|
رد: دارميات عراقية 4
بستاني جفت حيل والعشب اصفر
ليش انت هيج وياي كلبي تمرمر |
رد: دارميات عراقية 4
تكلي انه تخليت عنك يولفي
رحت انه يم فلان وانطيته عطفي |
رد: دارميات عراقية 4
ماجنت انه فد يوم وياك جذاب
ارجع العقلك عاد مو انت حباب |
رد: دارميات عراقية 4
كتله صباح الخير مارد عليه
ونار العشك ياصاح تلتهب بيه |
رد: دارميات عراقية 4
يوم النفاه جثير خوان اجوا ليك
ويوم العسر ياصاح من يسأل عليك |
رد: دارميات عراقية 4
دموعي تهل عليك صبح ومسيه
وغيبتك يلمحبوب بلوه عليه |
رد: دارميات عراقية 4
كتله صباح الخير مدريته زعلان
گلبة طلع صخرات مو گلب انسان |
رد: دارميات عراقية 4
كلبه طلع صخرات مو كلب أوادم
مدريت بي جوعان يدور عزايم |
رد: دارميات عراقية 4
ياكمر وين تريد مو ولفي يمك
همي يهد جبال مومثل همك |
رد: دارميات عراقية 4
هذا المطر ياصاح ذكرني بهواي
نمشي سوه والغيم يتنومس وياي |
رد: دارميات عراقية 4
ريت المحن من طين وأعجنها بيدي واترسها كلها افراح واعلنها عيدي |
رد: دارميات عراقية 4
اترسها كلها افراح وانثر الجكليت
نذر علي اليوم لو مرة مريت |
رد: دارميات عراقية 4
برد ومطر ياصاح وأهلي بالخيام
والحلم صار بعيد جنه من الاوهام |
رد: دارميات عراقية 4
شمس العراق اليوم حلوه وجميله
تنطي الدفو للناس جنها خميله |
رد: دارميات عراقية 4
ليش الفرح لحظات ما يرضى يلفي والحزن عاش وياي حسّبته ولفي |
رد: دارميات عراقية 4
ليش الفرح لحظات والحزن دايم
والجذب عدنه زاد والصدك نايم |
رد: دارميات عراقية 4
الحزن عاش وياي من الصغر لليوم
ويه الفراح يهواي جني انه كوم |
رد: دارميات عراقية 4
جمعتنه تحله هواي ويه الحبايب
يزهي الفرح يهواي برجعة الغايب |
رد: دارميات عراقية 4
وين الربع ياصاح اشتقتلهم انه
انده وصيح فلان محد اجانه |
رد: دارميات عراقية 4
النبع ياأحباب صعبه اطبله
لو يجرزين وياي لو انه أخبله |
رد: دارميات عراقية 4
اقتباس:
شنهو الجرة دكتور اشرحلي الأسباب حتى افهم الدعم واكنبها بكتاب |
رد: دارميات عراقية 4
اقتباس:
لكن بهل الايام جياته حلوات |
رد: دارميات عراقية 4
النت صعب دكتور وبضعفه محتار
والنبع هم فرحان لما انت بالدار |
رد: دارميات عراقية 4
اقتباس:
والنبع هم فرحان باهله والاصحاب |
رد: دارميات عراقية 4
هم التشيله الروح مامثله موجود
لا لطم عالمتنين لاخرطـة اخدود |
رد: دارميات عراقية 4
لا لطم عالمتنين ولا گلي كافي
بس من شهكت بساع گلي عوافي |
رد: دارميات عراقية 4
هم البعد يفلان منهو اليوصفه
ماغزر الاخلاص وياه يوسفه |
رد: دارميات عراقية 4
اسال على اليهواك ياولفي بس عاد
كافي هجر يازين ماكفه البعاد |
رد: دارميات عراقية 4
الوطن ليل نهار عايش بالهموم
لشوكت تصفه الناس وتنزال الغيوم |
رد: دارميات عراقية 4
وينك يحلو الطول اصرخ وانادي
مو فرحت الشمات ويه الاعادي |
رد: دارميات عراقية 4
من جنه احنه زغار شكد حلوه الامطار
ياحيف هسه الناس تتمنه ماصار |
رد: دارميات عراقية 4
المطر عند الناس يسوه المحاشي بس من بارضنه يطيح يغديها راشي :1 (12): |
رد: دارميات عراقية 4
المطر هو الخير يحي ارضنه
من الفساد ازداد غرگ وطنه |
رد: دارميات عراقية 4
الدنيه بس هموم مابيها افراح
فركه ودمع وآهات مليانه اتراح |
رد: دارميات عراقية 4
فرگة ودمع وآهات لتصدك انساك
تدريني كل الناس مكدر بلياك |
رد: دارميات عراقية 4
تدريني كل الناس انه احبك
صبح ومسه وبالليل كاعد بدربك |
رد: دارميات عراقية 4
صبح ومسة وبالليل ايدي على خدي
تعبني حچي الناس يابعد چبدي |
رد: دارميات عراقية 4
تعبني حجي الناس وانت ولاجن
كافي هجر يفلان عقلي تره جن |
رد: دارميات عراقية 4
الروح طول الليل داتبجي وتون
بلكي تجي يهواي فد يوم وتحن |
رد: دارميات عراقية 4
مو تدري كلش زين كلبي يحبك
صبح ومسه وبالليل كاعد بدربك |
| الساعة الآن 12:38 AM. |
Powered by vBulletin® Version 3.8.9 Beta 3
Copyright ©2000 - 2026, vBulletin Solutions, Inc.