ليه؟

[نجلاء سلامه]

ليه يا شبابنا خانقنا سكوت
بعد ما قلنا ح يعلا الصوت
بعد ما جبنا الحق وجبنا
أحلى نهار من بطن الحوت
ليه يا شباب؟

لما طلعنا الإيد ف الإيد
مصر القلب وكنا وريد
كان طلبتنا وبالتحديد
إما الحق وإما الموت
ليه يا شباب؟

الدم الغالى اللى اتسال
والظلم اللى يهد جبال
عمره ما كانش كلام يتقال
ولا يسمح لأفاعى تفوت
ليه يا شباب؟

لما بشاير فجرنا هلت
شوفنا حدادى كتير بتقلد
بعد ما قالوا عيال بتنكت
سرقوا ربيعنا وقطفوا التوت
ليه يا شباب؟

إصحوا وبصوا كتير ع الباب
فيه مليون واحد كداب
جى يقول نعمل أحزاب
نصاب قوى طمعان ف القوت
ليه يا شباب؟

إوعوا الشك يكون مركبنا
ألا الموج ييجى يغرقنا
إوعوا الليل يرجع يسرقنا
ويسلسلنا ف قلب بيوت
ليه يا شباب؟

اللى يحاول يسرق شوفنا
لجل ما يطلع على اكتافنا
يبقى اكيد ناوى يكتفنا
فوقوا ودوسوا عليه بالموت
قوموا يا شباب

[عواطف عبداللطيف]

إصحوا وبصوا كتير ع الباب
فيه مليون واحد كداب
جى يقول نعمل أحزاب
نصاب قوى طمعان
ف القوت
ليه يا شباب؟




من هنا يجب أن يتعلموا الدرس ويفهموا ما يدور خلف الكواليس بالهتافات الرنانة



صعب أن تسرق أحلام الشباب وفرحتهم
والحقيقة موجعة
كلمات من الواقع
تنبض بالحياة

أهلاً بكِ وبإطلالتك الجميلة على ضفاف النبع
اتمنى لك طيب الإقامة لننهل من بحر حروفك
محبتي

[نجلاء سلامه]

سيدتي
/
عواطف عبد اللطيف
\
مساؤكِ زمرد وزبرجد
اسعدنى ان اري هذا المرور منكِ بصفحاتي
من أخت نعتز جميعاً بكلماتها الرائعة
فليس للابداع اجنحة بدونكم غاليتي
وأنا هنا لأشرب من نبعكم الفياض بالعلم
سيدتي
قلائد زيزفونيه تطوق حرفك
الذي اشرق على ورقي
ولتعلمي بأن مروركِ يشبع ذهول الكلمات
لكِ من اختك كل الود والتقدير والاحترام

[سهى حربي رشدان]

جميله هذه المشاعر اختي الغاليه
تعبير بريء منك تقبلي مروري