|
آني جيتك
آني جيتك
\ آني جيتك لا تردني آني جيتك آني تانيت السفينة ذاب كلبي من ونينة آني صديت الرياح أسبك الريح بمشيتي أركب الموج بغربتي لا تكلي سامحيني هو شيفيد السماح حيلي طاح وعلى شجرك ما لكيت بس لكيت العود وي مُرالصبر وآني أنتظر بلكن تمر وتجيني!!!!! تسكت بگلبي* أنيني وأنجويت بطيبتي مرمرتني غربتي لا لا ما بجيتك بس بجيت على روحي من القهر هي صح دموع جانت كالمطر بس أخذها وياه من مر النهر وين أروح ألمن أشكي ألمن أحجي گلبي* يبجي مو جرح واحد ياعمري صارت هواية الجروح كلشي راح كلشي راح وية دنيتنة الحزينة ذاب گلبي من ونينة بس دگلي أشلون تكدر تبتعد وآني أنتظر بلكن ترد وتالي عمري من مشيتي أنحنى ظهري بالبياض أمتله شعري ومن فرگتك ما جنيت بس الوجع وهو يهدني آني جيتك أنتظرني لا تردني وي خيط الصباح \ 10\7\2010 *گلبي=قلبي |
رد: آني جيتك
كلمات ذروة في الروعة
تنطق بهااليوم الملايين بحزن تحيتي لك سيدتي فرج الله عن الجميع ـــــــــــــــــــــــــــ مو جرح واحد ياعمري صارت هواية الجروح كلشي راح |
رد: آني جيتك
كلشي راح
وية دنيتنة الحزينة ذاب كلبي من ونينة شكراً لعبير مرورك محبتي |
رد: آني جيتك
آني جيتك لا تردني آني جيتك آني تانيت السفينة ذاب كلبي من ونينة آني صديت الرياح أسبك الريح بمشيتي أركب الموج بغربتي لا تكلي سامحيني هو شيفيد السماح حيلي طاح وعلى شجرك ما لكيت بس العود وي مُرالصبر وآني أنتظر بلكن تمر جميلة جدا حماك الله أستاذتي عواطف و هذا النغم الحزين الذي رافق الكلمات المثخنة شوقا و حبا و حنينا و عتابا و أملا و رجاء سلمك الله و منّ عليك بمزيد من الإبداع كلها حلوة بس حبيت بدايتها كثير لك تحياتي أمي الغالية و ضبة :1 (5): |
رد: آني جيتك
وين أروح ألمن أشكي ألمن أحجي كلبي* يبجي مو جرح واحد ياعمري صارت هواية الجروح أستاذتنا من راقي إحساسك ينبع بوحك الشفاف رائعة وأكثر تقديري |
رد: آني جيتك
أستاذتنا إحساس مرهف ونبض حنون رائعة في كل حالاتك دمت مبدعة تحيتي واحترامي |
رد: آني جيتك
آني جيتك
اِتسمرت يم باب بيتك خوفي لابابك يصدني ءوكلمة معاتب تهدني دكت اعله الباب ايدي جامد الدم بوريدي لافتحلي بيوم بابك ولا طريق الجابني كادر يردني طاحت الروح ءبعتبتك ياغربتي وياغربتك مدري تنعى اليوم حظي مدري آني الي نعيتك وهاي اجيتك عيوني ازرعها اعله بابك ءوروحي افديهه الشبابك وبهواك اتصفي ريتي طيب ءوصافي لكيتك ياعراق المانسيتك آني يحبيب اجيتك 0 حين اجد مايلامس جراحي تنساب حروفي مع حروفكم من جديد سيدتي اعذري تطفل قلمي على سطورك اليانعه 0 |
رد: آني جيتك
وين أروح
خلي يحجولك علي إشصار بي من فركتك صارت أيامي حزينة ذاب گلبي من ونينة آني جيتك والله لحظة ما نسيتك أنتظرني لا تصدني لا تردني آني جيتك الغالية اشراق الأنباري تحية من القلب محبتي |
رد: آني جيتك
اقتباس:
أهلا و سهلا بك شاعرتنا المبدعة إشراق و بحرفك الزاهي الجميل بيننا دعيني لو سمحت أفرد ردك الجميل هذا بموضوع مستقل فهو شعر شعبي جميل جدا حماك الله. لك تحياتي و لحرفك الجميل مثلها. |
رد: آني جيتك
الك اكتب قصيدي وكل الاشعار
وكلمات القصايد منك تغار اشوفك بالحلم وتفيض العيون وتفز روحي بفرح يا الجيت خطار |
| الساعة الآن 06:18 PM. |
Powered by vBulletin® Version 3.8.9 Beta 3
Copyright ©2000 - 2025, vBulletin Solutions, Inc.