بس گَّرُب

[عواطف عبداللطيف]

بس گَّرُب
\
حـنيني وشوگي مرمرني تدري حيل احبَّنك
وكـل لـحظة تِـرفْ الـعين تـسأل شرَّد أگُلنَّك
وچذَّب روحـي من تغيب وگلبي بس يريدَّنك
أفِـزْ ولهان من نومي عبالي بنومي اشوفنَّك
افـرشلك عـيوني فـراش وبـجفوني احـطنَّك
بــس گَّرُبْ تـهـيد الــروح وخـلـيني أضُـمَـنكْ
واهـمـسلك بـعـد لـتروح مـحتاجة أسـمَّعنَّك
اريـــد أتـعَـطَّـرْ بــرؤيـاك ومـحـتاجة أشـمَّـنَّك
بـقيت انـطر تـرَّد بـساع تحبْني جنت أضننَّك
ومــا تـكدر عـلى فـرگاي نـاسيني ولا چنَّـك
وكـلـما انـتـظر مــلگاك تِـبـعِدْ وابْـتـعِدْ عـنّـكْ
تُغصْ الروح من بلواي بعالي الصوت اصحينَّك
واحـس الـنار بضلوعي صعبة شلون أعوفنَّك
وريـدك انـتَ تـفهم زيـن ابـد مـا راح أعـذرنَّك
صوچي آني ال وفيت وياك حســـبالي اعرفنَّك
مـدريت الـزمن خَّـوان عـبالي مـا تجي منَّك
\

25\4\2017
عواطف عبداللطيف

[الدكتور اسعد النجار]

قصيدة عبرت باقتدار عن حالتين متناقضتين هما اللقاء والفراق

ورسمت لوحة جميلة للحالة النفسية في كلا الموقفين

فالفاظ الحب زاهية والآمال دانية وساعات اللقاء صافية

ومفردات الفراق قاسية وآلام البعاد عالية وساعات الهجر واهية

كل هذا جاء في النص فكان غاية في الروعة

تحياتي سيدتي الفاضلة

[ابراهيم الغراوي]

تنط من بين الحروف لوعة . استشفها القاريء دون النظر الى عيون الكاتب الولهان .
للفراق والتعلق اليد الطولى في كل ذاك الشوق الذي هذره العاشق لمعشوقة . الكلمات
رغم بساطتها لكنها أوصلت لنا صورة واضحة للوجد ... تحياتي

[عامر الحسيني]

الله عليك امي الحبيبة
وهذا ردي (لشخص ما )اضعه هنا بداهة وارتجالا
اجت مني واجت منك..قدر مكتوب اعوفنك
لانك بالجرح تفرح ..تجرّحني واحبنك
ترد وتعود بس لحظات عود بشوكَـ اشوفنك
اثاريك ابدغش حبيت وانه بضيم اريدنك
ابد لتعود ..ماريدك بعد شفت الالم منك
ابد لتكَول حبيتك ..وابد لتكَول عابنك
عيوبي اهواي صدكَني اعرفنها واعرفنك
كفاني بيوم حبيتك كتلت الروح اخبرنك
متت وحييت لكن يا حياة البيها ما جنك
اجت مني واجت منك..قدر مكتوب اعوفنك
والسلام
معذرة امي وتقبلي مروري المتواضع باحساسك الترف
http://up.graaam.com/img/22b6bf99a6fd17fc58878c178a4488a2.gif

[هديل الدليمي]

عتاب الحبيب موجع
قصيدة من أعماق الأعماق راقت لي جدا
لقلبكِ المحبّة التي تستحقين
وياسمين مندّى يليق