ما نسينه

[محمد الفهد]

ما نسينه


ما نسينه ألعشره بس أحنه انسينه
وحته شارعهم يون
لو بيه مشينه
گلي شنهي ألصار وتبدل هواكم
وحنه غير وجوهكم
لا ما هوينه
يا نخل انه أزرعته بشوگ عمري
بس تمر من النخل
لا ما حوينه
بس تجاري ادمومنه من ألسله ماله
وحنه بس السله منه وهم رضينه
گلي شنهي البدر
ما ندري بغلطنه
وحنه كل سطور حبك دورينه
وما لگينه
وما نسينه احنه شحجينه
ولا نسينه العهد باقي شما بقينه
حته لو تنسه .. انته انسه
وروح وبعد
وضيع ألعرفه وغرب لو تمر بينه
وانسه حته الاسم
ما مر بيك مره
وانسه كل ذاك ألحجي وكل ما طرينه
وشگگ بأيدك ورقنه
شما كتبنه
ونسه شبگات ألعشگ ونسه أدينه
راح نبقه
شما تسوي
مثل ما احنه بدينه
يلي حبك گلب بين اضلوعنه
ضل باقي بينه
شما تغيب شما تجافي شما تعادي
يبقى حبك
عدنه عين نشوف بيها
شما مشينه
ولو ترد ما جن نسيت
وننسه كلشي
احنه مثل البحر ما نطرد سفينه
احنه مثل البحر ما نطرد سفينه

تحياتي

[علي التميمي]

الله عليك ..
جميل جدا جدا
كتبت و ابدعت

[عمر مصلح]

نص برتبة جمال
إذ احتوى على انثيالات وجدانية بصور سلسة التغلغل لتداعب المشاعر.
تحياتي.

[محمد الفهد]

الله عليك ..
جميل جدا جدا
كتبت و ابدعت

القدير علي التميمي
الاجمل تواجدك في صفحتي شاعرنا المبدع
تحياتي وتقديري

[محمد الفهد]

نص برتبة جمال
إذ احتوى على انثيالات وجدانية بصور سلسة التغلغل لتداعب المشاعر.
تحياتي.
الاديب عمر مصلح
مجرد مرورك في صفحتي المتواضعة هو الجمال كله
تحياتي وتقديري

[أحلام المصري]

شعبي موغل في الجمال ،
و رغم أني لم أقرأ شعبيا باللهجة العراقية من قبل ،
لكني لم أجد صعوبة في استيعاب الروعة

تقديري لك شاعرنا المبدع

[الدكتور اسعد النجار]

كتبت فكنت مبدعا ونظمت فكنت رائعا

محبتي

[محمد فتحي عوض الجيوسي]

جميل يا خوي ما كتبت سلم لسانك

[عواطف عبداللطيف]

من زمان.....
احنه انتظرنه تمرعلينه
ابد والله ما حجينه
والعتب صوج المحبة
مو بيدينه

عودة جميلة لضفاف النبع
يامرحباً شاعرنا الكريم
والمعذرة لحروفي

[محمد الفهد]

شعبي موغل في الجمال ،

و رغم أني لم أقرأ شعبيا باللهجة العراقية من قبل ،
لكني لم أجد صعوبة في استيعاب الروعة

تقديري لك شاعرنا المبدع

المبدعة احلام المصري
الروعة هي كرم تواجدك في صفحتي المتواضعة
تحياتي وتقديري

[هديل الدليمي]

يا لهيبة الحنين وعمق الأنين في شرايين الحروف
قصيدة رائعة تكاد تقطّر دمعا
إعجابي الجم وبيلساني الندي

[محمد الفهد]

كتبت فكنت مبدعا ونظمت فكنت رائعا


محبتي

العزيز الدكتور اسعد النجار
شكرا استاذي على كرم المرور نورت الصفحة
تحياتي وتقديري

[محمد الفهد]

جميل يا خوي ما كتبت سلم لسانك

]الاستاذ محمد فتحي
]الاجمل هو روعة تواجدك
]تحياتي وتقديري

[عمر مصلح]

رسالة للأساتذة المشرفين الأكارم
اعتقذدأن تثبيت هكذا نص ضرورة
وتثبيت النصوص الشعبية لا تكره في كل المذاهب.
محبتي واحترامي وعذراً عن المزحة.

[محمد الفهد]

من زمان.....
احنه انتظرنه تمرعلينه
ابد والله ما حجينه
والعتب صوج المحبة
مو بيدينه

عودة جميلة لضفاف النبع
يامرحباً شاعرنا الكريم
والمعذرة لحروفي



ياسوالف لينه ولهفة صبحنه
ويلي عد الروح شوفتكم سنينه
وحنه باقين اعله حبكم كل عمرنا
شما يمر بينه العمر تبقون بينه

الاستاذة القديرة عواطف عبد اللطيف
انا وكلماتي سعداء بمرورك
وبحرفك الجميل في صفحتي المتواضعة
تحياتي وتقديري

[محمد الفهد]

يا لهيبة الحنين وعمق الأنين في شرايين الحروف
قصيدة رائعة تكاد تقطّر دمعا
إعجابي الجم وبيلساني الندي


المبدعة هديل الدليمي
هذا الحرف المتواضع سعيد بتواجدكم ال النبع
انا ممنون
تحياتي وتقديري