|
رد: الأبوذية
يهل مبعد بضعنك ونة ونة
وترة غناي بغيابك ون أونة التمر للغير تالي والنوة النة وانا عثوكك مربيهن بأدية |
رد: الأبوذية
دمعتي تروح وروحي من اهلهة
ونا لعيني دمعهة منهة الهة سعيت اطلب الحاجة من اهلهة الحاجة وية اهلهة اكطعوا بية |
رد: الأبوذية
الدهر من دار عزتنه حولنه
البجي والنوح بس النه حولنه لاتزرع ورد جوري حولنه ضعوني والخيم يسرن سويه |
رد: الأبوذية
عليك اسأل هبوب الريح لوهب وعليك الكلب كالمجنون لوهب جمر فركاك وسط الروح لاهب ويطفه بكلمه من تسأل عليه |
رد: الأبوذية
عذول من البواجي جار مني وعليك الدمع صد وجار مني اريدك كون تصبح جار مني وآظل مكابلك صبح ومسيه |
رد: الأبوذية
هله بطاري الاحبه اليوم من طر عزيز انت وعليك الگلب منطر وحگ عينك عليه المسچ من طر كلامك والنفس صارن سويه |
رد: الأبوذية
ابوسط كلبي يولفي انته حليت
ابشعرك كل مرارة انته حليت جم مشكله ابمشكل انته حليت النبل عندك طبع انته وسجيه |
رد: الأبوذية
يهل ماخذ كليبي ,,, ,هله هله كبل متطيح اصرخ ,,, هله هله دم دمع الجفن بجفاك ,, هله وانه الهليت بلكه تهل عليه |
رد: الأبوذية
حلونا لازم تضوكه ومرنا
والنا تطيع يمدلل وامرنا تعال واعتني لينا ومرنا احس جن البيت جاي يطير بيه |
رد: الأبوذية
وحــــق التين والزيتون والياس
وحق سن العقل والطيش والياس إذا مـــريّت اطش جكليت والياس اشتلة بالدرب يــاخذ تـــحية |
| الساعة الآن 02:50 PM. |
Powered by vBulletin® Version 3.8.9 Beta 3
Copyright ©2000 - 2026, vBulletin Solutions, Inc.