لا تـرد

[علي التميمي]

يل مبتعـد ْ
شوف الهـوى ببعـادك
شلـون افتـر

جا وين وعدك
من كلت للموت أحبّك
و اكثـر

عطشانة روحي
وغيّمت
غيمك أبد ما كطّـر

وعيونك
يظلّـن إلي
أشتاكهـن و اتحسّر

يا طيفك
بليل الهجـر
امناطره بلجن مَـر

مسودنْ
اشك زيج الصبر
وبنـار حبـّي
أتوجّـر

سالوفة
بشفاف الخلكـ
والناس ما تتكتّـر

كالو بعد
راح ابتعـد
عنّك بعد ما يحضر

نزلت دمعتـي
من الكلب
وبعيني دمع مخثـر

لا لا ترد
مات الشعـر
وك يا شعر بعدك سَـر
.
.
.
عــلي

[عواطف عبداللطيف]

من اسمك ببالي يمر
حتى الشفة تتعطر

بس لا تكول اني هجرت
خاف العمر يتكدر

عتاب جميل وخفيف
محبتي

[علي التميمي]

رائع امي
اضافة جميلة ..
سلم حضورك البهي
تحيتي ومحبتي

[هديل الدليمي]

جميل هذا المطر الهاطل من غيمة إبداعك
أخي الشاعر النبيل علي التميمي
دام لك الألق

[علي التميمي]

هديل الدليمي
امتناني لقراءتك اللطيفة
سلمت و دمت