وعود .. وعود ..

[أحمد الحمود العطرة]

انت وحدك تدري بيه .. آنا أموتن من يجي طاري غيابك


وانت تدري وياما قتلك .. موتي أهون من ذبح روح المحبة


تعرف الدنيا بغيابك .. طعمها علقم .. يصير


وتدري شمس فراق حبك تشوي وجهي ,, وماكو ( فَـيْ ) بعدك يجير


وتدري تغرق كل سفينة تريد تبحر وتوصل لشط الحبيب ..


من تغيب


شمس دنيانا تغيب


ومن تقرّب ..


تشعل شموع الفرح ..


والأيادي بغير حنّة تصير ترقص


والسجر آآآآآآآآآخ السجر يثمر مراجيح وضحك في يوم عيد


ياحبيبي يا البعيد .. صعبة أوصّفلك شعوري .. وصعبة أقلك علّي بيّه


مو أذيّة ..


ولاهي موت ..


ولاهي نار ..



ولاهو ...


يابعد عمري يكفّي ...

يِكْفي

عود ...


يكفي عود ...


يكفي خلصت العمر كلّه وعود ...



( بقلمي )

[دوريس سمعان]

تنكسر الأقلام
والمداد ينساب كنزف موجع
يرتجي الوصال قبل
أن تموت ورود الشوق

أخي أحمد ....
تنهيدة حب رائعـة خطها قلمك المميز
كل التقدير

[عواطف عبداللطيف]

يالبعيد!!!
انت أدرة باللي بيه
مو بيديه
الشمسْ لمّنْ بِعدنه
ما صِفتْ تضوي بأرضنه
وأنتَظرْ بَلكنْ تمرْ !!!
ضاع من عدنه العمرْ
ماكو جارَهْ
هاذي ناري
صارتْ تْشوي كل ضلعْ
مآتْ من حرها الزرعْ
اشتكيها للقريبْ.... وللبعيدْ
مدري شنهو اللي تريدْ
من قديم ..ومن جديدْ!!!


المعذرة لحروفي
مع تحياتي

[عبد الكريم سمعون]

يالبعيد!!!
أنتَ أدرى باللّي بيّا
مو بيديّا
الشمسْ لمّنْ بِعُدنا
ما صِفتْ تضوي بأرضنا
وأنتَظرْ بَلكنْ تمرْ !!!
ضاع من عُدنا العمرْ
ماكو جارَهْ
هاذي ناري
صارتْ تْشوي كل ضلعْ
مآتْ من حرها الزرعْ
اشتكيها للقريبْ.... وللبعيدْ
مَدري شنهو اللّي تريدْ
من قديم.. ومن جديدْ !!!


المعذرة لحروفي
مع تحياتي



تحياتي ماما رائع ما باح به خاطرك النقي هنا ..:1 (45):
وقريب من النفس والقلب .
هل تقبلين التشكيل وهو إقتراح فقط
فالعامّي موزون ماما حسب الأحرف الصوتية لكل منطقة ..
مودتي والكثير من عبق الزنابق لروحك..

كريم

[عبد الكريم سمعون]

الشاعر العبقري أحمد الحمود ..
ما أروع كلماتك .. وكم هي قريبة من القلب ..
وترسم ملامح الصدق
عذرا سيدي لأنني اقتطفت باقة من كلمات ماما عواطف ..
تحياتي لقلبك الأبيض
مودتي وخمائل السوسن

كريم

[أحمد الحمود العطرة]

تنكسر الأقلام

والمداد ينساب كنزف موجع
يرتجي الوصال قبل
أن تموت ورود الشوق

أخي أحمد ....
تنهيدة حب رائعـة خطها قلمك المميز

كل التقدير

ديزيه .. التنهيدة بمرورك أصبحت زغرودة

فقد أضفت لونها لوناً من ألوان الفرح


مودتي

[أحمد الحمود العطرة]

يالبعيد!!!
انت أدرة باللي بيه
مو بيديه
الشمسْ لمّنْ بِعدنه
ما صِفتْ تضوي بأرضنه
وأنتَظرْ بَلكنْ تمرْ !!!
ضاع من عدنه العمرْ
ماكو جارَهْ
هاذي ناري
صارتْ تْشوي كل ضلعْ
مآتْ من حرها الزرعْ
اشتكيها للقريبْ.... وللبعيدْ
مدري شنهو اللي تريدْ
من قديم ..ومن جديدْ!!!


المعذرة لحروفي
مع تحياتي

أختي عواطف :

لعلّ القلم يغني فرحاً لأنه استفزّ مشاعر أختٍ لتكتب


مودتي