|
رد: دارميات عراقية ..
حسافة نموت بالذلة 000 وغربة
ملكنا مشرق العالم 000 وغربة الكلب لامظهر ولامال 000غربة احن واستاق لهلي بكل مسية 000000000000000000 حميد وينك يمه |
رد: الأبوذية
حسافه نموت محد يبجي يمنه لوانه الوكت ايسر واحنه يمنه لو تدرين بينه شلون يمنه جا شكيتي ثوبج كل مسيه |
رد: الأبوذية
منو مثلي ابهجركم صار بيداي
اهيم وبيتي صار ابوسط بيداي يبعد اجلاي ماتخذني بيداي وتوخر الهموم اللي عليه |
رد: الأبوذية
أريد اكتب قصيدة اشرح ودادي يمن دون البشر حبك مرادي بجفاك اتشمتت بيه الأعادي اون بسكوت والعله خفيه |
رد: الأبوذية
من شفتك انه لجفوفي حنيت
وهاي ضلوعي حنية هجر حنيت مثل ام الفصيل عليك حنيت شوكت كلبك يحن تالي عليه |
رد: دارميات عراقية ..
مضه الطيب من ايامك..وشل الحل
تعب وهموم ومعاتب..وشل الحل جاي اليوم تسألني..وشو الحل ذره من العقل ما بقت بيه منقول |
رد: دارميات عراقية ..
أصد وأزعل وأدير العين..طبعاً
لان لجمات الك بالكلب..طبعاً حلو وتنحب ولكن بيك..طبعاً تشك وتغار من روحك عليه منقول |
رد: الأبوذية
أذا أزعل ودير عيوني ..يعمن على الظل بيه من فركاك يعمن ولا ازعل عليك بيوم ... يعمن احبك اكثر من الروح اليه |
رد: الأبوذية
ماخاب ابحياته ابد من شار
على حبال الهوى قصتنه منشار الشامت وجهه ماينحمل منشار يكطع كل وصل بين البريه |
رد: الأبوذية
ابد ما بية لولة بس لوني
هلي واحباب كلبي بس سلوني ومثل عود المخيس بس لونه خذوا كشرة وكالو ما منه نفع سمعتها من جدتي كانت تقول الأبوذية ولا ادري أهي لها أم لغيرها من اهل سامراء مو تضحكون عليه هههههههه |
| الساعة الآن 01:50 PM. |
Powered by vBulletin® Version 3.8.9 Beta 3
Copyright ©2000 - 2026, vBulletin Solutions, Inc.