|
دهر صابك
دهر صابك --------------- انهجم بيتك شوصفك من دهر صابك "" اريد اعشك عشك معدان واتهدل بمحرابك "" يكاط وشمبلان اخضر طعم خريط برضابك "" ياروجة غرام اتحوم مثل الطير يم بابك "" بطن صيني ويشده اوزارمتعلك ابدولابك "" اريد اتناك حتى اخذ علك من طارف ثيابك "" لآن شاراتك امبينات ومعقرات طلابك "" فلك طرك بدر البدور داخت بيك اصحابك "" ---------------------------------- ابو عمار الربيعي في 21 نيسان / 2013 |
رد: دهر صابك
اقتباس:
الله الله أحسنت شاعرنا الرائع لك مني أجمل وأرق تحية |
رد: دهر صابك
دهر صابك
عنوان جميل وجاذب استمتعت بقراءة هذا النص الجميل شكرا لك أستاذ علي تحياتي |
رد: دهر صابك
متكلي إشجرة وإشصار وتبين شنو أسبابك
صرت أسأل جميع الناس حتى سألت خطابك والشارات ممبينات مجنت أدري الدهر صابك المعذرة لخربشاتي دمت بخير تحياتي |
رد: دهر صابك
شكرا لكم احبتي على التعليقات الجميلة والتواصل حفظكم الله ورعاكم وسدد على طريق الخير خطاكم ......دمتم لنا
------------------------ |
رد: دهر صابك
دهر صابك ...
ندهت جروح ماتن بيّـه كبل سنين وأنت بكل وكاحة مشرّع أبوابـك فدوه إسكت.. أمس سكتن عيوني من بجي المعدان وأنت جاي يمي تذري ترابك أمس جلدي صبغته بلون المعرسين وأنت تريد أرد للسود بحسابك؟؟ لا والله... بعد للنوح ما أفك زيج خل يتعادى وي صيهودي خنيابك ويسمطني الملح وأشهك بطاري الماي وأنت الموت ... ظل مكشر نيابك |
رد: دهر صابك
انهجم بيتك وبلابوش طكك
تهدل..مو كبلك تهدلت بمحرابك مني شتريد كلي اشبعد اقدملك اشلون كلي اشلون اكلك انه احبك الاخ علي..تحياتي اليك |
| الساعة الآن 08:08 PM. |
Powered by vBulletin® Version 3.8.9 Beta 3
Copyright ©2000 - 2026, vBulletin Solutions, Inc.