حلم خايف

[حسن هادي الشمري]

حلم خايف
يا عراق...
ليش أيامك حزينه
وبيك حزن اليوم
يشبه حزن أمس
يمته تنزع ثوب حزنك
تمسح دموع اليتامى
وتلبس ثياب العرس
أمس...
جنا ازغار نحلم
نلعب أبفي الصرايف
وجنا حتى أيامنا
أنحس بيها ميته
والحلم بعيونا أنحس بيه
خايف
الفرح ما يوم دك بيبانا
ولا غفت بسمه على احضان
الشفايف
يا عراق...ليش حزن اليوم
يشبه حزن امس
حتى من جنا نسولف
جانت احجاياتنا انحس بيها
خرسه
نحجي بسكوت بهمس
بالمدارس...
من كتبنا اسمك على اوراق الدفاتر
جانت اقلام الرصاص تخاف تكتب
والدفاتر ماتت الاوراق بيها
وما تحس
ومرت ايامك حزينه
ورغم كل الموت بيك احنا كبرنا
وكبرت اويانا السوالف
وظلت اتدور الفناجين ابكهوتك
بالمضايف
ومن صعدنا اعلى المشانق
مثل نخلك احنا متنا
والنخل تدريه من ايموت
واكف
يا عراق...ليش حزن اليوم
يشبه حزن امس
ورادوا أيسوون يومك كله ليل
كمنا صرنا أشموع ضوينا
بسماواتك شمس
ورادوا أيفرغون منا أفكارنا
وأنت تدرينا...
مثل ناعور احنا
اشما يفرغونه يرد ايدور
يحضن ماي شطه وينترس
يمته تنزع ثوب حزنك
يا عراق...
وتلبس أثياب العرس

[أحمد الدراجي]

الله عليك شاعرنا الجميل

نص تجسدت في الروح المؤمنة بقضية الوطن
فخطت من السطور حكاية شعب
يناجي الغائب في عين الحضور

ولن تغيب شمسك يا عراق


تحية لروحك
ولهذا النص

[عبد الرسول معله]

وأنت تدرينا...
مثل ناعور احنا
اشما يفرغونه يرد ايدور
يحضن ماي شطه وينترس
يمته تنزع ثوب حزنك
يا عراق...
وتلبس أثياب العرس
أروع ما قرأت من الشعر الشعبي المعبر عن حب الوطن

مناجاة للوطن اتسمت بجمال الصور ورقة الحروف الحزينة

سلم اليراع الذي خط هذه الهمسات والقلب الذي أوحاها

رائعة رائعة رائعة

تحياتي ومودتي

[محمد الفهد]

يا عراق...
ليش أيامك حزينه
وبيك حزن اليوم
يشبه حزن أمس

/
/


عيون تبجي وكلب يبجي


وروح ملتها البواجي


شوكت هذا الليل يمشي


لو حرام أعيونه تشوف الشمس


يا شعب شوف الدول بالخير غطت


شوفوا وتعلموا الدرس



الاخ حسن هادي الشمري


قصيده رائعة بكل ما حملته من معان ٍ


أحسنت


فائق التقدير

[حسن هادي الشمري]

ألأستاذ أحمد ألدراجي
ولك روح مؤمنة بهذا ألوطن وقضيته ويراع يخط ألملاحم من حكايات هذا ألشعب...وبك وبكل ألعراقيين لن تغيب شمس ألعراق وأن غابت يوما" ما ... ستشرق من جديد أنشاء ألله ........تحياتي وشكرا" لمرورك على قصيدتي

[حسن هادي الشمري]

ألأستاذ عبد ألرسول معله
حبك أكبر لهذا ألوطن ومناجاتك له أجمل صورا"وحروفك أرق سلم قلبك ويراعك ليستوحي أحلى ألهمسات ليخطها للعراق فأنت أكثر روعة وشكرا" لأطرائك ألجميل والذي سيزيدني عطاء" حياك ألله وحفظك من كل مكروه ..........تحياتي

[حسن هادي الشمري]

ألأخ ألأستاذ محمد ألفهد
ما أجمل ردك !

شوكت هذا ألليل يمشي
لو حرام عيونا تشوف ألشمس
******
لا تضمدلي ألجرح
خل جرحي ينزف
خله يرسم فوك كصبات ألصرايف
نخل برحي وغصن زيتون وحمام
وبسمه يرسمها على أشفاف ألأيتام
وشمس حمره
بنورها أتزيح ألظلام
أوطن من زاخو لحد ألفاو
وترف بسماه راية سلام

تحياتي

[شروق العوفير]

غنت الارض الحزينة لحنها دون كمان

وبكى سرب الحمام حين غطاه الدخان

قلوبنا معكم

الفرج قريب باذن الله

وتكون ايامكم كلها اعراس ومسرات

[زينة قصي]

ستشرق شمس العراق
ويصبح الحلم حقيقة

وفقك الله

[شاكر السلمان]

سلمت ايها الرائع

ما آل اليه العراق جرحٌ غائر في خاصرة كل شريف

لك تقديري والمحبة

[منصور عبد الغفار]

الأخ الشاعر / حسن هادى الشمرى

العراق جرح الأمة وبلية الزمن ولا يقل أحساسك بها وحزنك عليها

عما يعتمل فى صدورنا فهى فلسطسن وهى لنان وهى الجولان وهى كل المياة العربية المحتلة

جرح جرحى ودائك دائى

[عواطف عبداللطيف]

لا أبد لتكول خايف
لا تمل من الأمل
بلكي بشروق الشمس
يرجع حلمنا
ويرتدي عراق المحبة
ثوب العرس
وتنترس دروب المحبة بالفرح
وكل المضايف

أعذر حروفي لفقرها كما جاءت
دمت بخير
تحياتي

[حسن هادي الشمري]

ألأستاذة شروق ألعوفير
نحن واثقون أن قلوبكم معنا ...بأذن ألله تعالى وبدعائكم ستغني
أرضنا مواويل فرح وينقشع ألدخان ليطير سرب ألحمام على بساتين ألعراق ويحط بفرح على نخيله ...... تحياتي

[حسن هادي الشمري]

ألأستاذة زينه قصي
بأذن ألله تعالى ... وبدعائكم ودعاء كل ألخيرين ستشرق شمس ألعراق
وفقك ألله وحماك من كل مكروه

[حسن هادي الشمري]

ألأستاذ شاكر ألسلمان

كلي خلص صبرك مثلنا
يا وطن
لو ما زلت يا وطن صابر
وتذكر أشكد لأجلك حملنا
يا وطن
أسياط وسجون ومنافي
ولا زال بظهورنا آثار طعنات
ألخناجر

لك كل ألشكر والمحبة

[حسن هادي الشمري]

ألأستاذ ألشاعر منصور عبد ألغفار
أما كفانا جراحات وأنى لهذه ألجراحات أن تنتهي ... وأسيادنا في قصورهم
ألفارهه يدخنون ألغليون وألسكريت والأفيون والعشق ألمعلب في فرنسا .
وحين يستلون سيوفهم لا لقتال حتى ألطواحين ... بل ليؤدون بها رقصة (ألدحه ) أعان ألله أبناء هذه ألأمة ............. تحياتي

[حسن هادي الشمري]

ألأستاذة عواطف عبد أللطيف /نبع ألعواطف

أشلون ما ترديني أخاف
أشلون ما أضيع ألأمل
كمت أصيح ألله أكبر
يا عراق ...
ألدله ماتت بالمضايف
والفرات أشماله وي
دجله زعل