شجاها الروح ..

[محمد الفهد]

شجاها الروح ..
كافي أجروح
ملاها ألبجي والنوح
تدور أعلى ألصدك بس الجذب مسموح
ما ميت لسان ألصدك
بس مطروح
غريب وتايه وحاير بهاي السوح
وين تروح
شجاها الروح ..
شبيها الناس لا صاحب
ولا محبوب
كل واحد يحوش النار خبزه
وغيره ما محسوب
أشوف أجسام
بس ما أظن بيها اگلوب
وين الشوك
فارغ ما ترس لجيوب
ماكو أنصاف أضل مذبوح
شجاها الروح ..

شگد سويت كلشي انطيت
ما خليت
ألك دم ودمع
وأشگد ألك ضحيت
وعمى عيني السهر .. منتظر
ما مريت
أنا گلت وجيت
بس انت أوعدت ماجيت ؟
ما وفيت
سر ... لا بوح

شجاها الروح
زرعت الطيب
من خضر طلع عاگول
شگولن كلشي آنا احجيه
ما مقبول
بيدي وما أنوشك هذا ما معقول
سؤال انت َ
ويضل كل عمري ما محلول
حد اللوح

شجاها الروح ..







محمد الفهد

[حسن هادي الشمري]

ما تدري شجاها الروح !!!
كلشي بهلوطن مذبوح
يا محمد
مو بس البصر يعمى
عمت الكلوب طش بيها
العمى الأسود
وحكك بس تشوف أجسام
لأن الشوك عافاها وبعد
ما رد
وبعد ما ظل صدك بالناس
الصدك يا خوي ... يا محمد
حفر بيده الكبر بيه مات
وتمدد
يسعدني أن أكون أول المتواجدين بصفحتك وأن
أقرأ هذه القصيدة الجميلة التي أثارت شجوني
وألبستني رداء"من الحزن بتسائلاتها المشروعة
وجعلتني ارتجل هذه الحروف أرجو أن تنال رضاك
مع خالص حبي وتقديري ...

[محمد الفهد]

حسن .. يا خويه .. ردت اشكي الجرى للناس
شهادات وعلم تملك بس ما تمتلك إحساس
مثل النار تاكل ابد ما تشبع
ولا تنداس
لا بيهم وفى ولا ضمد
ولا بيهم نشد الراس
ضحكتهم جذب
بجيتهم جذب
حيروا كل مقياس



القدير / حسن الشمري
رائع انت كما هو توجدك
أنرت صفحتي
شكرا ً لك ولكلماتك الرائعة
تحياتي وتقديري

[وطن النمراوي]

زرعت الطيب
من خضر طلع عاگول


أصعب شي لما تزرع طيب و تحصده عاكول !
نسمعها كثيرا : (تغيرت النفوس) ترى شنو اللي غيرها ؟!
الإنسان هو هو ذاك الإنسان من زمان
يبدو إنه نزع ثوب الطيب و العشرة و الكلمة الحلوة و بقى بطركَـ الجذب و الحال تعبان
سلمك الله أستاذي محمد فكلماتها جميلة جدا و مؤثرة في هذا الزمن الأغبر
أين جديد أستاذي فلقد اشتقنا حرفك الأنيق الأصيل ؟
لك و لحروفك الجميلة تحياتي و تقديري. و نظل بانتظارك.

[أرقم أحمد الكاظم .]

ماأدري شجاك أنت
أشكثر ون الكَلب
ما تسمع بونته
أنتظرتك للنبع ترجع
رجوعك يا فهد يمته
أريد من ( القلم ) يكتب
أشماله ( القلم ) ظل سكته
أريد جديد من عندك
قريت أهواي كل ألي أنت
أكتبته
الأخ العزيز محمد الفهد من زمان لم نقرأ
لك شيء من حروفك الجميلة أرجو أن
تكون بألف خير ... تحياتـــــــــــــــي

أخـــــــــــــوك

[سفانة بنت ابن الشاطئ]

عندما تكون الكلمات نابعة من القلب
والمشاعر هي الطابع الاساسي
للحرف ,, تكون المعاني خافقة صادقة
شفافة تصل الى قلب القارئ دون استأذان
وجدت هنا وصف وحزن وصدمة والم
لكن أكيد أن هنالك بين العتمة فسحة امل
والدنيا إن فرغت من الناس الطيبة خربت وانتهت

مودتي الخالصة

سفـــانة

[عواطف عبداللطيف]

الشاعر محمد فهد



اتمنى أن تكون بخير
إشتقنا لحروفك الحميلة
دمت بخير
تحياتي

[عواطف عبداللطيف]

شجاها الروح
وين تروح
نسينا بكل درب عنوان
كلشي نباع
صار تراب
عجزنا من البچي والنوح
بس نصرخ طوال الليل
گافي هم
گافي جروح
الوادم ترة ملت
ما ظل بيها والله حيل

شجاها الروح
لا راحت ولا ردت
كل هذا الجرة والصار
من ذكرك ولا ملت
ومن لاح بأرضها الشوگ
بترابك ترة أتغطت



الشاعر محمد الفهد
النبع يسأل عنك
نتمنى أن تكون بخير
تحياتي

[منوبية كامل الغضباني]

ما مقبول
بيدي وما أنوشك هذا ما معقول
سؤال انت َ
ويضل كل عمري ما محلول
حد اللوح

شجاها الروح ..
لافضّ فوك يا فهد.....

[علي عبدالحسن]

بينه شكد هضم لو جبل جان يموع
لو تصرخ ابد صوتك ولا مسموع
مطر من دم يصب وتصب عليه دموع
كبل مفجوع واليوم واظل مفجوع
دم مو ورد يملي السوح
يمحمد شجاها الروح
كما عهدتك مبدع دائما
تحياتي وتقديري

[عمر مصلح]

من سوء طالعي أن أغفل عن طاقة اسمها محمد الفهد
لا أملك أن اكتب تعقيباً أو مداخلة
كونك تستحق وقفة طويلة.
محبتي الكبيرة وإعجابي.

[محمد الفهد]

زرعت الطيب
من خضر طلع عاگول


أصعب شي لما تزرع طيب و تحصده عاكول !
نسمعها كثيرا : (تغيرت النفوس) ترى شنو اللي غيرها ؟!
الإنسان هو هو ذاك الإنسان من زمان
يبدو إنه نزع ثوب الطيب و العشرة و الكلمة الحلوة و بقى بطركَـ الجذب و الحال تعبان
سلمك الله أستاذي محمد فكلماتها جميلة جدا و مؤثرة في هذا الزمن الأغبر
أين جديد أستاذي فلقد اشتقنا حرفك الأنيق الأصيل ؟
لك و لحروفك الجميلة تحياتي و تقديري. و نظل بانتظارك.


الالقديرة وطن النمراوي
شكرا لروعة المرور اشتقنا لتواجد شخصك وحرفك في النبع
تحياتي وتقديري

[محمد الفهد]

ماأدري شجاك أنت
أشكثر ون الكَلب
ما تسمع بونته
أنتظرتك للنبع ترجع
رجوعك يا فهد يمته
أريد من ( القلم ) يكتب
أشماله ( القلم ) ظل سكته
أريد جديد من عندك
قريت أهواي كل ألي أنت
أكتبته
الأخ العزيز محمد الفهد من زمان لم نقرأ
لك شيء من حروفك الجميلة أرجو أن
تكون بألف خير ... تحياتـــــــــــــــي

أخـــــــــــــوك


الاخ القدير ارقم احمد الكاظم
شكرا لك ولحرفك الجميل في صفحتي عدت والحمد لله
ننتظر هذا القلم الرائع بالتواجد معنا
انا ممنون
تحياتي وتقديري

[محمد الفهد]

عندما تكون الكلمات نابعة من القلب
والمشاعر هي الطابع الاساسي
للحرف ,, تكون المعاني خافقة صادقة
شفافة تصل الى قلب القارئ دون استأذان
وجدت هنا وصف وحزن وصدمة والم
لكن أكيد أن هنالك بين العتمة فسحة امل
والدنيا إن فرغت من الناس الطيبة خربت وانتهت

مودتي الخالصة

سفـــانة




القديرة سفانة

انا سعيد بتواجدك في صفحتي شكرا لكرم المرور
تحياتي وتقديري

[محمد الفهد]

الشاعر محمد فهد



اتمنى أن تكون بخير
إشتقنا لحروفك الحميلة
دمت بخير
تحياتي

القديرة الاستادة عواطف عبد اللطيف

شكرا للمرور والف مثلها للسؤال انتي هكدا كما عهناك
تحياتي وتقديري

[محمد الفهد]

ما مقبول
بيدي وما أنوشك هذا ما معقول
سؤال انت َ
ويضل كل عمري ما محلول
حد اللوح

شجاها الروح ..
لافضّ فوك يا فهد.....

القديرة نوبية كامل الغضباني

انا ممنون لروعة التواجد في صفحتي
تحياتي وتقديري

[محمد الفهد]

بينه شكد هضم لو جبل جان يموع
لو تصرخ ابد صوتك ولا مسموع
مطر من دم يصب وتصب عليه دموع
كبل مفجوع واليوم واظل مفجوع
دم مو ورد يملي السوح
يمحمد شجاها الروح
كما عهدتك مبدع دائما
تحياتي وتقديري


اخي وصديقي علي المحترم
اولا شكرا على روعة الرد في صفحتي
وثانيا ننتظر عودتك للنبع
تحياتي وتقديري

[محمد الفهد]

من سوء طالعي أن أغفل عن طاقة اسمها محمد الفهد
لا أملك أن اكتب تعقيباً أو مداخلة
كونك تستحق وقفة طويلة.
محبتي الكبيرة وإعجابي.

الاستاد القدير عمر مصلح
مجرد تواجدك هنا هو وقفة طويلة انا وحووفي سعداء بتواجدك
تحياتي وتقديري

[ابتسام السيد]

شجاها الروح كل هالبوح
واش كد هالقلب مجروح
شجاها الروح........
جميل ما قرأت
لك كل التقدير

[محمد الفهد]

شجاها الروح كل هالبوح
واش كد هالقلب مجروح
شجاها الروح........
جميل ما قرأت
لك كل التقدير

المبدعة ابتسام السيد
الاجمل هو تواجدك وتواجد حرفك الجميل
في صفحتي
انا ممنون جدا
كل التقدير