يا دار
 

السلام عليكم ورحمة الله
هذه اول مشاركة، لي واول تجربة للشعر الشعبي ارجو ان تنال اعجابكم.
مبتسم السليم/ فنلندا



يا دار
يا دار كافي عتب
بس آنة عنده! التحچي
حيطانة.
والچان العتب!
على هل الصور
ذني اللي بقن
من عنوانة.
يا دار
غربة! وغرابة بشر
وعيون جوعانة
وحتى التعنة
الاخو!
يطلب أستأذانة.
( من يوم فرگاهم
وهذا الهم شعرنة
والعمر راح العمر
حنا شعرنة
وممشانة أصبح صعب
وأبيض شـعرنة. )
يا دار
هي ! آلمن دومت
حتى أدوم الي
آنة.
كلشي اختلف بهل الوكت
وضيعنة حتى اللغة
وللي يريد، يگول چلمة هلا!
يرطن الجيرانة.
يا دار
غربة وتحك بالجلد
مثل البي جربة.
صعب بيها تلگلة الوفي
او تحن وتگول جربة.

جربنا بهل الغربة
حتى الهوى
بس ما روى
والروح ترف
عطشانة.
يا دار
العتب على هل الصور؟
بس ذني البقن من
عنوانة!
بعنا كلشي وي الوطن
ناسه وميه وهلة
وگيعانة.
وما حسبنا، غربة! وغرابة بشر
والبيعة!!!!
صفت خسرانة
بعنا كلشي بهل الوطن
والبيعة خسرانة.

رد: يا دار
 

رائعة اخي العزيز في معانيها

ولكنها ليست مستقيمة الوزن

عليك بقراءة الكثير من النصوص كي يستقيم الوزن لديك

تمتلك طاقة جيدة عززها بالقراءة

مودتي وتحياتي

رد: يا دار
 

السلام عليكم
شكراً جزيلا. استاذي الدكتور اسعد. على هذه الملاحظات القيمة.
القصيدة هي من الشعر الشعبي الموزون! يتخللها في الوسط. ابيات الابوذيات. هذا ما اردت ان اوصله لكم.
من ناحية ترتيب الابيات. فجهازي لا يدعم اللغة العربية بشكل كامل.
اتمنا منكم المزيد من النصائح. حتى نصل جميعاً للهدف الادبي.
تقبلوا مني احر التقدير.
مبتسم السليم/ فنلندا

رد: يا دار
 

رد: يا دار
 

رد: يا دار