منتديات نبع العواطف الأدبية - ابو ذيات من الموروث الشعبي العراقي

منتديات نبع العواطف الأدبية (https://www.nabee-awatf.com/vb/index.php)

- - ابو ذيات من الموروث الشعبي العراقي (https://www.nabee-awatf.com/vb/showthread.php?t=16695)

ابو ذيات من الموروث الشعبي العراقي

ابو ذيات من الموروث الشعبي العراقي
---------------------------
سروا و أنووا ضعنهم وين 00 يردون
ضمايه ومن دموع العين 00 يردون
لون أهلك حبيبي عبد 00 يردون
رضيت إن جان هم يرضون بية
00000000000
علي جيش الهوى صور00 حربلاك
وجفني ماغمض ساعة 00حربلاك
انت عين الشمس وأنا 00حربلاك
صرت وأهل الهوى قايست بية
000000000000
علامه الدهر شتتنا 00 و طرنا
عقب ذاك الطرب بالهم 00وطرنا
الف ياحيف مقضينه 00 وطرنا
وليالي الي مضت متعود ليه
0000000000
سهرت الليل بودادك 00و حييت
و قلت مرحبه بطارشكم 00و حييت
يامطرب طفت بالكعبة 00و حييت
إذا جايب حبيبي وياك إليه
00000000000
منو منكم علي نشد 00 من سال
جفيتوا و بجفاكم صوت 00 من سال
شعندي غير دمع العين 00 من سال
إخفف بيه مصاب الصار بيه
00000000000
يلوم المادرى بعلتي 00 شمرها
ومايدري الزمن عنهم 00 شمرها
ليالي فراقهم والله 00 شمرها
أمر من المنازع بالمنية
0000000000000
اريد ارسل سلام بشوك 00 بسمك
وافرح لو يجي المرسال 00 بسمك
نجم انه اصبحت يا زين 00 بسمك
وانت الشمس من تضوي عليه
000000000
منو مثلي يكضي الليل 00 ينطر
مكالب لمن فجره اعليه 00 ينطر
احس كل ساعة كلبي يريد 00 ينطر
واحس كل ساعة ثوب يوج عليه
0000000000000000000