|
أنا وليل ألمجر / شعر علي كاظم درجال
أنا وليل ألمجر والون والهموم
أنتشارك والدمع بعيوني شاهد ***** أنا ألضيعت عمري ويالمجانين انام أعلى ألحصيره وكلبي جامد ***** ردت أشعل ألنار بكلب ألحباب أحترقت أنا وقلب محبوبي بارد ***** تهنه ونام باأطيب عرك طيب لأن كل ألجروح أصواب واحد ***** ياهرش ألكطعته أبساعة ألغيض تضل تنزف غضب وبغم أجاهد ***** ياريت أمن أموتن أنت دفان نتباره ألذمم يبن ألأماجد ***** أوصيك أووصيتي أبرقبتك دين اذا زعلان خلني أبضيمي خامد ***** لأن غيضك ثكيل أوحمل هميان وأظن مايك خبطته وجان راكد ***** أنه ألمديون ألك لمجرجع الخام أضل ألياوكت يفلان لابد ***** وسدني ألمنيه وكلي مبخوت وهيل أتراب همك وأنت صامد ***** أهناك أمن أنتلاكه بيوم ألحساب أنجيل أذنوبنا بميزان واحد |
رد: أنا وليل ألمجر / شعر علي كاظم درجال
أهناك أمن أنتلاكه بيوم ألحساب أنجيل أذنوبنا بميزان واحد وخليني أكله يا / استاذ علي الربيعاوي وضن كل الحساب يصير وياك كل ذنوبي منك والله شاهد كلمات تدخل الى القلب بروعة مشاعرها تحياتي |
رد: أنا وليل ألمجر / شعر علي كاظم درجال
اخي علي قرأت قصيدتك اكثر من مرة
وفهمت القليل من الكلمات لهجتك صعبة علي شيئا ما ولكن وصلتني الفكرة ربنا يريح قلبك من الحزن ويكفف دمعتك ويصبرك على عمايل المجانين تحياتي |
رد: أنا وليل ألمجر / شعر علي كاظم درجال
صح ألسانك أستاذ محمد وانت الصادق ،،، تحياتي |
رد: أنا وليل ألمجر / شعر علي كاظم درجال
حتى بالحلم مرتاح انه وياك
شوصفك ياغزال بذهن شارد **** كلمات نسجتها الحسجه العراقيه أرجوا ان نالت رضاكم سيدتي شروق الفاضله ،، تحياتي |
رد: أنا وليل ألمجر / شعر علي كاظم درجال
الاديب المبدع علي كاظم درجال الربيعاوي /ابو عمار
محبتي شعر جميل وخيال خصب قصيدة فيها من الحزن الجميل مايمتع القاريء أحييك |
رد: أنا وليل ألمجر / شعر علي كاظم درجال
منكم تعلمنا ومنكم نستفيد يارائد القصه القصيره استاذي الفاضل سعدون البيضاني
ـــــــــــــــــــــــــــ ياليل يلفارش الوحشه يمته تروح وتجي الغبشه لجدامكم كلبي لفرشه ______________ اخوك علي كاظم درجال الربيعاوي |
رد: أنا وليل ألمجر / شعر علي كاظم درجال
تصوغ مشاعرك همسات تتسلل إلى القلوب فتفززها من مللها وتزيح عنها نكدها وهمومها لتتفاعل مع النص العذب الرقيق |
رد: أنا وليل ألمجر / شعر علي كاظم درجال
شكرا جزيلا استاذي الفاضل عبد الرسول معله على مرورك وتعليقك المتميز اتمنى لك الصحه والسعاده الدائمه ،،، تحياتي |
رد: أنا وليل ألمجر / شعر علي كاظم درجال
من اجمل ما كتبت اناملك
لان الليل في المجر له طعم مختلف . . . . عافاك الله ابو عمار |
| الساعة الآن 07:53 AM. |
Powered by vBulletin® Version 3.8.9 Beta 3
Copyright ©2000 - 2026, vBulletin Solutions, Inc.