|
رد: الأبوذية
المنافق لاتتركه ودوم حجمه
ودمك لو فسد ياترف حجمه يظل الماعرف قدره وحجمه يكول بكل وكت انه شبديه |
رد: الأبوذية
انتظرتك ياحلو وفرحت بهلاك
وكل شامت اريده بضيم بهلاك أحب رسمك وأرحب دوم بهلاك ومن تبعد تظل ظلمه عليه |
رد: الأبوذية
فاركني وهمت ليلاي بيداي
وكلبي هليون ياصاح بيداي اريد احفر كبر ياروح بيداي واطمج كبل ميشمتون بيه |
رد: الأبوذية
كضيت العمر كله بسمني
ولامره الليالي بسمني شعلامه انتقم دهري بسمني أخذ كل اليريده اشظل اليه |
رد: الأبوذية
زماني حد علي سيفه وسله
كلبي صابه بسهامه وسله قدم بيه لعب طوبه وسله حسافه اللي حدث والصار بيه |
رد: الأبوذية
شاب الراس ماعندي ولاسن
زماني وياه اتكاوه ولا سن طلبت منه يسن سيفه ولاسن كصد موتي بعذاب يصير اليه |
رد: الأبوذية
من الزمن رحت انحرت بيده
لتطخ راس لولاواك بيده صير ويه الأخو وللعدو بيده تره الفزعه يصاحب بالحميه |
رد: الأبوذية
كضيت العمر عنه بعيد هايم
وبقيت انطر منيتي تجي هايم مثل مفطوم صاح وصرخ هايم ارحمني يولفي ومر عليه |
رد: الأبوذية
شعرج آنه أقراه ونتي كلبي
سره عند اليفهمه ونتي كلبي اكتبي ولاتبطلي ونتي كلبي وراح ابعث الج احله هديه |
رد: الأبوذية
تغيب الروح بغيابك وأ ردها
ترة بلياك تنطر من يـ ردها يبس كل الزرع حتى وردها شمس انت وتنور الدرب ليه |
رد: الأبوذية
زماني لاتظل واكف ولك دور
الغيرك اكتب الفضة ولك دور دارا بنيت للوادم ولك دور منتظريك يلجيتك هديه |
رد: دارميات عراقية 3
هاك كلبي بيدك حيل طحنه
امس فوك النجم واليوم طحنه شبينه يا ناس بالهوى طحنه رديه كلوبنه تحب الاذيه (منقول) |
رد: الأبوذية
بربي آمنت تقوى وبداهه
طريق الخير انته اللي بداهه وللشر انته كصيته بداهه وتالي حسدتك هاي البريه |
رد: الأبوذية
زماني بقوه يسحبني وجربه
صديقك عامله وشوفه وجربه صحيحه ابعدها عن مره وجربه لأن تنعدي وتتأذى خطيه |
رد: الأبوذية
الخلك للشامت اتشوفه كضبه
بس بالشين افعاله كضبه العدس للي ميدري يشوفه كضبه ويكول الوكت هم خان بيه |
رد: الأبوذية
بحجي العذال مهتم من يردني
بمضايف ماشفت أحد يردني اكولن والحجي شاهد يردني بين الربع صار الفصل اليه |
رد: الأبوذية
وطنه هذا أصيل أجداد وعراك
مينه كالعطر من يكع وعراك قسمت بالحمزه والعباس وعراك لراوي العده اسباب المنيه |
رد: الأبوذية
الزمن وزع عليه الألم بسهام
وحصتي صفت بين الناس بسهام كلبي صوبه ياصاح بسهام خلاني عليل وفتك بيه |
رد: الأبوذية
بلادي بيها عذبة اجبال وانهار
بيها اتغزل آنه بليل وانهار كل اللي بنيته انهدم وانهار والشامت أشوفه فرح بيه |
رد: الأبوذية
بالكلب لهواي مو بالعين شفته
ومثل قرص الشمس بهداي شفته حجت عينه وكبل ما تحجي شفته مرد كلبي من اكبل عليَّ |
رد: الأبوذية
كافي عتب كافي لوم بسعاد
خالي نعيش باقي العمر بسعاد أمل عمري جياتي هي بسعاد ليالي العمر وياهه هتيه |
رد: الأبوذية
تظل روحي عليلة اعليك هدها ضيم الي لفاني ويــــاك هدها دهديها واكلــــــك كوم هدها تعثرت بحماد وحيل بيه رسول |
رد: الأبوذية
على البصرة اذب روحي وانامن اشوف البصرة واسالها انا من؟ تكول انته الوطن مني وانا من وطن واحد نعيش احنه سوية رسول |
رد: الأبوذية
يبسمة روح الك بالروح داري احطك بالضلع لو ضاك داري تظل تنكر ونه ادري بيك داري وتغض بناظرك و تمر عليه رسول |
رد: الأبوذية
السور بطوالها أحلفلك ولكصار
كلبي مسجل باسمك ولك صار مريت بحزن انته ولك صار انه وكتي يتآمر عليه |
رد: الأبوذية
نشف قلبك علي شبيه ما شف مرض بالروح ابد فد يوم ما شاف عمت عيني وبعد وياك ما اشوف ولا رايد حبيب يمر عليه رسول |
رد: الأبوذية
كبر فلبي بغرامك ليش بعداك قريب الروح صاير وانت بعدـاك تتآلف على الاخوان بعــــداك تبيع وتشتري بالرخص بيه رسول |
رد: الأبوذية
انه فوق العلل شايل عللهم احباب تعودت بيهم على الهم يمزنة مطر لو تنزل على الهام احس برد الوكت كله بأديه رسول |
رد: الأبوذية
شربت الحنظل وشربو عسلهم كل خير اليمر بيه عسى الهم هلي شما صار امنيتي عسى الهم يروح وتخلص ايام الاذية رسول |
رد: الأبوذية
بعد حملي على الجتفين....مومال ولو تطلب فديتك روح ....مو مال صدك زم كلبي آنه عليك..مو مال ما ملّن ابد والبيه بيه |
رد: الأبوذية
رفيجك لو وكع ابضيج شلها
الناس بكل وكت لتكول شلها خيط اجروحهم وجروحي شلها بعد ماكو صبر واحمل أذيه |
رد: الأبوذية
دواك الصبر بالك لا تهملهْ
وبين اعداك دمعك لا تهمله وجامل حال وقتك لا تهمله ولا الشامت يكلك يا خطيه |
رد: الأبوذية
العذول بكل وكت يهواي حجمه
ودمك من تشوط اعليه حجمه حاقد ماعرف قدرته وحجمه عايش بالنميمه وهاي هيه |
رد: الأبوذية
ضاع الصدك والجذب يوم الأكلنه اللحمة
شي تكول حلال وشي علينه تحرمه عساكم بالهجر والفنا كلمن فرق اللحمة |
رد: الأبوذية
لومك مااجاني بغير لوله
عمرك ماأريدن بيه لوله والعاشك ينام بغير لوله لان كلبه يلولي بكل مسيه |
رد: الأبوذية
اضعون البيهم المحبوب شالن اجفوف الما تودع الراح شلــن تركت اجروح ما فد يوم شلـــن يضل جرحك رفيجي للمنيــــه رسول |
رد: الأبوذية
قسه هذا التراب سباع ما هـــاب كطع حتى النسيم اعليه ما هب تضمــــــه الكاع والصنديد ما هب لأن أمر الاله حط بالقضيــــــة |
رد: الأبوذية
يفارس مو وكت نومة ولك كوم الك اهل الحزن ناحت ولك قوم ولك يوجر حطب كلبي ولك كوم حطب يسري بهشيم النار بيه |
رد: الأبوذية
صح لساك شاعرنا
|
رد: الأبوذية
الذيب انكطعت اليسرة ويمناه ..
تمشي الواوية جدامه ويمناه ..خوفك من الجريب وايدك اليمناه.. تراها صارت بهل الزمن فرهود ويا هو اليَّ |
| الساعة الآن 01:49 PM. |
Powered by vBulletin® Version 3.8.9 Beta 3
Copyright ©2000 - 2026, vBulletin Solutions, Inc.