بالستين بنيان الصبا ينهـد
ﭽـا نمونة الستين
أظل مكسور خاطر والصُبي أرمد
يا دنيا شتبدل بيـچ
وبهرفي العـمر نبرد
وطـﮒ موحانـچ وسرعف على البلعـوم
أسبح بيش وآنه لا رجل لا يـد
أهوم وميته كل اعضاي
بس غيم الـﮔلب يرعـد
أغير شلون وآنه احصين الناعـور
لو هـدّوه بيش يـكد
حمول مفتحة وشطوط مـﭽلوبات
وبمردي رباخ ملاﮔي زود المـد
مشت خلتني أدﮒ الراح
حفنة جوز حطت بيدي وآنه أدرد
ييوسف ما ترد أرجوك
وتلفني بعباتك بلكي حيلي يــرد
-------------------------------------------------------------------------------------------------------
كونك ترد ولـــــد
-----------------------
وين الـﮔـه مـﭽان أﮔـعـد
أريد أبـﭽي
ومرعد روحي تمرعـد
خجلت ﮔـبال جمع الناس
دمعي ينحدر عل خــد
أنه بعمر الورد
وتـﮔلي كون ترد
غلطتي وياي بت الناس
أنه مو نوح وتعـدى تسع مية سنة وأزود
آنه فلان
أبن ذيـچ السنة الـﭽنها أمس بالعـد
هو وين عمري البيه ﭽـنت مرتاح
أﮔـعدي من جديد نعـد
ثلاثينه ﮔـضن بالعـوز
وي شخيط يم بعيط منه خلصيت شـﮔـد
وظلن ﭽـم سنة وحل عامي الستين
وبعدني متاني زود المـد
أنه توني ضحك سني
وتوني محني راح اليـد
وهدمي الوسخ بدلته
ولبست ثيابي الجدد
والشاهر سنيني بدّلت لونه
وصبغته أسود
ولبست عيون غير عيون
وجبتلي مكحـلة ومرود
وتكحلت بكحل شبان
عل الشط بيتي ومسعـد
حلم هذا
أظن عايش حلم مـو جـَد
خجلت شـﮔـد
خلص حلمي
ومشوار الصبا وصلني هذا الحد
أنه شمدريني بالستين بنيان الصبا ينهـد
ﭽـا نمونة الستين
أظل مكسور خاطر والصُبي أرمد
يا دنيا شتبدل بيـچ
وبهرفي العـمر نبرد
وطـﮒ موحانـچ وسرعف على البلعـوم
أسبح بيش وآنه لا رجل لا يـد
أهوم وميته كل اعضاي
بس غيم الـﮔلب يرعـد
أغير شلون وآنه احصين الناعـور
لو هـدّوه بيش يـكد
حمول مفتحة وشطوط مـﭽلوبات
وبمردي رباخ ملاﮔي زود المـد
مشت خلتني أدﮒ الراح
حفنة جوز حطت بيدي وآنه أدرد
ييوسف ما ترد أرجوك
وتلفني بعباتك بلكي حيلي يــرد