|
رد: الأبوذية
أحباب الكلب من راحوا ولاجوا
عليهم ناحوا الوادم ولاجوا شكثر بفركاهم لحوا ولاجوا يهل الدمع كل صبح ومسيه |
رد: الأبوذية
بكيت أجمع رسايلها وعدها
جاذب دوم يطلعلي وعدها اعتبرت أيامي سوده وعدها صعبه وما تحن أبدا عليه |
رد: الأبوذية
طول الليل كلبي زاد ونه
بسمك ينتخي ويسألني ونه سمعته وصحت يامهيوب ونه ابجي ودنيتي اظلمت عليه |
رد: الأبوذية
يظل كلبي اك للدوم وياك *** يفرح بالبعد مادام وياك
واحذر من حجي العذال وياك *** مايردونه ابد نمشي سويه |
رد: الأبوذية
نشدت الناس گالولي ترة شال (رحل)
گلبي من القهر كومة وجع شال (حمل) ايدك بالبرد جانت مثل شال (شال ) تدفيني وترد الروح ليه |
رد: الأبوذية
من نكعد سوية ابد من جوع
وكلبي لو تركته يون مو جوع ابقى انطرواريدك ترجع ر جوع واشوفك كل وكت مكبل علية |
رد: الأبوذية
أسلّم بس على الغاليـن الأحباب
على اللي أَوْجروا گلبي بالغياب كفـاكم،عيـني تلفت والچبـد ذاب تظل آثاركــــم حلــوه وزهيـــــه |
رد: الأبوذية
بيدينه يخي نكتب وعدنه
شما نبعد اله رجعنه وعدنه كلنه اليوم ما يصدك وعدنه يراوينه الدهر سخط وأذيه |
رد: الأبوذية
جسمي من الهجر راكد وناحل
خيوط الحب يخلبصهه وناحل مسائل راح يلقيها وناحل ودمعي هل جره فوك الوطيه |
رد: الأبوذية
يحل خيوط صحبتنه ونا شد
ليل نهار انصحنه ونا شد شكد غنيت لكليبه ونا شد منه ما شفت بس الاذيه |
رد: الأبوذية
كتله هواي لا تحجي وراهم
اشوف الخلك مخبوصه وراهم كل واحد بهلدنيه وراهم تراويهم الآهات وأذيه |
رد: الأبوذية
أحبك من قبل جدك وجدي
صحيح انه انكت بس وجدي يم دارك اظل اسأل وجدي بلكي ياحلو تعطف عليه |
رد: الأبوذية
من كلبي انه ابعثلك سلامات
اتمنه بهنه تعيش وسلامات بعلته اللي يكرهنك سلامات فرحت بالخبر من وافه اليه |
رد: الأبوذية
بليله مقمره والولف يماي
كعدنه والورد يزهي يماي صحت بصوت عابي وين يماي تنطي وليدهه احله هديه |
رد: الأبوذية
صفيت وحيد والشمات مايه
وعيوني تهل الدمع مايه حبيبي من مشه للآن مابه ولا دزلي خبر يسال عليه |
رد: الأبوذية
كلبي يا ترف لتظن مسالاك
وهجرك خربط علي مسالاك بخير وهنخ اتمنه مسالاك وكتها بلكي تتحنن عليه |
رد: الأبوذية
مكتوبك يغالي مالوانه
شعجب عاذلي يسخر مالوانه الشقي شحده يصلني مالوانه واذا يوصل اشوفنه المنيه |
رد: الأبوذية
سبحنه ابحر حبك منكبينه
لأن انت حبيبي منكبينه الهجر أتعب يغالي منكبينه وصفينه بالعذاب احنه سويه |
رد: الأبوذية
هجرك زيّده الهمي وشجاني
تعذبني وتأذيني شجاني شنو اللي شفت منك شجاني ليل نهار بس تضحك عليه |
رد: الأبوذية
أصيجن من يجن ليلاي مرّه *** دنياي بغيابج غدت مرّه
تعاليلي ولو بالطيف مرّه *** نحجي بالجره عليج وعليه |
رد: الأبوذية
حبي إلك مثل الماي وأصفة
ما أكدر أبد أحجي ووصفة ترة طبتك عليه عدال وصفة تطيبني ونرد الروح ليه |
رد: الأبوذية
اسمك بالكلب ساكن وجدماي = محال انه اطفيها وجدماي
كلي شلون اصل يمك وجدماي =تتراجف واظنها تخون بيه |
رد: الأبوذية
الزمن ما يوم فرحنه وسرنه
بدرب الخير عدينه وسرنه ما جانه خبر جيته وسرنه اركص حتى وانثر واهليه |
رد: الأبوذية
منو الجابك الشوفي وعنك معقولة الهوى هزك وعنك ترى الناس الحجوا عني وعنك تغار تريد مانكعد سوية |
رد: الأبوذية
أيامي المضت يا صاح ونها
حسرات الصدر ينسمع ونها جنت آمر وانهي كبل ونها صرت بزمن بس يأمر عليه |
رد: الأبوذية
مدلل بالحسن لا بسله حله
كمشت خده وصرخ يهواي حله كتله وين تسكن كال حله عراقي ونخوتي تبكه سجيه |
رد: الأبوذية
كلبي احترك من هجرك وجدماي
كلي شلون اطفيها وجدماي شلون اكرب واصل يمك وجدماي ترعش والهجر ولفي أذيه |
رد: الأبوذية
والقلب ينشد على اللي يوده
ياأم النبع وحنه وورده |
رد: الأبوذية
راحن للمحل سمره وشكره
عليجن الله ساعدني وشكره مو مر العسل ريكه وشكره ميضر العسل لوخذت ميه |
رد: الأبوذية
درب المحب كلي روج جنبي
اتمنه كلتله تصير جنبي والله من دربكم صار جنبي شوفني الهموم وكل أذيه |
رد: الأبوذية
بشهر الخير مكتوبك وصل لي
يكلي لله تتوجه وصل لي بلكي يفرج همومك وصل لي وبالجنه نعيش احنه سويه |
رد: الأبوذية
بظلمة ليلي تبكه انت لاله
تنساني يكلي كتله لاله عطر الورد انت احله لاله شلون انساك وانت النسمه ليه |
| الساعة الآن 12:53 PM. |
Powered by vBulletin® Version 3.8.9 Beta 3
Copyright ©2000 - 2026, vBulletin Solutions, Inc.