|
الفيضان / للشاعر ابو عمار الربيعي
الفيضان / للشاعر ابو عمار الربيعي --------------------------- اجه الخنياب وجروف النهر لطلط زلوفه الماي *&* وعيونه مسلهمه وفتشت من الصوت ناشر كذلته وهايم بعزف الناي *&* ياصوت الربابة وهزت الصفصاف ياسدرة شواطي اهواي *&* يامشحوف اهلنا الركص ويه الروج ياشبوط غايب جاي *&* يابنيه خضره بلون عود الكاط ياصبرة بحر سلواي *&* ياكطان دهله اليلعب وياالروج لعبة مسعدة اعلى الثاي *&* ضلت يابسة شطوط العمارة سنين ماتطحن عمت رحاي*&* ياذلة ابنادم والوكت صيهود وهدوم مسردات ارداي *&* نعمه امن العزيز المطر جاب الماي بيه العجد والبني ودجاج الماي*&* ديرتنه عزيزة وتعجب الخطار وطابكها لذيذ اهواي *&* وجاليها رهيف ويحضن الخيال ومضايف زاهره ودلال فوك دلال والموحان رد للجالي والموال اصيحن حيل خدري الشاي يماي*&* وذكنا الماي بعد العطش يماي *&* وصار الماي فوك الماي يماي *&* اغني اهواي عمي اهواي يمه اهواي *&* بس غناي بهداي *&* ------------------------------ المجر الكبير في 7/2 / 2013 ميلادي |
رد: الفيضان / للشاعر ابو عمار الربيعي
أدام الله مضايف الأهل والأحبة
وجعلها عامرة دائماً ان شاء الله اخذتني هذه الحروف الى تلك الأراضي العامرة بالخير دمت بخير تحياتي |
رد: الفيضان / للشاعر ابو عمار الربيعي
قصيدة مبدعة أحسنت أيها الشاعر الراقي ودامت مضايف أهلنه مفتوحة للرايح وللجاي مودتي وتقديري |
رد: الفيضان / للشاعر ابو عمار الربيعي
ديرتنه عزيزة وتعجب الخطار
الله .. هذه الكلمات كم تحمل من المعاني الجميلة والصادقة تقديري الكبير أستاذ علي الربيعاوي دمت بخير |
| الساعة الآن 11:49 PM. |
Powered by vBulletin® Version 3.8.9 Beta 3
Copyright ©2000 - 2026, vBulletin Solutions, Inc.