يعمري الراح كله مانح الهَ
وهسه الشيب بيه ماني حلهَ
تره عكده لعكدنه ما نحلهَ
اذا كلهن الك شيظل اليه

ما ينكطع لا والله وِده
وجرحك مايطيب حسين ودَه
شفت راسك يخويه بطشت وده(وداه)
يزيد وحضنته وماتت رقيه

عظم الله لكم الاجر باستشهاد طفلة الحسين (رقيه) عليهما السلام

شجاك اويَ الوكت صاحبت جاره(جوره)
ولو رايح لكلبي سوي جاره
ابد ما سوه مثلك ويَ جاره
بسابع جار وصى الله ونبيه

تنورك بوسط حشاي شجره
تساند عاذلي وعداي شجره
اظل واكف ابد ماطيح شجره
وما تحطبني فوسك تدري بيه