بلاش بيك

[فرج عمر الأزرق]

بلاش بيك مسكتش القلب ..
و الدنيا فيها برشا ما يتحب...
ياسمين البلاد مازال على خدود العشاق طارح مواعيد ...
الحمام مهربش على جامع الزيتونه ...
و شجْرات شارع بورقيبه هي ..هي ..
كيما تونس الكل مازالت عاليه و خضرا
بلاش بيك يمكن بكيت وحدي شويه
و مالت على الروح غمامه مش اللي هي
سيبت أيامات على ناسي و احبابي
برشا مش شويه هبالي ...
بلاش بيك عرفت نعاود نطير
على باب السما نرشق نجمات
رسمتها صوابعي
بلاش بيك ..
شارب راحة عقلي ...
و الأرض دور دور
و ما تلعبش على عقلي
عايش حكايات أبّن
و أزين ملّي عديتو معاك ..
الصباح طلّه على الوليدات بلاش سند
لعشيّه قهيوه في دار المسنين
و مرتين في العام نتبرع ما سهل ربي لبنك الدم
بلاش بيك منموتش ..بلعكس نعيش أكثر مليح
نفرح ..نحزن ..
نتكلم .. نسكت على كيف كيفي
و في كل الحالات ديما فصيح
نتكربس في الشارع على راسي
و نشتقلب بين موجه و موجه
و نحل عيني في عين الشمس
و للقمره نبعث بوسه
بلاش بيك منموتش ناقص عمر
بلاش بيك الدنيا جنّه و اعياد
و بلاش بيك يكبر في عيني و يحلى العمر

فرج عمر الأزرق

بلاش بيك = بدونك
غمامه مش اللي هي = غمامة غير ممطرة
برشا= كثيرا
هبالي = جنوني
نتكربس = دوران و لف
مليح = حسن - مستحب
أبن= ألذ
كيما= كما_ مثل
نحل= أفتح

[هديل الدليمي]

معاني جميلة بلهجة أجمل ضمّخت مسائي بنكهتها
كلّ هذا بلاش بيه؟
لك الألق ولنا متعة التأمل
كلّ البيلسان

[ألبير ذبيان]

شكرا لكم القصيد الجميل أديبنا الغالي
حفظكم المولى
محبتي