بالصدفة ..............



بالصدفة فتت يم بيتكم ذاك

وذبيت شكثر عالباب حسرات

ودوسات الجدم ما جنها عالكًاع

جنه يدوس بجروحي القديمات

بجيت بْباب بيتك ياما دمعات

بكثر ما جانت إنّا بصفها وكًفات

بعيد وما تشوفك عيني يفلان

أوصّلك خبر بجفاك الكًلب مات

مشتاكً وأطيح عليك لو جيت

مثل قطرة مطر من السماوات

وأمس ذكروك يمّي وضاكًت الروح

وأعاين عالوجوه وكلها شمّات

يحالي شلون لمن يمّي ذكروك

وردة وكًطعوا يمها الفراشات

وجتّي خيول هجرك سحكًت الروح

موّتني وكًلت عَدّنْ سلامات

مو عيب انكسر وأبجيلك دموع

الدمع لليسوه يتسامى كرامات

أنة خلافك أبد ماليّه عنوان

عش وفرْهِدَوْا منـّه الحمامات



تحياتي الى كل أعضاء المنتدى

أهلا بك يا ولدي عصفورا شعبيا يزقرق على أشجار النبع

جميل هذا النص بصوره ونغمه المغلف بالحزن المطرب للقلوب

أتمنى أن تنزل أمطار قلبك على ساحات قلوبنا العطشى

اعذرني إن تصرفت في السطر الأخير لوجود كسر فيه

تحياتي ومودتي