|
رد: الأبوذية
وحكَ البيت واليمة والعظام
أحبك وبكثر حزني ولع ضام يفز جلدي من أشوفك والعظام ترجف بس تحط ايدك عليه |
رد: الأبوذية
اذا ماتدري هاي الخلك سلها
بعدك والصدود الروحي سلها مثل السهم سأله شلون سلها وخلاني أخاف من الأذيه |
رد: الأبوذية
يهل رايح لهلنَه سلم ألنَه
الليالي بيد غربَه سلمنَه عنبنَه وما حوينَه سلَه منَه خسرنَه العنب والسلة سوية |
رد: الأبوذية
شحلاتَه الشعر لمن طلع من فاك
ويضل بابك لعد الخير منفك أذا أنت ببلاد الغير منفاك الوطن صار بغيابك منفَى ليَه |
رد: الأبوذية
الشوك وياك صدفة قابلاني
شيجي منك عليَه قابل آني تقشمرني بضحكتك قابل آني غشيم وتعبر الضحكة عليَ |
رد: الأبوذية
ميفيد الحجي علمضه والراح
وحتى لو صفكت الراح والراح من شفتك عرفت الفرح والراح كلي اشغيرك ولفي عليه |
رد: الأبوذية
مالمتني
**** وعلي ضاكت الوسعة *&* مالمتني لون تدري الوادم *&* مالمتني لها الظاهر وانه النيران بيه حالي **** انه ارداي الونين اشكثر *&* حالي عييت وهل شبت من دون *&* حالي يعمي اشلونه حالج مثل *&* حالي طايح والنوايب ترس بيه ------------------------------- |
رد: الأبوذية
ابكلبي مابكت يهواي همه
فوك الكمر والله ازداد همه انصبت للروح آنه بيوت همه حتى ماتظل تعتب عليه |
رد: الأبوذية
انه الكضيت عمري بلاله ,,, لاله وابد ما يوم كتلك ,, لاله ,,,, لاله لان وجهك شمس والوجنه , لاله من تجفي الوكت يظلم عليه |
رد: الأبوذية
يمر طيفك ورد وامطار وانهار وببعدك حبيبي روحي تنهار أرد باسمك يغالي ليل ونهار لوعني الحنين شلون بيَّـه |
رد: الأبوذية
حبيبي من تعوف الكلب لاوين
على فراش المرض انتظر لاوين ضلوعي اتكسرت وذبلت لاوين تحملت بصدودك كل أذيه |
رد: الأبوذية
تره شفتي بغيابك دوم...تنشاد
وعليك اعضاي كلهه ابنوح..تنشاد متى روحك ويروحك حيل..تنشاد واصيرن بيك وانته اتصير بيه الشاعر كريم..منقول |
رد: الأبوذية
يالبـــجفاك ضاع العـــمر وســـفة تعـــذرني لون ما جيت واســـفة وحك حسين والكرار وسيفة أجيك زحوف عالركبه واديّه |
رد: الأبوذية
ديار الولف جنها حنه بيها
ضلوعي من جفاكم حنه بيها وهاي جفوفي ماظن حنه بيها هذا الصبغ دم فركاك اليه |
رد: دارميات عراقية ..
اسمع اتمنه صرت هلوله
ألنه الحزن دوم صار سوله دنيا هام هي هيه ..معقوله جف بجف اضرب بيديه |
رد: الأبوذية
أنه بحبك يحلو الطول فالح
حظي صفر بس وياك فالح بيك ابقه بهنه وافراح فالح بس لاتفرح الشمات بيه |
رد: الأبوذية
غريبة وأحن لديارك واراضيك وصعب زعلك عليه شلون اراضيك جافاني النفس حيل وأرى ضيك يخنك عبرتي ويرجع عليه |
رد: الأبوذية
من هجرانه هاي ضلوعي حنت
ودمعي هاي ايديه بيه حنت روحي تحسرت والله وحنت يمته تجي ياولفي اليه |
رد: الأبوذية
غركَت بدمع عيني من تجارة حبك مو شرايه ومو تجارة تعالي اشكيج همّي منتي جارة؟ واسولفلج على الي صار بيه |
رد: الأبوذية
عبرت آنه الك وديان ونهار
انوح الليل صبح وفجر ونهار بدر حبنه ذبل اوغاب ونهار كافي عاد شوكت اتحن عليه |
رد: الأبوذية
يبعثرني الهوه بفكَدك وافر بيه وجمّدني ثلج وصلك وفر بيه هم ينساك كَلبي وين افر بيه يمته الوكت يجمعنا سوية |
رد: الأبوذية
شفه المعلول من علته وانا داي
عذبته بكثر نوحي وانا داي بدربه لنتظر جيته وانا داي دخيلك ياحلو اشفق عليه |
رد: الأبوذية
من تكلبه
گلبی بلا گلب بعدك *&* منتگلبه تگلبه وماتجد غيرك *&* من تگلبه نشاز يصير ثوبک *&* من تگلبه ونشاز يصير كل غيرك عليه .... ابو حمزة الخفاجي **** من تكلبه كلب الردي اسود *&* منتكلبه مثل حية ومعفية *&* من تكلبه كل ثوب يتغير *&* من تكلبه بس ثوب الحيايا يزيد ضيه ..... ابو عمار الربيعي في 31/ 12 / 2013 ------------------------ |
رد: الأبوذية
كلمني الحلو ابجيته وسرني
فرحتي برجوعه اهنا وسرني سر عدهم بكه بسرهم وسرني كافي أحزان خلنفرح سويه |
رد: الأبوذية
شاطراني
انه بسف القوافي *&* شاطراني ( الماهر في صنعته ) وانه بس نهر دجلة*&* شاطراني ( قاسمه على نصفه ) مثل صوفي العقيدة *&* شاطراني ( المسرع الى ألله ) مو منبت خباثه وفاجريه ..... --------------------- مع تحيات ابو عمار الربيعي في 7 /1 / 2014 م |
رد: الأبوذية
حزني عليك باقي ليل ونهار
شطوط عبرت الك ياترف ونهار حبنه اللي بنيته وكع ونهار والشمات فرحوا والله بيه |
رد: الأبوذية
اضنك ما شفت بجفاك لوجاي شربته وما يغصص ماي لو جاي يخايب جا نسيته حفاك لو جاي ما ضنك بعد تلحك عليه |
رد: الأبوذية
ابو ذيات قلعاوية و مجراوية
------------------ وانحال وهن عظمي وتردى الجسم *&* وانحال لآن حبل الموادد يبس *&* وانحال انت بحال اخس كل حال *&* وانحال مثل حال الموسد للمنية **** وندماي الحبيب الجان الى سلوة *&* وند ماي راح وحسرتي بصدري *&* وندماي اصحابي اتخضب بحنة *&* وندماي خضابي الصار من جفني لديه وهدناي **** مسني الضر وهد حيلي *&* وهدناي كتله اشتمر عن ابعد *&* وهدناي ربي لاتكلني لحد *&* وهدناي روحي التحتضر علتي الخفية **** وجن يهيلة اعضاي من الشوك *&* وجن حسافة سنيني كلها المضت *&* وجن ضاعن بين دس الانس *&* وجن صرت سكران كل صبح ومسية **** وشال عليكم حتى دمع العين *&* وشال ويوم الطحت انه الحمل *&* وشال انت الضعن واسرى بحال *&* وشال بهدوة ليل ماودع خويه **** ونامن اريد اتوسد ذراعك *&* ونامن وروحي من القهر تبرد *&* ونامن من هجرك نسيتي اسمي *&* ونامن من رحمة على ابيك ردني ليه _______________ مع تحيات ابو عمار الربيعي في 17 / 2 / 2014م |
رد: الأبوذية
الدهر خاين وهاي احشاي فرها
ابنار البعد والهجران فرها والباكي الخلك دنياه فرها وظلت مظلمه الدنيا عليه |
رد: الأبوذية
شكثر حبيت مثلك ما شفت حب وانا العـــطشان وانت المـــاي بـــالحب لا فـســــتق بــــعد ينـــــفع ولا حــب والحســــــرات شبـــــعت شبـــــع بيه |
رد: الأبوذية
|
رد: الأبوذية
ظل حاير ابين اصعود ونزول
كاعد بالطرف لاملك ونزول عساه ابمرض مابي شفه ونزول ادعي عليه كل صبح ومسيه |
رد: الأبوذية
بعد حملي على الجتفين ........مو مال ولو تطلب فديتك روح..........مو مال صدك زم كلبي آنه عليك........مو مال ما املن ابد والبيه بيه |
رد: الأبوذية
الدارك يابعد روحي رشدنه
حلو الطول تيهنه رشدنه أسألك منهو بالدنيه رشدنه تركني وأبد ماجاوب عليه |
رد: الأبوذية
أطش روحي بوسط دربك ولمها
بعينك شوف يحبيب ولمها ماخليت لاعارف ولمها بلكي تحن ولو نظره عليه |
رد: الأبوذية
عزف همسك يطشّرني والمني يالحبّك سره بكَلبي وألمني ناديتك حلم يا كل الأماني زكاتك لا تزيد الوجع بيه |
رد: الأبوذية
مساء النور كتله وكلي ومساك
وبالوجنه أشم عطور ومساك اذا جاني اعوف الأكل ومساك وافطر من يهب عطره عليه |
رد: الأبوذية
حبك سبحة بايديه وافر بيه وكَلبي نار وكلَبك جن وفر بيه أريد اشرد أنا وكَلبي وافر بيه واعوفك يالغدرت وخنت بيه |
رد: الأبوذية
حبك بالكلب مزروع شجره
عليش تكول شنهو الصار شجره متدري من العيون اليوم شجره دم وي الدمع يجرن سويه |
رد: الأبوذية
ربك ناظر وسامع بداهه
الفضل للي عمل طيبه بداهه مثل الكصت احشاهه بداهه صرت مالوم من غصبن عليه |
| الساعة الآن 01:48 PM. |
Powered by vBulletin® Version 3.8.9 Beta 3
Copyright ©2000 - 2026, vBulletin Solutions, Inc.