|
الأبوذية
شكثر گلبي عليكم يحباب ينشد
مثل بلبل غريب بقفص ينشد گلبي من يجيه الليل ينشد و بعد ماظن يحباب احد ينشد عليه |
الأبوذية
أحبابي شلون حالتكم بعدنه؟=بعد رحيلنا
شبدينة والوكت عنكم بعدنه؟=فرقنا إذا انتو نسيتوا،إحنة بعدنه=لازلنا بذكركم كل صباح وكل مسيه |
رد: الموّال / مواويل
اقتباس:
الأديبة الكبيرة عواطف عبد اللطيف هذا النبع هو للموال فلماذا لا تفتحين نبعا آخر لإدراج الأبوذية تحياتي ومودتي |
رد: الأبوذية
الاخت القديره عواطف كلمات رقيقه ورائعه تحياتى اكرم |
رد: الأبوذية
قضية إسمك على إسمك ماشخطنة
إزدحام إحنة على دربك وماشي خطنة شتظن من كد حلاتك ماشخطنة إليشوفك ينشخط مية بالمية |
رد: الأبوذية
العقل بأمر الصديق إرجوك حَكمه
وبدال النكتة خلي إيكون حِكمة اليغدر صاحبة مو مهم حُكمة المهم شلون نتلافة القضية |
رد: الأبوذية
أزعل يا وطن وارجع اراضيك
وحن بغربتي لناسك واراضيك بغير الفرح صدك ما ارى ضيك واذا ًَمََرك حزن احسه بيه |
رد: الأبوذية
حلو إسمك وأبوك شلون سماك
حبيبيك لو زعل وياك سماك صرت سمچه وانت الصرت سماك لو طحت بحنانك إعطف عليه |
رد: الأبوذية
نسيت وتيهت روحي وهم بيك
وحسافه العمر خلصته وهم بيك خويت وضيعت ناسي وهم بيك اطلعت جذاب وهم تضحك عليه |
رد: الأبوذية
أدك باب اليضربك وأشتمنه
وأشيل تراب جدمك وأشتم منه كول أمرني حبي وأشمنه حاضر لو ردت روحي هديه ************ |
رد: الأبوذية
نفضت الثوب لا بين ولا ثار
ولا طلاب اجة اليطلب ولاثار كَلكَامش نهوا قصتة والاثار صفت باللوفر أباريس هية |
رد: الأبوذية
كافي من الهجر بطل ولك عود
الك نغمه بوتر كلبي والك عود تعال وشوف هاي سيوف تبقى جروح ابد متروح وكلب ثاني الك يحسب والك عد واحبك لو تصب تيزاب بيه |
رد: الأبوذية
حبيبي ارجوك تسمعني بهاداي
تراها الروح معلوله بهاداي الك هالعين ارسلها بهاداي بس ارجوك كلبي تعوفه اليه |
رد: الأبوذية
بهيمه ياظعن شوكي وناخوك
ونادوك اعلى كل محنه وناخوك عضيدك آنه بالشده وناخوك واصير احزام ظهرك للمنية |
رد: الأبوذية
شكيت وكوه جبت الراس (عراس)
وبدي تاج الوفه لبسته (عراس) عفته اليوم ثالث يوم(عرس) وخبر عرسه الشماته انطوه اليه |
رد: الأبوذية
شهد شمام شربت شكر شفتك
شهد شلزم شعوفن شكض شفتك شهد شاهد شهدلي بيوم شفتك سلب روحي وتركني للأذيه |
رد: الأبوذية
يروحي إنتي حياتي وإنتي عُمري
وإذا خرب زماني أنتي..عَمري تشع صيتي وكَعت وضاعـ أمري وروحي اليوم وصلت للمنيه |
رد: الأبوذية
شكثر گلبي عليكم يحباب ينشد
مثل بلبل غريب بقفص ينشد گلبي من يجيه الليل ينشد و بعد ماظن يحباب احد ينشد عليه |
رد: دارميّات عراقية
ظل غامض سؤالي وياك منحل وجسمي من السهر بجفاك منحل وحياتك صرت للناس منحل العسل حصتك واني اللسعات بيه |
رد: الأبوذية
رسم بية الزمان شلون خطة
بقلم من الضيم كلبي الوان خطة أدك على الفرح مشغول خطة يجاوبني الحزن ورد علية |
رد: الأبوذية
حطني حزام بلشدة ظهر لك
اكلبة الليل لو غثك ظهر لك اكص لساني لو شينة ظهر لك اظل اخرس ولا اخون لخوية |
رد: الأبوذية
هـذا العلـى جتفـك ظفـر .......... يا لـف
الك ملـﮔـه شحلاته وطبع .......... يالـف غمـﭽن جي رخصتن حيـل ......... يا لاف ملايين المهر طلبوا عليّة |
رد: الأبوذية
حرام انجان يهنه العيد ويطيب
ولاجرح البعد يلتام ويطيب الي بركان حدر الضلع ويطيب يطك من تمر ذكراهم عليه |
رد: الأبوذية
زمان الجان يزهي كبل مادام
وبجيت عله الخدود الروح مادام عكبهم كلت اسم الروح مادام مشوا عني بعد جا شلي بيه؟ |
رد: الأبوذية
أجلبنك يليـل اثنعـش ..... يلبـه
أحسّب بالتطلبه كلـف ..... يلبـه وأنت تريده حال الحال ..... يلبـه مجال اطني الم هدم العلّيـه |
رد: الأبوذية
اسف بغداد من عالي هويتي
حره شلون للغاصب هويتي على اسوارج غرب شگو هويتي شلت طينچ صفه بجيبي هويه الشاعر رعد الفياض *** |
رد: الأبوذية
مصايب غربتي ببعدك لوني"
أفرح وأنسعد وأرجع لوني" أمنيتي من العمر يمك لو أني" تواسيني وتضمد جروحي إلية |
رد: الأبوذية
غيابك خلخل عظامي وهدهن
واجر حسرات ببعادك وهدهن بيه دموع لو ابجي واهدهن تفيض اليابسة ونغرك سوية |
رد: الأبوذية
دخنت من التتن دنهل وسومر
وقلبي من هواكم زنجر وسومر احبكم من عهد بابل وسومر ولك حتى حمورابي انكسر قلبة علية |
رد: الأبوذية
صفت روحي بعد عيونك بس عود
وذاب القلب من فركاك بس عود شوكت يرجع زمان الراح ويعود واشوفك كل صبح ومسية |
رد: الأبوذية
صديقي ماأبدله بذهب لومال
واصير سند للحمل لو مال خاف تكول تعب مني لومل اظل وياك لاخر نفس بية |
رد: الأبوذية
زمان الصعب ماغير طبع بيك
تظل تنشد على احبابك طبع بيك الكرم والجود والغيرة طبع بيك واريد الله يحفظك بس اليه |
رد: الأبوذية
حزن دنياي تمطر ماصِحتلي
وردت فرصة اشوفك ماصَحتلي صرت اكبال عينك ماصحتلي صحتك مادرت وجهك علية |
رد: الأبوذية
زماني جرد اســيوفه وسنهه
عليه اوحرمــت عيني وسنهه وحق اللي فرض خمسه وسنهه بعد هيهات عيـش ايصير اليه |
رد: الأبوذية
أوِن بالليل من حِمّه و صخونه إذا برمضان جافانا أخونه و لا تصدِّك أنا بيومٍ أخونه عزيز و بالكًلُب، غالي عليَّ أمي الغالية و عمنا الريس، مرحبا مضبوطة لو بيها كسر؟ |
رد: الأبوذية
جنت ويّاك فوكًـ النجم بسعود صفت ديرتي للغربه بس عود ما أريدن شي يا خويه بس عود عزيز انتَ شلون نْطيت بيَّ |
رد: الأبوذية
الاستاذ الرقيقة / عواطف مشاعر رقيقة طيبة دمت ودامت مشاعرك الرائعة الوفية |
رد: الأبوذية
اقتباس:
شكراً لعبير مرورك كل عام وانتِ بخير محبتي |
رد: الأبوذية
الواشي أيلومني بحبكم ** يهيله وأنا جفني الدمع مزنه ** يهيله لون كل ألخلك لامت ** يهيله يحن كلبي ويزيد ألشوك بيه |
رد: الأبوذية
يخويه الدهر بيه حيل شدراك تكلي الحك الكل فاتوك شدراك ينايم بليعد النجم شدراك يعد نجم الظهر ويه المسيه |
| الساعة الآن 12:00 PM. |
Powered by vBulletin® Version 3.8.9 Beta 3
Copyright ©2000 - 2026, vBulletin Solutions, Inc.